Fréttablaðið - 16.01.2007, Blaðsíða 4

P
IP
A
R

•
S
ÍA

•
6
0
8
90
Lyklakippur
sem rata
Í hverjum dælulykli er örgjörvi sem Atlantsolía getur
lesið og þar með fundið út hver eigandi lyklanna er.
Reglulega komast týndar lyklakippur til skila af
þessari ástæðu.
Enn ein góð ástæða þess að fá sér
dælulykil frá Atlantsolíu! Sími: 591-3100 og www.atlantsolia.is
Condoleezza Rice, utanríkis-
ráðherra Bandaríkjanna, ætlar að hitta þá
Ehud Olmert, forsætisráðherra Ísraels, og
Mahmoud Abbas, forseta Palestínustjórnar,
á næstu vikum til að ræða hugmyndir um
stofnun sjálfstæðs ríkis Palestínumanna.
Rice er á ferð um Mið-Austurlönd þessa
dagana til þess að afla stuðnings við breyttar
áherslur Bandaríkjamanna í Íraksstríðinu.
Í gær hitti hún meðal annars Hosni
Mubarak Egyptalandsforseta.
Bandaríkjamenn leggja sérstaka áherslu
á að fá þau arabaríki þar sem súnnímúslímar
eru í meirihluta í lið með sér við að stöðva
vopnaða baráttu súnnía í Írak, sem framan
af beindist einkum gegn bandaríska herlið-
inu í Írak en hefur í vaxandi mæli beinst
gegn sjíum í Írak.
Leiðtogar nokkurra arabaríkja hitta Rice
að máli í dag og hafa upplýst að þeir muni
segja henni að þeir vilji hjálpa Bandaríkjun-
um við að koma á stöðugleika í Írak gegn því
að Bandaríkin beiti sér af meiri alvöru að því
að koma á friði milli Ísraels og nágranna-
ríkja þess.
Bæði ísraelskir, palestínskir og arabískir
ráðamenn hafa undanfarið viðrað hugmynd-
ir um að láta svonefnt „vegakort“, sem lýsir
leiðinni í átt til friðarsamkomulags, lönd og
leið og hraða þess í stað stofnun sjálfstæðs
ríkis Palestínumanna á Vesturbakkanum og
Gazasvæðinu.
„Það er ekki sjáan-
legt að neinn tekjuhópur hafi setið
eftir í þessari þróun,“ segir Ragnar
Árnason, prófessor í hagfræði við
Háskóla Íslands, um niðurstöður
nýrrar rannsóknar sinnar á dreif-
ingu tekna hér á landi síðan 1993.
Í niðurstöðum rannsóknarinn-
ar er því haldið fram að rauntekj-
ur allra hópa þjóðfélagsins, líka
þeirra lægst launuðu, hafi hækk-
að gífurlega mikið síðastliðin
þrettán ár. „Á þessu tímabili
erum við að tala um tvöföldun á
rauntekjum á tímabilinu. Allir
tekjuhóparnir hafa fengið þessa
aukningu, þó að toppurinn, efsta
prósentið, fái miklu meira en
hinir.“
Ragnar segir þá aukningu fyrst
og fremst skýrast af gífurlegum
vexti fjármagnstekna sem orðið
hafi frá árinu 1993. „Það ár voru
fjármagnstekjur innan við þrjú
prósent af tekjum fólks. Árið
2005, sem er síðasta tekjuárið sem við höfum upplýsingar um, voru
þær orðnar á bilinu 16-17 prósent
af heildartekjum. Það er mjög
athyglisvert að lítill hópur fólks
virðist hafa mjög háar fjármagns-
tekjur. Efsta prósent tekjudreif-
ingarinnar hefur rokið upp ef
fjármagnstekjur eru teknar með.
Það lag er að stinga aðra tekju-
hópa af.“
Ragnar segir að rannsóknin
hafi verið framkvæmd á grund-
velli gagna frá ríkisskattstjóra,
það er framtölum allra Íslendinga
sem telji fram til skatts, og hafi
staðið yfir í rúma sex mánuði.
Hann tekur þó fram að um áfanga-
niðurstöður sé að ræða enda sé
þetta áframhaldandi rannsóknar-
verkefni sem muni standa yfir í
að minnsta kosti eitt til tvö ár til
viðbótar.
Ragnar segir ýmislegt hafa
komið sér á óvart í niðurstöðunum.
„Mér hefur sýnst það á umræð-
unni að menn hafi sagt að hinir
fátækari séu að verða fátækari og
hinir ríku ríkari. Samkvæmt þess-
um niðurstöðum eru lægstu tekju-
hóparnir hins vegar ekkert að
dragast aftur úr. Allir tekjuhóp-
arnir eru að fá þessa aukningu á
tekjum, en efsta lagið er bara að fá
miklu meira en hinir.“
Ragnar mun kynna niðurstöð-
ur rannsóknarinnar í stofu 101 í
Odda klukkan 16 í dag.
Segir alla tekjuhópa
auka tekjur sínar
Niðurstöður rannsóknar Ragnars Árnasonar, prófessors í hagfræði, sýna að all-
ir tekjuhópar hafa aukið tekjur sínar verulega síðustu þrettán árin. Fjármagns-
tekjur hafa vaxið stórlega og lítill hópur fólks efnast mjög á þeim.
Ákveðið hefur verið að
hefja vinnu við víðtæka gagna-
söfnun um umfang ferðaþjónustu
í íslensku efnahagslífi.
Samgönguráðuneytið hefur
samið við Hagstofu Íslands um
verkefnið og veitir til þess sjö
milljónum króna, að því er fram
kemur í frétt ráðuneytisins.
Starfshópur sem Sturla
Böðvarsson samgönguráðherra
skipaði haustið 2005 komst að
þeirri niðurstöðu að með upptöku
svokallaðra hliðarreikninga
myndi fást skýrari og betri mynd
af stöðu og mikilvægi ferðaþjón-
ustunnar sem nýtast myndi bæði
stjórnvöldum og einkaaðilum til
markvissari ákvörðunartöku.
Verðmæti
ferðaþjónustu
Fyrrverandi ritari
hjá Coca-Cola fyrirtækinu er
ákærður fyrir að hafa tekið
trúnaðargögn og sýni af vöru sem
ekki var búið að kynna, í þeim
tilgangi að selja til samkeppnisað-
ilans Pepsi. Verjandi ritarans
segir hann hafa verið fórnarlamb
blekkinga tveggja fyrrverandi
fanga sem einnig eru ákærðir.
Þessi meinta fyrirætlun komst
upp í maí í fyrra í kjölfar
leynilegrar rannsóknar Alríkis-
lögreglu Bandaríkjanna eftir að
Pepsi hafði varað Coca-Cola við.
Val á kviðdómi fer fram í
þessari viku og aðalmeðferð hefst
22. janúar.
Pepsi varaði
Coca-Cola við
Tvítugur karlmaður var
í gær dæmdur í fjögurra mánaða
skilorðsbundið fangelsi í Héraðs-
dómi Norðurlands eystra fyrir
sölu og vörslu á fíkniefnum. Hann
var handtekinn í mars á síðasta
ári á bílastæði við verslun á
Akureyri.
Í bílnum fundust fíkniefni,
bæði hass og kókaín, og var þá
gerð húsleit hjá manninum. Þar
fannst hass, amfetamín og kókaín.
Alls fundust rúm fimmtíu grömm
af hassi, um tíu grömm af kókaíni
og um fjórtán grömm af amfetam-
íni sem voru gerð upptæk.
Jafnframt voru loftbyssur og
vogir gerðar upptækar. Maðurinn
hefur áður komist í kast við lögin
fyrir fíkniefnalagabrot.
Fjórir mánuðir
fyrir fíkniefni
Brigitte Zypries,
dómsmálaráð-
herra Þýska-
lands, segir
Þjóðverja ætla
að vinna að því
að Evrópusam-
bandið sam-
þykki bann við
svonefndum
hatursglæpum,
sem felast í því
að hvetja til
ofbeldis og haturs – meðal annars
með því að afneita því að helför
gyðinga á tímum nasista hafi
nokkru sinni átt sér stað.
Í nokkrum Evrópusambands-
ríkjum er nú þegar í gildi bann
við því að afneita helförinni, þar á
meðal í Þýskalandi, Frakklandi,
Austurríki, Belgíu og á Spáni.
Breski sagnfræðingurinn
David Irving sat á síðasta ári í
fangelsi í Austurríki fyrir að hafa
afneitað helförinni.
Vilja bann við
hatursglæpum