Fréttablaðið - 18.09.2006, Blaðsíða 12
12 18. september 2006 MÁNUDAGUR
vaxtaauki!
10%
Frábært TILBOÐ! Kynntu þér málið á spron.is
A
RG
U
S
/
06
-0
47
2
INDLAND Stærsti stjórnarand-
stöðuflokkur hindúa á Indlandi
hefur hvatt stjórnvöld til að sýna
varúð í friðarviðræðum við
Pakistan sem hófust að nýju um
helgina. Viðræðunum hafði verið
frestað eftir að hryðjuverkamenn
sprengdu upp lestir í Mumbai í
júlí síðastliðnum. Flokkurinn
segir algjört misræmi vera milli
almenningsálitsins í landinu og
viðbragða stjórnvalda vegna
hryðjuverkanna, en um 200
manns létust í árásunum.
Leiðtogar nágrannalandanna
hittust á Kúbu um helgina til að
halda friðarviðræðum áfram. - þsj
Deilur Indlands og Pakistans:
Vilja að stjórn-
völd sýni varúð
EGYPTALAND Saksóknari í Egypta-
landi hefur ákært 14 starfsmenn
lestarfélags landsins fyrir
vítaverða vanrækslu vegna
lestarslyss við Kaíró í síðasta
mánuði. 58 manns létust þegar
tvær lestir skullu saman.
Starfsmönnunum er gefið að sök
að hafa vitað um bilun í merkja-
sendingabúnaði en leitt viðgerðir
á honum hjá sér. Lestir í Egypta-
landi eru þekktar fyrir slælegt
öryggi og banaslys þeim tengd
eru mörg á hverju ári. - þsj
Lestarslys í Egyptalandi:
14 ákærðir fyrir
vanrækslu
KÖTTUR Á VILLIGÖTUM Sveitakötturinn
Róbert gengur eftir graskerastafla á
bóndabæ í Georgetown í Bandaríkj-
unum. Öll graskerin eru ræktuð á
bænum og halda ábúendur sérstaka
graskershátíð á hverju hausti.
FRÉTTABLAÐIÐ/AP
HJÓLREIÐAR Hjólreiðamenn sýndu listir sínar á
hjóladeginum síðastliðinn laugardag. Vegleg
dagskrá var haldin þar sem skipulagðar hjólalest-
ir fóru um borgina þvera og endilanga, auk
sérstakrar götuhjólreiðakeppni, og ofurhugar
sýndu listir sínar í Hljómskálagarðinum þar sem
dagskránni lauk.
Yfirskrift dagsins var Hjólum saman – hvílum
bílinn, en hann var liður í Evrópsku samgönguvik-
unni. Þetta er fjórða árið í röð sem Reykjavíkur-
borg tekur þátt. Samgönguvikunni er, eins og
heitið gefur til kynna, ætla að vekja athygli á og
hvetja til umræðna um samgöngumál. Hún er að
þessu sinni helguð loftlagsbreytingum og hafa
samgöngumátar af þeim sökum verið ofarlega í
umræðunni, meðal annars vegna þeirra áhrifa
sem þeir geta haft á umhverfið.
Rannsókn Pálma Freys Randverssonar, sér-
fræðings í samgöngumálum hjá umhverfissviði
Reykjavíkurborgar, hefur vakið nokkra athygli en
hann komst að því að hjólreiðamaður getur lagt
um það bil fimm kílómetra að baki á aðeins
fimmtán mínútum með því að hjóla eftir aðalstíg-
um borgararinnar. Ályktunin er áhugaverð með
hliðsjón af því að 60 prósent bílferða innan
borgarmarka spanna þrjá kílómetra eða minna.
Eins og Pálmi bendir á er ráðlagður dag-
skammtur af hreyfingu um það bil þrjátíu mínútur
og því ættu þeir sem starfa í um fimmtán mínútna
hjólafjarlægð frá heimilum sínum að hugleiða
þennan samgöngukost. - re
Hjóladagur haldinn vegna Samgönguviku:
Borgarbúar hvattir til að leggja bílnum
HJÓLREIÐASNILLINGAR Sýndu listir sínar í
Hljómskálagarðinum á laugardaginn var.
FRÉTTABLAÐIÐ/HRÖNN
TSJAD, AP Eftir að þjóðgarðsverðir
í Zakouma-garðinum í Tsjad
gengu fram á tíu tannlausa
fílsskrokka á föstudag fóru þeir í
eftirlitsferð og fundu níutíu
skrokka til viðbótar. Allir fílarnir
höfðu verið drepnir vegna
fílabeinstanna, en skrokkarnir
skildir eftir á víðavangi.
Verðirnir óttast að enn fleiri
fílar hafi verið drepnir, en síðustu
mánuði hafa einungis verið taldir
3.020 fílar í garðinum í stað
þeirra 4.000 sem þar eru alla
jafna.
Öll viðskipti með fílabein hafa
verið bönnuð um víða veröld
síðan árið 1989. Veiðiþjófarnir
eru hins vegar mun fleiri en
verðirnir. - kóþ
Þjóðgarðsverðir í Tsjad:
Fundu hundrað
fílsskrokka
FÍLL Tannbein þessara skepna hafa lengi
verið eftirsótt. NORDICPHOTO/GETTY IMAGES
ATVINNURÉTTINDI Stærstur hluti
þeirra sem hefja hárgreiðslunám
hér á landi klárar aldrei námið.
Jónína
Snorradóttir,
formaður Meist-
arafélags í hár-
greiðslu, áætlar
að af 140 nemum
sem hefja hár-
greiðslunám
ljúki einungis
um 30 nemend-
ur náminu sem
tekur fjögur ár.
„Það veldur nokkrum áhyggjum
að hluti þeirra sem ekki klára
námið starfar við fagið heima hjá
sér án réttinda.
Fyrir nokkrum árum gerði
meistarafélagið gangskör í að
reyna að uppræta þessa ólöglegu
starfsemi og leitaði til opinberra
aðila sér til aðstoðar. Sönnunar-
byrðin í þessum málum er hins-
vegar mjög erfið og því fór þetta
mál aldrei lengra.“
Jónína segir erfitt að fá þær
konur sem starfa heima til að fara
að vinna á stofum. „Ég hef lent í
því að þurfa að finna fólk til starfa
á stofu sem ég rek og fékk upplýs-
ingar um hárgreiðslukonur sem
voru skráðar atvinnulausar hjá
vinnumiðlun. Þegar ég hafði sam-
band við þær komu þær með
ýmsar afsakanir
fyrir því að
þiggja ekki
starfið og mér
þykir líklegt að
einhverjar
þeirra hafi verið
með atvinnu-
starfsemi heima
auk atvinnuleys-
isbótanna.“ Þá
segir Jónína
nokkuð um að konur lengi barn-
eignafrí með því að vinna heima.
Jónína segir heildsala aðeins
selja hárgreiðsluvörur til viður-
kenndra hárgreiðslustofa en að
það sé auðvelt fyrir þá aðila sem
starfa heima að fá einhverja með
réttindi til að kaupa fyrir sig efni.
„Einnig er hægt að kaupa þessar
vörur í gegnum netið.“
Jón Steindór Valdimarsson,
aðstoðarframkvæmdastjóri Sam-
taka iðnaðarins, segir svarta
atvinnustarfsemi mein sem þurfi
að reka áróður gegn. „Samantektir
sýna að neðanjarðarhagkerfi á
Íslandi veltir milljörðum en þetta
eru peningar sem
fara framhjá hag-
kerfinu. Það er
best að hver og
einn sé vakandi
fyrir þessu og
krefjast nótu
eftir viðskipti.
Hægt er að hvetja
fólk til nótuvið-
skipta með því að
endurgreiða fólki
gegn framvísun nótanna. Þetta
hefur meðal annars verið gert í
byggingariðnaði þar sem húsbygg-
endur fá endurgreitt ef þeir sýna
fram á nótur frá iðnaðarmönnum.“
Jón Steindór segir að einnig
gæti verið skynsamlegt að lækka
virðisauksakatt sem sé mjög hár á
atvinnustarfsemi hér á landi.
hugrun@frettabladid.is
Snyrta hár án rétt-
inda í heimahúsum
Hluti þeirra sem ekki klára hárgreiðslunám starfar við fagið án þess að hafa
tilskilin réttindi. Talið er að hluti þessara kvenna sé jafnframt á atvinnuleysis-
bótum. Svört atvinnustarfsemi á Íslandi veltir milljörðum.
Það veldur nokkrum
áhyggjum að hluti
þeirra sem ekki klára námið
starfar við fagið heima hjá sér án
réttinda.“
JÓNÍNA SNORRADÓTTIR
FORMAÐUR MEISTARAFÉLAGS
Í HÁRGREIÐSLU
HÁRGREIÐSLUSTOFA Erfitt getur verið að fá þær konur sem starfa heima til að starfa á hárgreiðslustofum.
JÓNÍNA
SNORRADÓTTIR
SINGAPÚR, AP Paul Wolfowitz,
forstjóri Alþjóðabankans, telur
nauðsynlegt að stjórnvöld,
fyrirtæki og
fjármálastofn-
anir sameinist í
baráttunni gegn
spillingu til að
binda endi á
fátækt og
óstöðugleika.
Þetta sagði hann
verða megin-
markmið
þróunarnefndar
bankans, sem fundar í dag.
Wolfowitz hefur verið gagnrýnd-
ur fyrir að refsa íbúum fátækra
ríkja vegna spillingar stjórnvalda
þeirra. - sgj
Forstjóri Alþjóðabankans:
Nauðsynlegt að
stöðva spillingu
PAUL WOLFOWITZ
MENNTAMÁLARÁÐUNEYTIÐ „Það er
mikilvægt að þeir sem starfa með
börnum og unglingum séu
meðvitaðir um ábyrgð sína og
skyldur og geti lesið í vísbending-
ar um að vanræksla eða ofbeldi
eigi sér stað,“ segir Þorgerður
Katrín Gunnarsdóttir mennta-
málaráðherra. Á síðasta ári
bárust Barnaverndarstofu 5.879
tilkynningar, tæpur helmingur
var vegna grunsemda um ofbeldi
eða vanrækslu á börnum. Við
þessum upplýsingum vill
menntamálaráðuneytið bregðast
og ætlar að standa fyrir nám-
skeiðum, sem nefnast „Verndum
þau“, til að reyna að stemma stigu
við vandanum. -kdk
Menntamálaráðuneytið:
Stemmir stigu
við ofbeldi
Atlantis snýr heim
Geimferjan Atlantis hóf í gær för sína
frá alþjóðlegu geimstöðinni til jarðar.
Geimfararnir sex kvöddu íbúa stöðv-
arinnar með virktum eftir að hafa
hlaðið birgðum í geimstöðina.
GEIMFERÐ