Fréttablaðið - 21.12.2006, Blaðsíða 70

Undir vinalegri súð í Þingholtunum situr Þór-
halla Guðnadóttir og býr til listmuni úr gleri,
silfurþræði og grjóti.
Hún er kölluð Halla. Slípivél og lóðbolti eru verkfær-
in sem hún notar við iðju sína en vakandi hugur og
virkar hendur stjórna. Halla kveðst hafa lært aðferð-
ina við glerið í félagsmiðstöð eldri borgara á Vita-
torgi og lýkur miklu lofsorði á kennarana þar. „Það
eru frábærir kennarar á Vitatorgi. Ég byrjaði á að
læra bókband, svo fór ég í glerið. Það eru svona fimm
ár síðan,“ rifjar hún upp.
Halla vill greinilega vera sjálfbjarga í sinni list-
sköpun því hún keypti sér fljótlega græjur til gleriðj-
unnar og bjó til nýtt snið af englum og tínir sjálf
steina í englahöfuð og aðra muni. Suma þeirra sækir
hún vestur á Djúpalónssand. Sömuleiðis handgerir
hún umbúðir utan um hvern hlut áður en hún lætur
hann frá sér. Býr til öskjur og umslög úr pappa og
klæðir með marglitum pappír sem hún ýmist málar
eða „marmorerar“ í bókbandinu.
Vasaspegla gerir hún með íslenskum jurtum á
baki og saumar fína poka utanum þá sem lokast með
frönskum rennilás. Allt einkar haganlegt. Spurð hvar
hún selji þessa muni sína svarar hún brosandi. „Það
eru engir sölustaðir. Þetta fréttist manna á milli en
mest er til gjafa og gert mér til gamans.“
Þórhalla er alin upp að Krossi í Landeyjum og
kveðst eiga ljúfar minningar þaðan. En hvað skyldi
hún helst hafa haft fyrir stafni um dagana? „Ég hef nú
fengist við sitt af hverju, eins og títt er um konur úr
sveit sem ekki gátu farið í skóla. Reyndar komst ég í
handíðaskólann þegar ég var nítján ára og lærði svo-
lítið í myndlist. Það hefur notast mér við ýmislegt sem
ég hef gert og verið góð undirstaða.“
Byrjaði í bókbandi og
gekk svo glerinu á hönd
2495-
GÓLFLAMPI
Litir: Gylltur og kopar
VIÐ FELLSMÚLA
GÓLFLAMPAR
3995-
GÓLFLAMPI, TVÖFALDUR
Litir: Kopar, gylltur og stál