Fréttablaðið - 29.12.2006, Page 8

Rússneskir saksóknarar hafa nafn-
greint fyrrverandi forstjóra olíurisans Yukos,
Leonid Nevzlin, sem einn þeirra sem liggja undir
grun í tengslum við morðið á fyrrverandi KGB
njósnara, Alexander Litvinenko. Litvinenko lést úr
pólón-210 geislaeitrun í Bretlandi í nóvember.
Að sögn skrifstofu ríkissaksóknara eru Nevzlin
og aðrir eigendur Yukos grunaðir um að hafa
fyrirskipað morðið, sem og að eitra fyrir öðrum
fyrrum rússneskum leyniþjónustumanni, Dímítrí
Kovtun.
Nevzlin flúði Rússland árið 2003 eftir gjaldþrot
Yukos í kjölfar herferðar stjórnvalda gegn fyrirtæk-
inu. Hann fór til Ísraels þar sem hann nú býr í
útlegð.
Í síðasta mánuði sagði Nevzlin blaðamönnum AP-
fréttastofunnar að Litvinenko hefði látið sig hafa
skjal tengt Yukos og sagðist telja að morðið væri
tengt rannsókn hans á gjaldþroti fyrirtækisins.
Ættingjar og félagar Litvinenkos segja grun
saksóknaranna á engu byggðan, því þeir telja að
rússnesk yfirvöld standi að baki morðinu. Á
dánarbeði sínum sakaði Litvinenko sjálfur Vladimír
Pútín Rússlandsforseta um að bera ábyrgð á
veikindum sínum.
Forstjóri Yukos undir grun
Hvaða þingmaður brenndist
illa nú fyrir jólin?
Hvaða fyrrum forseti Banda-
ríkjanna lést nú í vikunni?
Hvað heitir íslenska kvik-
myndin sem verður frumsýnd
í dag?
Haraldur Hannes
Guðmundsson, ljósmyndarinn sem
varð fyrir fólskulegri líkamsárás í
Bethnal Green-hverfi Lundúna 19.
nóvember, er kominn heim til
Íslands og ætlar í endurhæfingu á
Grensásdeildinni eftir áramót.
Helga Þórðardóttir, móðir Haralds,
líkir batanum við kraftaverk:
„Þetta hefur gengið eins vel og
hugsast gat.“
Haraldur er lamaður vinstra
megin og með litla sjón. Hann er þó
með fullan skilning á umhverfinu,
að sögn Helgu. „Við áttum ekki
einu sinni von á að hann myndi
þekkja okkur, en hann getur enn
talað sín fjögur tungumál.“
Fer í endurhæf-
ingu á nýju ári
1. tbl. 2. árg. Janúar 2007
Verð kr. 899
Ísafold 1.tbl.2.árgangur Tím
aritfyrirÍslendinga
TÍMARIT FYRIR ÍSLENDINGA
Tíska og
förðun
HEILSUBLAÐIÐ
Elliheimilið
Grund
2. hluti
Sorphirðir
í súludansi
Völvuspá
2007
Móðurást
Lindu Pé
ÍSLENDINGUR ÁRSINS
Þrítug storkar hún dauðadómi læknavísindanna.Ásta Lovísa Vilhjálmsdóttir bloggar um baráttuna við krabbamein og kvíðir mest að deyja frá börnunum
sínum þremur.
Kaffihúsafundur
BDSM
Undrið
Gunnar
Jökull
Klassísk
fegurð
Hver er
hún?
Fleiri vísbendingar
um glæsilegustu
konu landsins
„Ég hef þá trú að það
sé almennur skilningur á að það
verði að gera vel við starfsfólk og
það fer illa á því hjá stjórnarand-
stöðunni að segja að það verði að
manna leikskólana og frístunda-
heimilin með hæfu fólki en halda
því svo fram að gjaldskráin þurfi
ekki að fylgja verðlagi. Það er
afskaplega ódýr málflutingur.“
Þetta segir Björn Ingi Hrafns-
son, formaður borgarráðs, um
gagnrýni Samfylkingarinnar á
gjaldskrárhækkanir borgarinnar.
Við afgreiðslu fjárhagsáætlun-
ar borgarinnar í síðustu viku var
samþykkt 8,8 prósenta meðaltals-
hækkun gjaldskráa og gagnrýnir
Dagur B. Eggertsson, Samfylking-
unni, að hækkunin sé umfram
verðbólgu.
Björn Ingi segir að þótt verð-
bólga hafi mælst sjö prósent síð-
asta árið þurfi að hækka gjaldskrár
umfram það því spá um verðbólgu
síðasta árs hafi verið mun lægri en
raunin varð. „Í þessu felst því leið-
rétting. Þetta kemur líka til vegna
samninga sem hafa verið gerðir og
í tilfelli leikskólanna gerum við ráð
fyrir samningshækkunum upp á
16-20 prósent.“
Björn Ingi segir gjaldskrárnar
ekki það eina sem hækki, sama
eigi til dæmis við um fjárhagsað-
stoð Félagsþjónustunnar.
Leikskólagjöld voru lækkuð
um 25 prósent 1. október en hækka
nú um 8,8 prósent. Björn Ingi
segir niðurstöðuna umtalsverða
kjarabót fyrir foreldra. Sama gildi
um stórauknar niðurgreiðslur til
dagforeldra.
Stök heimsókn á sundstaði
borgarinnar hækkar um 25 pró-
sent og kostar eftir breytingar 350
krónur. „Meðaltalshækkunin er
8,8 prósent en við látum þá sem
koma oft og kaupa árskort njóta
þess en hækkum meira hjá þeim
sem koma endrum og sinnum.
Starfsfólk sundstaðanna hefur oft
haft á orði við okkur að útlending-
ar sem koma í sund segja að það sé
fáránlega ódýrt í sund á Íslandi.
Og þegar allt kemur til alls þá er
ótrúlega ódýrt í sund á Íslandi og
við eigum auðvitað að vera þakk-
lát fyrir það.“
Spurður hvort núverandi meiri-
hlutaflokkar hafi minnst á fyrir-
hugaðar gjaldskrárhækkanir í
kosningabaráttunni í vor svarar
Björn Ingi því til að svo hafi ekki
verið. „Við lofuðum aðallega að
bæta þjónustuna og erum að því á
öllum sviðum. Ef menn skoða þetta
af sanngirni og í samhengi þá
kemur í ljós að við erum að lækka
álögur á eldri borgara og barnafólk
en vissulega snýst þetta um for-
gangsröðun. Við höfum líka einsett
okkur að reka borgarsjóð skynsam-
lega og réttum megin við strikið og
það kostar líka.“
Það kostar að gera
vel við starfsfólkið
Formaður borgarráðs segir gjaldskrár borgarinnar hækka svo unnt sé að gera
vel við starfsfólk. Hækkanirnar fylgi verðlagi. Álögur á eldri borgara og barna-
fólk lækki. Hann segir að útlendingum finnist fáránlega ódýrt í sund á Íslandi.
Sífellt fleiri konur selja
blíðu sína á götum Stokkhólms. Á
Malmskillnadsgatan og nærliggj-
andi götum selja sig rúmlega 225
konur og nokkrir karlar á degi
hverjum, segir í frétt Dagens
Nyheter.
Flestar kvennanna eru erlendir
ríkisborgarar, sem fjölmargar hafa
verið neyddar til starfans með
loforðum óprúttinna náunga um
lögleg störf í Svíþjóð, sem síðan
taka meginhluta tekna þeirra og
misnota þær á annan hátt.
Kaup á blíðu eru ólögleg í
Svíþjóð og liggja sektir eða allt að
sex mánaða fangelsi við slíku
broti.
Götuvændi
eykst til muna
Banaslysum og öðrum
alvarlegum slysum fyrstu tíu
mánuði ársins fjölgaði um tæp 30
prósent í samanburði við sama
tímabil í fyrra. Þetta kemur fram í
samantekt slysaskráningar
Umferðarstofu. Athygli vekur að
sé októbermánuði sleppt og ein-
ungis bornir saman fyrstu níu
mánuðir ársins er munurinn öllu
meiri, eða 43,6 prósent.
131 banaslys og önnur alvarleg
slys urðu á fyrstu tíu mánuðum
ársins og í þeim létust eða slösuð-
ust 154. Júlí og ágúst voru verstu
mánuðirnir, en í þeim urðu sam-
tals 50 alvarleg slys og 62 slösuð-
ust eða létust. Algengast var að
alvarleg slys yrðu þegar fólk féll
af vélhjólum eða þegar ökutæki
fóru út af vegum.
Alvarlegu slysin urðu nokkuð
jafnt í dreifbýli og þéttbýli, 65 í
dreifbýli og 69 í þéttbýli. Slys með
minniháttar meiðslum voru tals-
vert fleiri í þéttbýli en í dreifbýli,
eða 426 á móti 206. Ef litið er til
óhappa þar sem eingöngu hlýst
eignatjón af varð yfirgnæfandi
meirihluti þeirra í þéttbýli, 5.203
gegn 895.
Það sem af er ári hafa 30 látist í
27 banaslysum. Algengast var að
þau yrðu þegar ökutæki lentu
hvort framan á annað eða þegar
ökutæki fór út af vegi.
Aðalskoðun gerði
nýlega athugasemd við það að
bílar á vegum Bechtel væru með
bakkflautur sem eru hluti af
ströngum öryggisráðstöfunum
Bechtel. Björn S. Lárusson,
samskiptastjóri hjá Bechtel, segir
að athugasemdin hafi komið á
óvart. Bechtel muni leggja til að
slökkvarar verði settir í bílana
þannig að slökkt verði á bakk-
flautunum þegar bílunum er ekið
út af svæðinu. „Okkur þykir
miður að þurfa að slá af öryggis-
kröfunum og setja slökkvara í
bílana því að menn gleyma gjarna
að kveikja á þeim aftur,“ segir
Björn.
Agnar Bogason, fulltrúi
Aðalskoðunar á Reyðarfirði, segir
að samkvæmt reglugerð sé
óheimilt að vera með bakkflautur
í fólksbílum en hugsanlega sé
hægt að setja slökkvara í bíla
fyrir vinnusvæði.
Athugasemd
við bakkflautur