Fréttablaðið - 16.01.2007, Blaðsíða 22

Karlar þurfa ekki síður en konur að huga vel að
húðinni.
Nokkur atriði ber að hafa hugföst í tengsl-
um við val á snyrtivörum og húðhirðu
karla.
• Varastu snyrtivörur sem geta innihaldið
ertandi efni, þar á meðal svokölluð gervi-
ilmefni. Þau er gjarnan að finna í rakspír-
um svo dæmi sé tekið og ganga þá yfirleitt
undir heitinu „parfum“. Dæmi um annað
ertandi efni er lanólín sem finnst í mörgum
andlitskremum. Þá er ekki óalgengt að
náttúruleg efni eins og hrokkinmenta og
sandalviðarolía séu ertandi.
• Ekki halda að þótt á pakkningunni standi
að varan hafi verið prófuð af hjúðsjúk-
dómafræðingi („dermatologically tested“)
að niðurstöðurnar hafi endilega verið
góðar. Það eina sem þetta þýðir er að varan
hafi verið próf-
uð, en fram-
leiðandanum
ber hins vegar
ekki skylda til
að upplýsa
hver útkoman
hafi verið.
• Gættu þess
að andlitskrem-
ið innihaldi
sólarvörn,
minnst 15 í
styrkleika. Útfjólu-
bláir geislar sólarinnar valda
nefnilega mestum húðskemmdum, líka
á veturna.
• Góð húðhirða skiptir síðan ekki
síður máli en val og kaup á
góðum snyrtivörum.
Notaðu góða andlits-
sápu, sem freyðir vel,
til að hreinsa húðina. Er þá
ekki átt við dæmigerða
handsápu sem er líkleg
til að þurrka húðina.
Húðin verður enn frem-
ur strekkt af völdum
handsápu, sem gerir
það að verkum að alltof
margir maka á sig of
miklu rakakremi. Notk-
un of mikils rakakrems
getur hins vegar stíflað
svitaholurnar, svo
óhreindindi safnast í
þeim. Afleiðingarnar af
því geta verið fílapensl-
ar og bólur.
• Hafðu hugfast að
með rakstri losnarðu
ekki einungis við skegg-
brodda heldur dauðar húðfrumur,
þannig að best er að raka sig rétt.
Notaðu rakstursgel og leyfðu því að
liggja á húðinni í nokkrar mínútur
til að mýkja skeggbroddana upp
fyrir rakstur. Rakaðu þig síðan
í sömu átt og skeggvöxtur ligg-
ur. Skolaðu andlitið vandlega
með köldu vatni eftir rakstur-
inn, til að loka svitaholunum.
Sumir vilja meina að betra sé
að sleppa því að nota rakspíra.
Eftir að hafa lesið enn eina frétt-
ina um manneklu á leikskólum í
Reykjavík finnst mér mikilvægt
að fjalla örlítið um mikilvægi
stöðugleika fyrir börn sem þessi
mál varða. Mannekla á leikskól-
um er svosem engar nýjar frétt-
ir, en minna virðist hafa verið
fjallað um þetta málefni síðasta
hausts þar til núna. Hvort þetta
sé afleiðing þess að lítill áhugi
sé á efninu þar sem það er ekki
lengur nýtt fréttaefni eða vegna
vonleysistilfinningar foreldra
um að rödd þeirra hafi einhver
áhrif þegar kemur að þessum
málaflokki, eða út af einhverju
allt öðru, skal látið ósagt hér.
Það sem skiptir hins vegar máli
er þau áhrif sem mannekla á
leikskólum getur haft á börnin
okkar.
Flestum börnum líður betur
þegar líf þeirra er í nokkuð föst-
um skorðum, og þar er innifalin
dagvist barna á meðan foreldr-
ar eru í vinnu. Mörg börn eru í
dagvist, hjá dagforeldri, í leik-
skóla eða grunnskóla að lág-
marki sex tíma á dag. Að sjálf-
sögðu verður mikið rask á
högum þeirra barna sem þurfa
allt í einu að vera í burtu frá
sinni dagvist vegna þess að ekki
er hægt að veita þá þjónustu
sem á að vera fyrir hendi. Hér
er ekki átt við að börnum sé
óhollt að verja tíma með for-
eldrum sínum, öfum eða
ömmum, eða öðrum einstakling-
um sem hugsanlega væru fengn-
ir til að sinna börnunum þá daga
sem þörf er á að þau séu heima
frá leikskólanum, heldur þýðir
þetta ákveðið rask fyrir alla og
ekki síst barnið.
Flestum börnum líður vel að
hafa hlutina í nokkuð föstum
skorðum og það veitir þeim
öryggi. Þegar stór hluti lífs
þeirra raskast, eins og gerist
þegar mannekla er á leikskól-
um, getur það valdið miklu
óöryggi, streitu og vanlíðan hjá
barninu þar sem hlutirnir eru
ekki eins fyrirsjáanlegir og
áður. Hér er ekki bara átt við að
barnið þurfi að vera heimavið
nokkra daga í mánuði heldur
raskast iðulega allt innra starf
leikskólanna vegna vöntunar á
starfsfólki og því verður dag-
legt líf barnsins á leikskólanum
frábrugðið því sem það var áður
og það getur valdið barninu
óþægindum á marga vegu.
Börn eru að sjálfsögðu ein-
staklingar og á meðan sum börn
þola breytingar vel þola sum
þeirra þær mjög illa. Hjá þeim
börnum sem þola breytingar illa
getur svona rask haft alvarleg-
ar afleiðingar í för með sér, t.d.
getur mikill kvíði farið að hrjá
barnið vegna þess að það upplif-
ir óöryggi því að líf þess er ekki
í sömu skorðum og áður. Mikil-
vægt er að huga vel að
dagvistarmálum barna, ekki
vegna þess að mannekla á leik-
skólum er óhentug fyrir for-
eldra eða starfsfólk leikskóla,
þó svo að það sé að sjálfsögðu
mikilvægur þáttur þegar kemur
að líðan þeirra sem koma að
börnunum okkar, heldur vegna
þess að það er mikilvægt fyrir
velferð og vellíðan barna!
Rétt húðhirða karla
PANTAÐU Í SÍMA
WWW.JUMBO.IS
554 6999
SAMLOKUBAKKI | TORTILLABAKKI | BLANDAÐUR BAKKI
ÞÚ GETUR PANTAÐ GIRNILEGA VEISLUBAKKA FRÁ OKKUR MEÐ LITLUM FYRIRVARA