Fréttablaðið - 29.12.2006, Blaðsíða 30

Neysla á kalkún hefur aukist
undanfarin ár en fyrsta kalk-
únabúið var stofnað á landinu
fyrir tæpum sextíu árum.
Reykjabúið er fjölskyldufyrirtæki
sem var stofnað í Mosfellsbæ,
skömmu eftir seinna stríð. Sá sem
rekur búið í dag er Jón Magnús
Jónsson, en hann tók við fyrirtæk-
inu af fjölskyldunni á síðasta ári
og hafði þá starfað þar síðan 1989.
Reykjabúið, sem sérhæfir sig í
framleiðslu á kalkún, hefur lengst
af verið ráðandi á íslenskum mark-
aði með þessa afurð.
„Við byrjuðum með kalkúna-
rækt hér á Íslandi laust eftir 1950,
en neysla á kalkún fór ekki að auk-
ast að ráði fyrr en upp úr 1980.
Smátt og smátt hefur þetta svo
farið í það horf sem það er í núna,“
segir Jón og bætir því við að sjald-
an hafi Íslendingar verið jafn
hrifnir af kalkún og síðustu ár.
„Í dag borðar fólk meiri kalkún
en nokkru sinni fyrr. Undanfarin
ár hefur hann alltaf verið til í
verslunum í kringum hátíðarnar
og það má með sanni segja að það
sé vel tekið á móti þessari vöru.
Um jól og áramót 1994 borðuðu 23
prósent landsmanna kalkún ein-
hvern tíma um hátíðarnar en um
síðustu jól var hlutfallið orðið 42
prósent.“
Kalkúnn er sannkallaður
hátíðamatur því yfirleitt er erfitt
að nálgast þessa afurð á öðrum
tíma enum jólin. Eflaust væri
kalkúnn þó kærkomin viðbót í
kjötborð verslana þar sem vitund-
arvakning hefur átt sér stað í sam-
bandi við heilsusamlegt mataræði.
Kalkúnn er með hollara kjötmeti
sem hægt er að fá, því hann er
afar próteinríkur og mjög fitulít-
ill. Jón Magnús segist búast við
því að fljótlega eigi eftir að verða
auðveldara að nálgast kalkún í
verslunum á öðrum tíma en í
kringum hátíðir.
„Vinsældir kalkúns eru alltaf
að aukast. Þetta má merkja á því
að það fer sífellt meira af kjöti frá
mér í vinnslu og salan á því stígur
meira en salan á heilum fugli. Ég
þarf þó að fylgja straumnum í
þessum málum því það er dýrt
fyrir mig að koma með vöru á
markaðinn sem ekki selst,“ segir
Jón en bætir því jafnframt við að
hann hafi ekki miklar áhyggjur af
því að sala kalkúnakjöts eigi ekki
eftir að aukast. „Þetta er magrara
kjöt en kjúklingakjöt og þar af
leiðandi mjög heilsusamlegur
matur. Ætli hann eigi ekki eftir að
slá í gegn eins og skyrið? Kalkúnn
er jú einstaklega próteinrík og
fitulaus afurð og fólk sækist alltaf
meira og meira eftir því í matar-
æði sínu.“
Hvað varðar hollráð í sambandi
við matreiðslu kalkúnakjöts segir
Jón það afar mikilvægt að hafa
hitann ekki of hátt stilltan.
„Þetta er fitulaust kjöt og þar
af leiðandi er það algert skilyrði
að vera með lágan hita og langan
tíma. Kalkúnn er ólíkur lamba-
kjöti að því leyti að maður hefur
enga fitu til að vinna með. Ef hit-
inn er hafður of hár þegar kalkúnn
er eldaður þá er hætt við að kjötið
verði þurrt, en ef farið er eftir
þessu ráði − lágur hiti, langur tími,
þá er matreiðslan gulltryggð og
útkoman safaríkur og góður kalk-
únn.“
Á vefsíðu Holdakalkúns er að
finna margar góðar uppskriftir og
hollráð í sambandi við mat-
reiðsluna en síðan er á slóðinni
www.kalkunn.is.
Hollur hátíðamatur
F
í
t
o
n
/
S
Í
A