Fréttablaðið - 16.09.2006, Qupperneq 12

16. september 2006 LAUGARDAGUR12
Umsjón: nánar á visir.is
KAUPHÖLL ÍSLANDS [Hlutabréf]
ICEX-15 6.181 +0,69% Fjöldi viðskipta: 533
Velta: 6.688 milljónir
HLUTABRÉF Í ÚRVALSVÍSITÖLU: Actavis 64,30 +0,31% ... Alfesca
4,94 +0,82% ... Atlantic Petroleum 577,00 +0,52% ... Atorka
6,40 +0,31% ... Avion 33,10 +0,61% ... Bakkavör 57,50 +1,23%
... Dagsbrún 4,75 -2,66% ... FL Group 20,50 +0,49% ... Glitnir
19,90 +0,00% ... KB banki 850,00 +1,19% ... Landsbankinn 25,90
+0,78% ... Marel 81,00 +1,25% ... Mosaic Fashions 17,70 +0,00%
... Straumur-Burðarás 17,00 +0,00% ... Össur 122,50 +0,41%
MESTA HÆKKUN
Icelandic Group +1,33%
Marel +1,25%
Bakkavör +1,23%
MESTA LÆKKUN
Dagsbrún -2,66%
Vinnslustöðin -1,11%
Grandi -0,82%
Komast ekki með tærnar ...
Össur hf. hélt í gær svokallaðan Capital
Markets Day þar sem farið var yfir
starfsemina með sérfræðingum
greiningardeilda og fjárfestum.
Einnig var tækifærið notað og skrifað
undir styrktarsamning við fótalausan
suðurafrískan hlaupara sem staddur er
á landinu til að máta og aðstoða við
hönnun nýrra gervifóta. Hann er
þó enginn aukvisi í hlaupum
og benti Jón Sigurðsson,
forstjóri Össurar, á það við
undirritunina að hann væri
sennilega hraðskreiðasti mað-
urinn á landinu, enda er hans besti
tími í 400 metra hlaupi einni og hálfri sekúndu
undir besta tíma íslenskra hlaupara á þessu ári.
Íslenskir íþóttamenn komast því ekki með tærnar
þar sem hann hefur gervihælana.
Fríblaðafár á Norðurlöndum
Aftonbladet sem verið hefur leiðandi á
síðdegisblaðamarkaði í Svíþjóð tilkynnti í
gær útgáfu frblaðs sem bera mun heitið
SE. Blaðið hefur verið í undirbúningi
í 14 mánuði og munu 80 manns
starfa á ritstjórninni. Svíar hafa
horft til Danmerkur að und-
anförnu og hafa forvitnir
blaðamenn (eins og blaða-
menn eiga að vera) spurst
fyrir hér á landi um hvort
Dagsbrúnarmenn séu
á leið til Svíþjóðar með
fríblað. Slíkt er hins vegar
afar ólíklegt ef marka má
yfirlýsingar. Líklegra er að ef vel tekst til í útgáfu
í Danmörku, þá verði stefnan tekin á það blauta
Holland. Semsagt módelið er lítið þéttbýlt land
þar sem auðveldara er að dreifa á landsvísu.
Peningaskápurinn...
Hagvaxtar-
sprengjan öll
John Hurley, bankastjóri írska
seðlabankans, sagði á ráðstefnu
bankans um framleiðni og hagvöxt
á Írlandi og evrusvæðinu, sem hófst
í Dublin í gær, að merki væru um að
hagvaxtarsprengingin sem varað hafi
í landinu undanfarin ár sé á enda.
Sé það hlutverk stjórnvalda að leita
leiða til að viðhalda góðum hagvexti
á næstu árum.
„Það er nauðsynlegt að skoða
þessi mál því vöxtur í framleiðni er
mikilvægur liður í bættum lífskjörum
fólks,“ sagði Hurley og lagði áherslu
á að stjórnvöld yrðu að leita leiða
til að koma í veg fyrir að dragi úr
framleiðni svo að hagvöxtur minnki
ekki á Írlandi. - jab
Á öðrum ársfjórðungi þessa árs
var 2,75 prósenta hagvöxtur hér á
landi. Á sama tíma jukust þjóðar-
útgjöld talsvert meira, eða um sjö
prósent, en hafa þó ekki vaxið
hægar síðan á fjórða fjórðungi
ársins 2003. Útflutningur dróst
saman um sex prósent og veru-
lega hægði á vexti innflutnings.
Jókst hann um 6,25 prósent frá
sama fjórðungi fyrra árs en hafði
vaxið um meira en tuttugu pró-
sent undanfarna sex fjórðunga
þar á undan. Þetta sýna nýjar tölur
um landsfram-
leiðslu sem
Hagstofan birti
í gær.
Samhliða
þessu dró mikið
úr vexti í einka-
neyslu og fjár-
festingu. Þensla
var því nokkuð
minni en áður
var talið að
sögn Jóns
Bjarka Bents-
sonar, hagfræð-
ings hjá Grein-
ingu Glitnis. „Þetta bendir til þess
að þenslan hafi náð hámarki í
fyrra. Það er vissulega enn þá
vöxtur, bæði í fjárfestingu og
einkaneyslu, en það hægir ansi
snarpt á honum.“
Aukning einkaneyslu hefur
ekki verið minni frá því á fjórða
fjórðungi ársins 2002. Er hún nú
talin hafa vaxið um 4,25 prósent á
öðrum ársfjórðungi en meðalvöxt-
ur einkaneyslu í fyrra var 12,3
prósent. Enn er þó talsverður
vöxtur í flestum liðum innfluttra
neysluvara en þó var tuttugu pró-
senta samdráttur í kaupum á öku-
tækjum. Fjárfesting jókst um 6,25
prósent en hafði aukist um 36,25
prósent á fyrsta fjórðungi ársins
og 37,25 á árinu 2005 í heild.
Jón telur ekki líklegt að þessar
upplýsingar hefðu breytt ákvörð-
un Seðlabankans um að hækka
stýrivexti um fimmtíu punkta í
fyrradag en tónninn hefði ef til
vill verið bjartari. Þær minnki
jafnframt líkurnar á að stýrivext-
ir verði enn hækkaðir á næsta
vaxtaákvörðunardegi, 2. nóvem-
ber. - hhs
Þenslan náði hámarki í fyrra
Jón Sigurðsson, forstjóri Össurar, skrifaði í gær undir styrktarsamning við Oscar
Pistorius, 19 ára gamlan heimsmethafa í 100, 200 og 400 metra hlaupi í sínum
flokki. Oscar, sem er aflimaður fyrir neðan hné á báðum fótum, er hér á landi til
að aðstoða við prófun hlaupafóta sem Össur sérsmíðar á hann.
Oscar stefnir á að keppa við ófatlaða hlaupara á Ólympíuleikunum í Kína, en til
þess að það geti orðið að veruleika segist hann þurfa að bæta hlaupatíma sinn
í 400 metra hlaupi um eina og hálfa sekúndu næstu tólf mánuði. „Það verður
sjálfsagt rosaerfitt, en ég held að það sé vel mögulegt og þá ekki síst vegna
þeirrar miklu aðstoðar sem ég nýt frá Össuri,“ segir hann. Besti tími Oscars í
400m hlaupi er 47,3 sekúndur en til að keppa meðal ófatlaðra þarf hann að ná
að hlaupa 400 metrana á 45,5 til 45,8 sekúndum.
„Nái Oscar að keppa meðal ófatlaðra á Ólympíuleikunum árið 2008 yrði hann
þar með fyrsti fatlaði íþróttamaðurinn til að ná slíkum árangri,“ segir Jón Sigurðs-
son, forstjóri Össurar, og kveður fyrirtækið vera
stolt af því að fá að hjálpa honum að ná þessu
metnaðarfulla markmiði.
Auk þess að sérsmíða á Oscar hlaupafætur
styrkir Össur hann með fjárframlagi út árið
2010. - óká
STYRKTARSAMNINGUR HANDSALAÐUR Oscar
Pistorius, suðurafrískur hlaupari, og Jón Sigurðs-
son, forstjóri Össurar. FRÉTTABLAÐIÐ/GVA
Styrktur til keppni við
ófatlaða hlaupara
JÓN BJARKI BENTS-
SON, HAGFRÆÐ-
INGUR HJÁ GREIN-
INGU GLITNIS
VÖXTUR EINKANEYSLU MINNKAR Tuttugu prósenta samdráttur varð á kaupum á
ökutækjum á öðrum ársfjórðungi.
Hækkun á söluandvirði
bréfa sem almenningi
stóðu til boða í nýaf-
stöðnum hlutafjárút-
boðum Exista og Marels
á markaði í gær nam
tæpum 177 milljónum
króna. Dagurinn var
sá fyrsti á markaði hjá
Exista, sem nú er fjórða
stærsta félagið á mark-
aðnum.
Viðskipti með hlutabréf Exista hf.
hófust í Kauphöll Íslands í gær-
morgun. Skráning félagsins er
stærsta nýskráning í Kauphöllina
til þessa.
Viðskipti með bréf Exista námu
samtals 668 milljónum króna í 147
viðskiptum. Við lok dags var gengi
bréfanna 22,6, eða 5,1 prósenti
hærra en útboðsgengið, sem var
21,5. Miðað við lokagengi gær-
dagsins var markaðsvirði félags-
ins 245 milljarðar króna, en það
þýðir að Exista er nú fjórða stærsta
félagið á markaðnum. Með skrán-
ingu Exista er markaðsvirði félaga
á íslenska hlutabréfamarkaðnum
orðið ríflega tvöföld landsfram-
leiðsla, eða 2.400 milljarðar.
Á blaðamannafundi í húsnæði
Kauphallarinnar í gærmorgun
bauð Þórður Friðjónsson, forstjóri
Kauphallarinnar, nýja félagið vel-
komið. „Í ljósi stærðar fyrirtækis-
ins og fjölbreyttrar starfsemi er
skráning þess spennandi viðbót
við íslenskan hlutabréfamarkað.
Við óskum Exista velfarnaðar í
framtíðinni,“ sagði hann.
Erlendur Hjaltason, forstjóri
Exista, sagði að eftir vel heppnað
hlutafjárútboð og skráningu væri
félagið vel í stakk búið til að efla
starfsemi sína enn frekar hér á
landi og erlendis. „Við hlökkum til
að takast á við þá ábyrgð sem
þessu fylgir og væntum þess og
treystum að þetta verði gæfuspor
fyrir Exista og alla hluthafa félags-
ins.“
Í almenna hluta hlutafjárútboðs
Exista óskuðu um 7.400 fjárfestar
eftir að kaupa hluti fyrir um 42
milljarða króna og eftirspurn þvi
mikil. Í boði voru 65 milljónir hluta
að söluvirði 1.397,5 milljónir
króna. Miðað við 5,12 prósenta
hækkun gærdagsins högnuðust
almennir hluthafar sem þar keyptu
því um 71,5 milljónir króna, því
virði hlutarins hækkaði í 1.469
milljónir króna.
Í nýafstöðnu útboði Marels
voru svo 15 milljónir nýrra hluta í
boði til almennings, eða fyrir 1.110
milljónir króna að söluvirði. Eftir
viðskipti gærdagsins hafði virði
þess hluta því aukist um 9,46 pró-
sent, í 1.215 milljónir króna, eða
um 105 milljónir. olikr@frettabladid.is
Almennir hluthafar hagn-
ast um 177 milljónir króna
Í KAUPHÖLL ÍSLANDS Þórður Friðjónsson, forstjóri Kauphallar Íslands, sýnir forsvars-
mönnum Exista og gestum Kauphallarinnar hvar sjá megi tilboðsgengi í bréf Exista
áður en fyrstu viðskipti með bréf þess hófust í gærmorgun.
FRÉTTABLAÐIÐ/GVA
MARKAÐSPUNKTAR
Samræmd vísitala neysluverðs hér á
landi hækkaði um 0,4 prósent í ágúst frá
fyrri mánuði. Til samanburðar hækkaði
verðlag í EES-ríkjunum að meðaltali um
0,2 prósent. KB banki segir að sé litið
til síðustu 12 mánaða hækkaði vísitalan
um 7,1 prósent hér á landi en um 2,3
prósent innan EES og á evrusvæðinu.
Eimskip hefur gengið frá kaupum á 30
prósenta hlut í Kursiu Linija, einu stærsta
skipafélagi í Eystrasaltríkjunum. Heildar-
kaupverð nemur tæpum 716 milljónum
íslenskra króna.
Krónan veiktist um 0,7 prósent í gær.
Greiningardeild Landsbankans segir
svo virðast sem um 30 milljarða króna
jöklabréf sem voru á gjalddaga í gær hafi
ekki hreyft verulega við krónunni.
Norvik hf., sem er félag í eigu Jóns
Helga Guðmundssonar og fjölskyldu,
festi í gær kaup á stærstu sögunar-
myllu Lettlands, VIKA Wood.
Framleiðsla verksmiðjunnar er um
270.000 rúmmetrar af söguðu timbri
á ársgrundvelli. Fyrirtækið var stofn-
að árið 1995 og
er starfsmanna-
fjöldi um 200.
Helstu markaðir
eru Japan og
heimamarkaður-
inn Lettland, en
fyrirtækið flytur
út timburafurðir
til um 15 landa
víðs vegar um
heiminn, að því
er fram kemur í tilkynningu.
Með kaupunum verður Norvik
stærsti útflutningsaðili timburs frá
Lettlandi með tæplega 420.000
rúmmetra heildarumsetningu. Áður
hefur Norvik rekið verksmiðjurn-
ar BIKO-LAT frá 1993 og Cesis frá
2003. Heildarvelta Norvikur í Lett-
landi nálgast 8 milljarða og er starfs-
mannafjöldi um 800 manns. - óká
Norvik flytur út
mest af timbri
JÓN HELGI
GUÐMUNDSSON