Fréttablaðið - 29.08.2006, Blaðsíða 32
■■■■ { ljósanótt 2006 } ■■■■■■■■■■■■■■■■■■■■■■■■■■■■■■■■■■■■■■■■■■■■■■■2
Stuðningsmenn Keflavíkur hafa
getið sér gott orð fyrir mikla stemn-
ingu á leikjum liðsins í Lands-
bankadeildinni í sumar. Þeir kalla
sig Puma-sveitina og mun kjarninn
úr henni taka þátt í dagskránni á
Ljósanótt á laugardagskvöld og
bjóða upp á metnaðarfulla tromm-
usýningu. Jóhann Davíð Albertsson
úr Puma-sveitinni, betur þekktur
sem Joey Drummer, lofar mikilli
skemmtun.
„Við verðum þarna fjórir tromm-
arar með sérstaka sýningu, það
verða menn með okkur sem spúa
eldi og svona. Á eftir okkur spilar
síðan Sálin og svo verður víst stór-
kostlegt leyniatriði,“ sagði Jóhann
en ef viðtökurnar verða góðar segir
hann fátt geta stöðvað þá stráka.
„Lengd þessa atriðis fer mikið
eftir því hvernig stemningin verð-
ur. Það er áætlað að þetta verði um
tíu mínútna langt. Ef allt verður
brjálað og hörkustemning höldum
við samt bara áfram og spinnum
meira ef við komumst í gírinn. Við
erum þrír úr Puma-sveitinni og svo
verður Atli sem er eigandi Yellow
með okkur. Við höfum hist nokkr-
um sinnum og erum að ljúka við
að sjóða þetta saman. Þetta verður
skemmtilegt sprell.“
Þeir munu þó ekki koma fram
undir nafni Puma-sveitarinnar
á Ljósanótt. „Við fengum rúma
sekúndu til að ákveða nafnið og
ætlum að kalla okkur trommara-
kvartettinn Ringo,“ sagði Jóhann,
sem virtist þokkalega sáttur við
nafnið. Hann hlakkar að sjálfsögðu
mikið til hátíðarinnar og býst við
margmenni í Reykjanesbæ.
„Ég held að það verði brjáluð
mæting. Það verður fullt af við-
burðum í gangi með alls konar
sýningum og svona. Meðal annars
verður boðið upp á teygjustökk og
ég ætla sko að fleygja mér fram af.
Ég ætlaði að gera það 2004 en kom
nokkrum mínútum of seint,“ sagði
Jóhann, ákveðinn í að grípa þetta
tækifæri í ár.
Trommarakvartettinn Ringo
verður með þriðja síðasta atriðið á
stóra sviðinu fyrir flugeldasýning-
una á laugardagskvöldinu.
Spilum lengur ef stemning-
in verður rosalega góð
Metnaðarfull trommusýning verður í boði Puma-sveitarinnar á laugardagskvöldið.
Jóhann Davíð Albertsson er betur þekktur sem Joey Drummer. FRÉTTABLAÐIÐ/GVA
„Þetta gæti þess vegna byrjað í
dag,“ sagði Ásmundur Friðriksson í
samtali við Fréttablaðið en hann er
greinilega mjög spenntur fyrir því
að hátíðin hefjist á fimmtudag.
„Það er rosalega öflug dagskrá
og við skipuleggjendurnir erum
mjög sáttir við að hafa landað þessu
öllu. Það voru samt margir sem
vöknuðu þegar dagskráin kom út
og vildu fá að vera með. Við erum
alveg búnir að vera opnir fyrir því
að bæta inn á hana fram á síðustu
stundu,“ sagði Ásmundur en Ljósa-
nótt er orðin að fjögurra daga hátíð,
frá fimmtudegi til sunnudagskvölds,
þar sem hápunkturinn er á laugar-
dagskvöldinu. Til að byrja með var
hátíðin aðeins ein kvöldstund og fer
því ört stækkandi.
Þetta er í fyrsta sinn sem
Ásmundur stjórnar Ljósanótt en
hann er þó langt frá því að vera
óvanur þar sem hann starfaði við
Þjóðhátíð í Vestmannaeyjum í yfir
25 ár. „Þessi hátíð er náttúrulega
allt öðruvísi en þjóðhátíðin og ekki
hægt að bera þær saman. Við setj-
um fjölskylduna í algjöran forgang
og þetta miðar allt að því að gera
þetta eins fjölskylduvænt og hægt
er. Við leggjum áherslu á mismun-
andi atriði svo allir í fjölskyldunni
finni eitthvað við sitt hæfi. Áhersla
er lögð á að það sé ekki ölvun á
almannafæri og sem betur fer hefur
verið mjög lítið um unglingadrykkju
undanfarin ár.“
Á fimmtudagskvöldinu verða
sérstakir unglingatónleikar þar sem
margar athyglisverðar hljómsveit-
ir stíga á stokk. „Það er ýmislegt í
dagskránni sem er við hæfi unglinga
og má þar nefna góðar hljómsveitir
eins og Skítamóral og Sálina og svo
koma fram nokkrar Idol-stjörnur,“
sagði Ásmundur en búast má við
fjölmörgum gestum í Reykjanesbæ
á meðan á hátíðinni stendur.
Við eigum von á mjög miklum
fjölda húsbíla og við ætlum að
gera mjög vel við þá. Þeir fá stæði
við skóla í miðbænum. En þetta er
ekki tjaldsamkoma með skipulögð-
um tjaldstæðum. Það er gríðarlega
mikið af fjölskyldum sem nýta
þessa helgi til að hittast. Fólk sem
er búsett í Reykjanesbæ fær fjöl-
skyldu sína og vini sem ekki búa
í bænum í heimsókn. Laugardag-
urinn er stóri dagurinn þegar fjöl-
skyldurnar hittast um daginn, grilla
síðan oft um kvöldið og taka síðan
kvölddagskrána sem endar á flug-
eldasýningunni.“
Á föstudagskvöldinu verður
blásið til stórtónleika sem kallast
„Fast þeir sóttu sjóinn“, en þeir
eru fjölskylduskemmtun sem verð-
ur nokkurs konar brekkusöngur.
„Þar kemur meðal annars fram
hljómsveitin Hundur í óskilum og
Breiðbandið úr Reykjanesbæ. Raggi
Bjarna, Þorgeir Ástvalds og Árni
Johnsen taka einnig þátt. Það er um
tveggja tíma dagskrá við höfnina
og er búist við að fullt af skútum úr
Reykjavík komi í heimsókn,“ sagði
Ásmundur.
Flugeldasýningin á Ljósanótt
hefur vakið mikla athygli í gegnum
tíðina og verður hún mjög tilkomu-
mikil þetta árið. „Við ætlum að skáka
grönnum okkar í höfuðborginni og
það verður mjög myndarleg flug-
eldasýning. Varðskipið Ægir mun
taka þátt í lokaathöfninni á ógleym-
anlegan hátt,” sagði Ásmundur.
Sviðið er alveg við sjóinn og er
mikið lagt í lokaathöfnina.“
Þetta endar með því að ljós
verða kveikt á berginu og er það
nokkurs konar merki hátíðarinnar.
„Við gerum vonir um að þegar sú
athöfn verði muni 30-40 þúsund
manns vera á staðnum. Hópurinn
Norðan Bál stendur fyrir lokaatriði
kvöldsins,“ sagði Ásmundur. „Allt
sem við stöndum fyrir á Ljósanótt
er ókeypis. Það eru bara veitinga-
staðirnir og svona sem selja sína
þjónustu. Þess utan verður allt frítt
og við leggjum mikið upp úr því.“
Mjög tilkomumikið
laugardagskvöld
Ásmundur Friðriksson er verkefnastjóri Ljósanætur-
hátíðarinnar og hann segir að undirbúningurinn hafi
gengið ótrúlega vel.
Ásmundur lofar góðri skemmtun á Ljósanótt. Þessi mynd var tekin á hátíðinni í fyrra. MYND/VÍKURFRÉTTIR
Reykjanesbær hefur lengi haft orð
á sér sem mikill bílabær, enda eiga
Suðurnesjamenn og -konur ein-
hverja þá glæsilegustu bíla sem
fyrirfinnast á landinu. Að vanda
verður haldin mikil vélhjóla- og
fornbílasýning í tilefni Ljósanætur
en nú munu í fyrsta sinn líka verða
sýndir jeppar.
„Okkur langaði að kynna klúbb-
inn og fá fleiri minna breytta bíla í
hann,“ segir Steinar Freyr Sigurðs-
son í Suðurnesjadeild Ferðaklúbbs-
ins 4x4. „Bifhjólaklúbburinn Ernir
og Fornbílaklúbburinn í Keflavík
hafa verið með sýningu undanfarin
ár og nú verða jeppar með líka.
Við hittumst hjá pósthúsinu
í Keflavík á bilinu tvö til hálf-
þrjú. Klukkan þrjú keyrum við svo
hópakstur frá pósthúsinu, niður
Hafnargötu og að Duus-húsum þar
sem við stillum öllum bílum og hjól-
um upp. Þar verður svo sýning frá
þrjú til svona fimm eða sex, þannig
að fólk geti farið heim og grillað
með fjölskyldunni fyrir kvöldið,“
segir Steinar.
Undanfarin ár hefur það tíðk-
ast að utanaðkomandi vélhjóla-
og fornbílaeigendur, til dæmis úr
Reykjavík, taki þátt í hópakstr-
inum og sýningunni, þannig að
um töluverðan fjölda er að ræða.
Steinar segist reikna með að sömu
sögu verði að segja um jeppaeig-
endur. „Annars verðum við í Suður-
nesjadeildinni með um sautján
bíla, frá 35“ breyttum og upp í 46“
breytta. Við verðum meðal annars
með gamlan Willy’s Overland á 44“
dekkjum og LandCruiser 80 á 46“
dekkjum.“
Aðspurður um landlæga bíladellu
í Reykjanesbæ segir Steinar mestu
aukninguna núna vera í mótorhjól-
unum. „Svo eru alltaf til dellukarl-
ar sem eiga jeppa, fornbíl og hjól.
Ungir strákar eru líka stöðugt að
skjóta upp kollinum, bæði með hjól
og bíla. Fólk á að geta séð margt
nýtt um helgina, nýbreytta jeppa og
ný og flott hjól, en auðvitað bara
gamla fornbíla,“ segir Steinar hlæj-
andi að lokum.
- elí
Jeppar, fornbílar
og mótorhjól
Suðurnesjadeild Ferðaklúbbsins 4x4 tekur nú í fyrsta
sinn þátt í Ljósanætursýningu Bifhjólaklúbbsins Arna og
Fornbílaklúbbs Keflavíkur.
Fornbíla- og mótorhjólasýningin er árviss atburður á Ljósanótt. LJÓSMYND/VÍKURFRÉTTIR