Fréttablaðið - 16.01.2007, Blaðsíða 11

Finnar hafa áhyggjur af
því að fá ekki þjónustu á finnsku
hjá Norrænu ráðherranefndinni í
Kaupmannahöfn. Björn Månsson,
leiðarahöfundur Hufvudstads-
bladet í Finnlandi, rifjaði nýlega
upp sárindi Finna þegar þeir töp-
uðu baráttunni um starf fram-
kvæmdastjóra Norrænu ráðherra-
nefndarinnar, sem Halldór
Ásgrímsson, fyrrverandi forsætis-
ráðherra, var valinn í nú í haust.
Björn taldi að „kostirnir við það
hver valdist í starfið vegi upp á
móti finnsku biturðinni“ og sagði
að löngu hefði verið tímabært að
starfið félli í hlut þeirrar þjóðar
sem byggi yst á jaðrinum. Björn
lét í ljós ósk um að sem Íslending-
ur hefði Halldór skilning á tungu-
málaaðstæðum þeirrar þjóðar sem
býr á hinum jaðrinum, á austur-
kantinum á Norðurlöndunum, og
sagði að skrifstofa Halldórs ætti
að „geta veitt Norðurlandabúum
þjónustu á finnsku líka“.
Björn sagði í samtali við Frétta-
blaðið að hann vissi ekki til þess að
neinn háttsettur embættismaður
væri finnskumælandi hjá ráð-
herranefndinni og því væri þar
enginn sem gæti átt samskipti á
finnsku. „Það getur orðið vanda-
mál,“ sagði hann og kvaðst hafa
verið mikið á ferðalögum í haust
þegar Halldór var ráðinn og því
ekki getað sagt skoðun sína. Hann
notaði því tækifærið nú. -
Veiti þjónustu á finnsku
Hinn sögufrægi
Bran-kastali í Transylvaníu í
Rúmeníu hefur verið auglýstur til
sölu fyrir sextíu milljónir evra.
Kastalinn, sem var reistur á
15. öld, er af sumum talinn hafa
verið heimili hins blóðþyrsta
fursta Vlad Tepes. Engar
sannanir eru fyrir því en margt
bendir til að Tepes hafi dvalið í
kastalanum í einhvern tíma hið
minnsta. Grimmd Tepes varð
rithöfundinum Bram Stoker
innblástur að einni frægustu
sögupersónu allra tíma, blóðsug-
unni Drakúla greifa.
Árlega heimsækja um 400.000
ferðamenn kastalann, en kostnað-
ur af viðhaldi hans er það sem
rekur eigandann – þann arm
Habsborgarættarinnar sem var
konungsfjölskyldan í Rúmeníu á
árum áður – til að selja.
Kastali Drakúla
settur á sölu
Ellefu umsóknir bárust
um stöðu sviðsstjóra mennta-
sviðs hjá Reykjavíkurborg.
Verið er að taka viðtöl við
umsækjendur og er búist við að
niðurstaða liggi fyrir í lok
janúar. Umsækjendur eru
þessir:
Andri Ottesen, Anna Kristín
Sigurðardóttir, Arnar Sverris-
son, Björg J. Birgisdóttir,
Guðrún Ebba Ólafsdóttir,
Guðrún Hrefna Guðmundsdóttir,
Hugrún Sigurjónsdóttir, Jóhann
Einarsson, Magnús Örn Stefáns-
son, Ragnar Þorsteinsson og
Þorsteinn Sæberg Sigurðsson.
Ellefu umsókn-
ir um starf
Tæplega fimmtugur
karlmaður, Höskuldur Svavars-
son, hefur verið dæmdur í þriggja
mánaða skilorðsbundið fangelsi
og til greiðslu rúmlega 8 milljóna
króna sektar fyrir skatta- og
hegningarlagabrot. Héraðsdómur
Norðurlands eystra kvað upp
dóminn í þarsíðustu viku.
Höskuldur framdi brotin þegar
hann var stjórnarformaður
einkahlutafélagsins AS Flutninga
sem úrskurðað var gjaldþrota í
nóvember árið 2002. Hann stóð
ekki skil á virðisaukaskattsskýrsl-
um og staðgreiðsluskilagreinum á
margra mánaða tímabilum árið
2001. Hann viðurkenndi brot sín
en hélt því fram að þau væru
fyrnd, en dómurinn komst að
annarri niðurstöðu því fyrningar-
frestur í slíkum málum er aldrei
skemmri en fimm ár.
Átta milljónir
króna í sekt
Sjóvá-Almennar
tryggingar hf. voru dæmdar til að
greiða konu á fertugsaldri bætur
upp á tæpar 5 milljónir, auk
vaxta, vegna bílslyss.
Tildrög slyssins voru þau að
konan sofnaði undir stýri með
þeim afleiðingum að bíll hennar
fór út af veginum niður 6-8 metra
háa vegöxl. Bíllinn hafnaði á
klöpp, 40 metrum frá þeim stað
sem keyrt var út af.
Konan hlaut gjafsókn en Sjóvá
var gert að greiða allan sakar-
kostnað, tæpar 730 þúsund
krónur, sem renna í ríkissjóð.
Konan er 15 prósent öryrki
eftir slysið.
Fær 5 milljónir
vegna bílslyss