Fréttablaðið - 16.01.2007, Blaðsíða 2

Opið: Alla virka daga kl. 9:00-18:00 og laugardaga kl. 12:00-16:00. Sími: 525 8020.
NOTAÐIR BÍLAR
BÍLL DAGSINS
SUBARU LEGACY WAGON
Nýskr. 10.04 - Sjálfskiptur - Ekinn 52 þús. km. - Allt að 100% lán.
Verð
1.930
.000.
-
„Þetta er fyrirsláttur
til að reyna að tefja málið og ég
spyr hvort þetta sé lýðræðislegt,“
segir Þorgerður Katrín Gunnars-
dóttir menntamálaráðherra um
málflutning stjórnarandstöðunnar
í málefnum Ríkisútvarpsins.
Frumvarp ráðherra um breyt-
ingu RÚV í opinbert hlutafélag
kom til þriðju umræðu þingsins í
gær. Áður en umræðan hófst vörðu
þingmenn einni og hálfri klukku-
stund – undir liðunum athuga-
semdir við störf þingsins og fund-
arstjórn forseta – í umræður um
tæknilegar hliðar málsins. Gagn-
rýndu stjórnarandstæðingar helst
að þeir hefðu ekki verið upplýstir
um samskipti íslenskra stórnvalda
við Eftirlitsstofnun EFTA, ESA, og
sögðu ráðherra hafa haldið þeim
leyndum. Því vísaði Þorgerður
Katrín á bug og benti á að bréfa-
skiptin hefðu verið opinberuð um
leið og þess var óskað. Gagnrýndu
þingmenn stjórnarandstöðunnar
einnig forseta þingsins fyrir að
beita sér ekki fyrir frestun á
afgreiðslu frumvarpsins úr
menntamálanefnd, svo þeim gæf-
ist ráðrúm til að bera bréfin undir
sérfróða menn.
Spurð hvers vegna nefndar-
menn í menntamálanefnd hefðu
ekki verið upplýstir jafnóðum um
samskiptin við stofnunina svaraði
Þorgerður Katrín því til að ekkert
nýtt hefði komið fram í þeim. „Við
höfum staðið í samskiptum við
ESA síðan 2004, löngu áður en
frumvörpin komu fram, og það er
alltaf verið að ræða sömu hlut-
ina.“ Efni samskiptanna hafi því
verið á vitorði þingmanna í
menntamálanefnd.
Þær athugasemdir sem ESA
hefur gert við Ríkisútvarpið snúa,
að sögn ráðherra, að fyrirhugaðri
skattheimtu, eftirliti og endur-
skoðun með starfseminni og skil-
greiningu á almannaþjónustuhlut-
verki RÚV. Þorgerður Katrín segir
að á fundi þriggja embættismanna
úr menntamálaráðuneytinu með
forstöðumanni samskiptasviðs
ESA í síðustu viku hafi komið
fram að stofnunin hefði engar
frekari athugasemdir við fram-
gang frumvarps til laga um Ríkis-
útvarpið ohf.
Þorgerði Katrínu er farið að
leiðast þófið og vill að frumvarpið
um Ríkisútvarpið verði borið
undir atkvæði. „Lýðræðislega
kjörið þingið er búið að ræða málið
í 74 klukkustundir en nú á að beita
málþófi. Það má ekki greiða
atkvæði. Hvers konar lýðræðisleg
vinnubrögð eru það? Það er búið
að upplýsa fólk nóg og það á að
hafa burði til að geta tekið afstöðu
til málsins.“
RÚV ohf. fer ekki í
bága við Evrópulög
Menntamálaráðherra segir Eftirlitsstofnun EFTA ekkert hafa að athuga við að
Ríkisútvarpinu sé breytt í opinbert hlutafélag. Málflutningur stjórnarandstæð-
inga sé fyrirsláttur til að tefja lýðræðislega framgöngu málsins á Alþingi.
Hundrað og sjö
umferðaróhöpp voru tilkynnt til
lögreglunnar á höfuðborgarsvæð-
inu um helgina. Flest þeirra voru
minniháttar en í þremur tilvikum
var fólk flutt á slysadeild.
Nokkrir ökumenn voru teknir
fyrir hraðakstur; flestir þeirra
fyrir að aka á yfir 100 km hraða.
Sextán voru stöðvaðir fyrir að
aka gegn rauðu ljósi.
Fjórtán ökumenn voru teknir
fyrir ölvunarakstur og einn fyrir
að aka undir áhrifum lyfja. Þá
stöðvaði lögreglan nokkra
ökumenn sem höfðu ýmist þegar
verið sviptir ökuleyfi eða höfðu
aldrei öðlast ökuréttindi.
Rúmlega 100
umferðaróhöpp
Samninganefndir grunnskólakennara og
launanefndar sveitarfélaga funda í dag og þá ræðst
líklega hvort grunnskólakennarar fái kjarabætur í
samræmi við verðlags- og launaþróun síðan
samningurinn var undirritaður árið 2004. Búist er
við að kennarar segi samningnum upp um áramótin,
náist ekki samkomulag um endurskoðun hans.
Kennarar í tæplega 40 grunnskólum um land allt
hafa ályktað um að launaforsendur samningsins séu
brostnar.
Ólafur Loftsson, formaður Félags grunnskóla-
kennara, segir samninganefndirnar þurfa að ákveða
hvenær og hvernig ákvæði kjarasamnings kennara
um endurskoðun vegna efnahags- og kjaraþróunar
frá samningsundirritun 2004 verður rætt. „Rökræð-
an stendur um hvað sé eðlilegt að komi til miklar
leiðréttingar á þessu tímabili. Það er alveg ljóst að
grunnskólakennarar eru orðnir lægra launaðir en
BHM félagar almennt.“
Gunnar Rafn Sigurbjörnsson, formaður launa-
nefndar sveitarfélaga, segir að líklega dragi til
tíðinda á fundinum í dag. „Við verðum að komast að
sameiginlegri niðurstöðu. Annaðhvort gera menn
eitthvað eða ekki neitt.“
Grunnskólakennarar voru í verkfalli í tæpa tvo
mánuði árið 2004. Kostnaðarauki sveitarfélaga
vegna samningsins var þá talinn vera nálægt 30
prósentum.
Kona sem lést eftir að
hafa tekið þátt í vatnsdrykkju-
keppni um helgina er talin hafa
fengið vatnseitrun að því er
kemur fram á vef BBC.
Of mikil
vatnsdrykkja
getur leitt til
þess að heilinn
bólgni. Þar sem
höfuðkúpan
umlykur hann
skapast við það
þrýstingur á
heilann sem
hamlar honum
að stýra
lífsnauðsynleg-
um verkefnum á borð við öndun
og manneskjan deyr.
Varnaðarmerki geta verið rugl
og höfuðverkur. Erfitt getur verið
að greina vandann þar sem
sjúklingar eru oft taldir vera á
lyfjum vegna ruglsins sem fylgir
ástandinu.
Meðferð við ofdrykkju á vatni
er þvagörvandi lyf eða lyfjagjöf til
að draga úr bólgu í heilanum.
Lést af völdum
vatnseitrunar
„Ég var sautján ára
þegar ég sá frétt um að slys hefði
orðið og það vantaði blóð í Blóð-
bankann. Mér þótti sjálfsagt mál
að gera það sem ég gæti til að
bæta úr því,“ segir Sigurður Egg-
ert Ingason matreiðslumeistari.
Hann er yngstur af þeim 50
Íslendingum sem gefið hafa blóð
oftar en 100 sinnum og tilheyrir
hann því svokölluðum hundraðs-
höfðingjahópi Blóðbankans. Blóð-
ið hefur hann gefið reglulega eða
á þriggja mánaða fresti í 28 ár.
Hann segir blóðið sem hann hefur
gefið nú nema tæplega 50 lítrum
en til samanburðar má nefna að í
líkama fullorðins einstaklings
eru um fimm lítrar blóðs.
Sigurður hefur þó ekki látið
nægja að gefa sjálfur af sér því
þegar hann kom í hundraðasta
skiptið voru með í för bróðir
hans, sem var að gefa í fimmtug-
asta skiptið, og átján ára sonur
hans sem þá var að gefa blóð í
fyrsta skipti.
„Sumir segjast verða frískari
við þetta en ég hef nú aldrei fund-
ið neina breytingu á mér við blóð-
gjafir, hvorki góðar né slæmar.
Þetta er bara eitthvað sem mér
finnst rétt að gera. Ég vona bara
að ég geti lagt inn í bankann sem
lengst en að ég þurfi aldrei að
taka út úr honum,“ segir Sigurð-
ur sem segir blóðgjafirnar
afskaplega gefandi.
Hefur gefið 50 lítra af blóði
Meira en sólarhring eftir
að versta óveðrið gekk yfir
Svíþjóð á sunnudaginn voru
stórir hlutar landsins enn
rafmagnslausir með öllu.
Hvassviðrið hélt áfram, þótt
verulega hafi dregið úr því, en á
næstu dögum má búast við öðru
fárviðri að sögn veðurfræðinga.
Djúp lægð er væntanleg á
fimmtudaginn.
Í gær lágu lestarsamgöngur
enn niðri víða í sunnanverðri
Svíþjóð og meira en sextíu
þúsund manns voru án símasam-
bands. Íslendingurinn Theodór
Ingi Ólafsson segir hafa verið
skelfilegt að vera á ferði í
óveðrinu.
Rafmagnslaust
í sólarhring
Runólfur, ertu sáttur við rekt-
orstíð þína og arftakann?
Árið 1956
ræddu forsætisráðherra Bretlands,
Anthony Eden, og forsætisráðherra
Frakklands, Guy Mollet, um
hugsanlega sameiningu ríkjanna
tveggja. Breska blaðið The
Guardian greindi frá þessu í gær.
Hugmyndin var komin frá Mollet,
en Frakkland átti í miklum
efnahagserfiðleikum á þessum tíma
og var undir miklum þrýstingi
vegna Suez-deilunnar. Eden hafnaði
hugmyndinni. Mollet stakk þá upp á
því að Frakkland gengi í Breska
samveldið og lyti valdi Elísabetar
Englandsdrottningar. Eden tók
betur í þá hugmynd en henni var
einnig hafnað á endanum.
Rætt var um
sameiningu
Efnt hefur verið til
samkeppni um nafn á nýja
menningarhúsið sem nú rís á
Akureyri og stefnt er á að taka í
notkun seint á næsta ári.
Almenningur hefur verið
hvattur til að senda inn tillögur að
nafni á húsinu og er skilafrestur
til 22. janúar. Dómnefnd mun
velja þrjú bestu nöfnin en svo
mun stjórn Akureyrarstofu velja
verðlaunatillöguna.
Tillögurnar eiga að berast í
lokuðu umslagi með dulnefni en
annað umslag skal fylgja þar sem
rétt nafn sendanda kemur fram.
Keppt um nafn
menningarhúss