Fréttablaðið - 21.12.2006, Blaðsíða 64

Nú þegar jólin eru handan horns-
ins byrja margir að hlaupa um sem
hauslausar hænur í tilraun til að
gera jólin fullkomin.
Ekki þarf þó að fara yfir um í
fullkomnunaráráttunni enda má
ekki gleyma því að jólin eiga að
vera friðarstund. Í stað þess að eyða
síðustu dögunum fyrir jól á hlaup-
um er best að einfalda hlutina og
eiga þá stund fyrir sjálfan sig í kjöl-
farið.
Ef svo stendur á að heimilið er
ekki enn skreytt er alveg óþarfi að
tapa sér í stressinu. Auðvelt er að
fleygja upp jólaskrauti á engum
tíma svo heimilið ljómi af hátíð-
leika. Byrjið á því að tína til öll
kerti sem til eru á heimilinu og
raðið þeim fallega upp til að búa til
hátíðlega lýsingu. Einnig er nóg að
velja tvo til þrjú horn á heimilinu
sem eru gerð sérlega jólaleg, þá þarf
ekki að dreifa skrautinu um allt hús
sem tekur lengri tíma.
Ekkert vera að bisa við að
negla upp seríur eða líma meðfram
gluggakarminum. Nóg er að leggja
ljósaseríuna snyrtilega í gluggakist-
una. Einnig má setja ljósaseríur í
skál í bland með gömlu jólaskrauti,
perlum eða öðru sem glitrar svo fal-
leg birta myndist. Notið svo rauða
eða hvíta dúka sem víðast og setjið
fallegt skraut á borðið með.
Stundum er fallegasta skrautið
einfaldlega ljúf og góð birta.
- jóa
Skyndiskreyting
{ íslensk jól }
... jólahlaðborð hverja helgi
... flöktandi útikerti
... kortaviðskipti á Þorláksmessu
... gleymdir jólapakkar á börum
Reykjavíkur eftir lokun á Þorláks-
messu
... hlaupandi eiginmenn korter fyrir
lokun í Kringlunni
... kirkjuklukkur sem hringja úti um
allan bæ
... jólakveðjulestur Ríkisútvarpsins
... jólamessa á jóladag
... jólaboð annan í jólum
... spilakvöld með vinum
... að skipta gjöfum milli jóla og
nýárs
... sami jólamaturinn þrjá daga í
röð
... hangandi haus yfir koníaki um
miðnætti á aðfangadag
... útvarpsþulurinn á RÚV sem segir
„útvarp Reykjavík, gleðileg jól.“
Íslensk jól eru …