Fréttablaðið - 16.01.2007, Blaðsíða 13

Hópur vísindamanna frá ýmsum
löndum hefur fundið gen sem virð-
ist auka líkurnar á því að fólk fái
Alzheimer-sjúkdóminn. Vonast er
til að þessi uppgötvun geri vísinda-
mönnum auðveldara að finna með-
ferð gegn sjúkdómnum þegar fram
líða stundir.
Vísindamennirnir, sem eru frá
Kanada, Bandaríkjunum, Þýska-
landi, Ísrael og Japan, skýrðu frá
rannsóknum sínum á sunnudaginn
á vefsíðu tímaritsins Nature
Genetics. Rannsóknin náði til
meira en sex þúsund manns og
sýnir fram á að ákveðnar gerðir af
geninu, sem nefnist SORL1, geti
átt þátt í að sjúkdómurinn geri
vart við sig á seinni árum.
Enn er þó óvíst með öllu hvort
og þá hve mikil áhrif genið hefur á
sjúkdóminn, en með því einu að
varpa ljósi á það hvernig sjúkdóm-
urinn þróast þykir þessi rannsókn
mikilvægur áfangi.
Áhætta tengd geni
Tveir af ákæruliðunum sex í þeim
hluta Baugsmálsins sem fjallað
var um fyrir Hæstarétti í gær
snúa að innflutningi á tveimur
bílum. Talið er að ákærðu hafi
skotið sér undan að greiða samtals
tæplega 1,1 milljón króna í ríkis-
sjóð. Ákærðu voru sýknuð af þess-
um ákærum í Héraðsdómi Reykja-
víkur.
Jón Ásgeir Jóhannesson, for-
stjóri Baugs Group, er sakaður
um að hafa gefið rangar upplýs-
ingar á aðflutningsskýrslu vegna
innflutnings á Grand Cheeroke
jeppa árið 1999. Kristín Jóhannes-
dóttir, stjórnandi Gaums, er ákærð
fyrir sömu sakir við innflutning á
BMW bifreið árið 2000.
Í sýknudómi héraðsdóms frá 15.
mars 2006 kom fram að ekki væri
hægt að byggja á framburði Jóns
Geralds Sullenberger, sem hafði
milligöngu um kaup bílanna frá
Bandaríkjunum, þar sem ljóst væri
að hann bæri þungan hug til Jóns
Ásgeirs og fjölskyldu hans. Einnig
var ekki talið byggjandi á framburði
bandaríska bílasalans Ivan G. Motta,
sem kom hingað til lands til að bera
vitni fyrir héraðsdómi, enda tengist
hann Jóni Geraldi, og hafi ferðast
með honum hingað til lands.
Sigurður Tómas Magnússon,
settur saksóknari í málinu, segir
að héraðsdómur hafi gert mistök
með því að meta ekki framburð
vitna og öll gögn sem lögð voru
fram í samhengi. Sé það gert verði
að teljast fullsannað að ákærðu
hafi vísvitandi blekkt tollstjóra
við innflutning á bílunum, eða
fengið starfsmenn sína til þess.
Byggt er á því að Jón Gerald
hafi útbúið tvo reikninga vegna
Grand Cheeroke bílsins, og aðeins
annar hafi verið notaður við inn-
flutninginn. Þrír reikningar hafi
verið gerðir vegna BMW-bifreið-
arinnar og annars bíls sem fluttur
var inn á sama tíma, en aðeins
tveir notaðir við innflutninginn.
Sigurður Tómas vitnaði fyrir
dómi í tölvupóst sem hann sagði
skrifaðan af Kristínu Jóhannes-
dóttur, en hún bar fyrir héraðs-
dómi að hún kannaðist ekki við að
hafa skrifað póstinn. Sigurður
sagði póstinn bera höfundarein-
kenni Kristínar, hann byrjaði eins
og aðrir póstar hennar á ávarpinu
„sæll“, endaði á „Kveðja, Kristín“,
og hún skammstafaði ávallt orðið
reikningur á sama hátt.
Gestur Jónsson, verjandi Jóns
Ásgeirs, sagði fyrir dómi í gær að
verknaðarlýsing í ákæru stæðist
ekki, þar væri sagt að Jón Ásgeir
hefði sjálfur lagt inn rangar upp-
lýsingar, sem stæðust ekki þar
sem Aðföng ehf. hefði séð um inn-
flutninginn fyrir Baug, og hann
hvergi komið þar nærri. Ekkert í
gögnum málsins tengi Gest við
innflutninginn, svo jafnvel þó eitt-
hvað óeðlilegt hafi átt sér stað sé
sökin ekki Jóns Ásgeirs.
Kristín Edwald, verjandi Krist-
ínar Jóhannesdóttur, mótmælti
þeirri fullyrðingu að héraðsdómur
hefði ekki lagt mat á gögn og vitn-
isburð í heild, það hafi verið gert
og niðurstaðan hafi verið sýkna.
Einnig sé fráleitt að tala um höf-
undareinkenni á tölvupósti ef þau
eigi að felast í því að byrja á orð-
inu „sæll“ og enda á „kveðja,
Kristín“.