Fréttablaðið - 29.12.2006, Blaðsíða 29

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Þráinn Bertelsson kynntist afskaplega góðri fiskisúpu
í Frakklandi fyrir margt löngu.
„Ég hlakka alltaf til þess milli jóla og nýárs að hvíla mig á
reykta kjötinu sem borðað er ótæpilega af á þessum árs-
tíma,“ segir Þráinn Bertelsson kvikmyndagerðarmaður.
„Þá fæ ég mér fiskisúpuna.“
Þráinn segist fyrst hafa fengið súpuna góðu bouilla-
baisse í Suður-Frakklandi fyrir langa löngu. Súpan er að
sögn Þráins ættuð frá Marseille eins og franski þjóðsöngur-
inn og greifinn af Monte Cristo.
Þráinn hafði þó engar væntingar til súpunnar í fyrsta
skipti sem hann fékk hana. „Ég hafði aldrei fengið öðruvísi
fiskisúpu en íslenska lúðusúpu sem búin er til úr hveiti,
ediki og lárviðarlaufum og var því ekki bjartsýnn á að borða
fiskisúpu. Það var hins vegar mikil upplifun að bragða
alvöru fiskisúpu í fyrsta skipti á ævinni og síðan hefur þetta
verið einn af mínum uppáhaldsréttum,“ segir Þráinn og
fannst mikil upplifun að uppgötva að aðrar þjóðir gætu búið
til öðruvísi fiskisúpu en tíðkaðist hér á landi, úr lúðu, laxi
eða silungi.
Þráinn gefur lesendum uppskriftina að súpunni góðu.
Hana fékk Þráinn frá vini sínum og nágranna Gerard Lem-
arquis. Hann segir hins vegar fráleitt að gefa nákvæmar
mælieiningar yfir magn hvítvíns, kryddjurta og annarra
hluta uppskriftarinnar, hlutföllin fari alfarið eftir persónu-
legum smekk og sálarástandi kokksins hverju sinni.
Uppskrift Þráins má finna á síðu 3.
Hvílir sig á
reykta kjötinu
Fjörður • • 565 7100
Þar sem draumar rætast ...
X
ST
R
E
A
M
D
E
S
IG
N
A
N
0
6
12
0
01