Fréttablaðið - 16.01.2007, Blaðsíða 37

Britney Spears kom flækingi sem
varð á vegi hennar í Los Angeles
skemmtilega á óvart í síðustu
viku, þegar hún gaf honum 300
dollara, eða um 21.000 krónur.
Söngkonan hafði nýlega tekið háa
upphæð út úr hraðbanka þegar
hún staðnæmdist á rauðu ljósi. Á
meðan hún beið dreif heimilislaus-
an mann að bílnum. Britney ku
hafa skrúfað niður rúðuna og rétt
manninum seðlabúntið með ósk
um gott gengi og gleðilegt ár.
Manninum var víst afar brugðið,
enda ekki á hverjum degi sem
honum áskotnast slíkar upphæðir.
Heimildir Us Weekly herma að
fjárgjöfin sé hluti af nýrri stefnu
Britneyjar, sem vilji láta gott af
sér leiða á árinu.
Britney ger-
ist gjafmild
Jessica Simpson segist enn þjást
eftir skilnaðinn við Nick Lachey.
„Það koma enn stundir þegar ég
þjáist svo mikið að ég get varla
andað,“ segir Jessica. „Ég elska
Nick af öllu hjarta og hann er enn
góður vinur. Hann er hluti af mér
enda ólumst við upp saman. Ég
varð ástfangin af honum þegar ég
var 19 ára. Það er ungt,“ segir hún
enn fremur. Jessica er 26 ára og
hafði verið gift Lachey í þrjú ár
þegar þau skildu í júní í fyrra.
Jessica heldur því enn fremur
fram að hún hafi áhyggjur af því
að hún muni aldrei geta verið með
öðrum karlmanni, hún sé svo fræg
að karlmenn hræðist hana. Það
breytir því þó ekki að Jessica
hefur nýverið verið orðuð við
Adam Levine, söngvara Maroon 5,
og leikarann Zach Braff úr sjón-
varpsþáttunum Nýgræðingum,
Scrubs.
Jessica enn í sárum
Christina Aguilera ætlar að gefa
út ilmvatn undir sínu nafni. Söng-
konan mun slást í lið með Procter
and Gamble til að framleiða ilm-
vatnið, en hún segir fyrirtækið
vera tilvalinn félaga. Aguilera
segist unna því að prófa nýja hluti
í tónlist og tísku, og eigið ilmvatn
sé þannig upphafið á skemmtilegu
ævintýri. Söngkonan er þó ekki
ein um ævintýrið. Hún fetar í fót-
spor frægra kvenna á borð við
Jennifer Lopez, Sarah Jessica
Parker, Beyoncé Knowles, Britney
Spears og Kylie Minogue.
Sendir frá
sér ilmvatn
Dansmyndin Stomp the Yard fór
beint á topp bandaríska aðsóknar-
listans um síðustu helgi. Þar með
lauk sigurgöngu myndar Ben Still-
er, Night at the Museum, sem
hafði setið í þrjár vikur á toppn-
um.
Stomp the Yard kostaði „ein-
ungis“ 1,1 milljarð í framleiðslu
en tók inn rúma 1,5 milljarða í
miðasölunni. Myndin fjallar um
hæfileikaríkan dansara sem tekur
þátt í danskeppni til að vinna
hjarta stúlku einnar.
Í þriðja sæti var myndin The
Pursuit of Happyness með Will
Smith í aðalhlutverki. Hefur Smith
verið orðaður við Óskarsverðlaun-
in fyrir frammistöðu sína.
Dansmynd
á toppinn
Gamanleikarinn
Ben Stiller verður
leikstjóri, aðalleik-
ari og annar hand-
ritshöfunda kvik-
myndarinnar
Tropic Thunder
sem er væntanleg
í bíó á næsta ári.
Í myndinni mun
Stiller leika hasar-
myndahetju sem á
í slagtogi við fjór-
ar aðrar karlkyns
hetjur sem þurfa
að taka á öllu sem
þær eiga þegar allt
fer úrskeiðis við gerð
nýrrar kvikmyndar
með þeim í aðalhlut-
verki.
Þetta verður
fyrsta myndin sem
Stiller leikstýrir
síðan hann sendi frá
sér Zoolander árið
2001. Nýjasta mynd
hans, Night at the
Museum, hefur sleg-
ið rækilega í gegn í
Bandaríkjunum þar
sem hún var í þrjár
vikur í toppsæti
aðsóknarlistans.
Stiller leikstýrir
Tropic Thunder
Útsalan hefs t í dag • Útsalan hefs t í dag • Útsalan hefs t í dag • Útsalan hefs t í dag
Útsalan hefs t í dag • Útsalan hefs t í dag • Útsalan hefs t í dag • Útsalan hefs t í dag
Útsalan hefs t í dag • Útsalan hefs t í dag • Útsalan hefs t í dag • Útsalan hefs t í dag