Fréttablaðið - 16.01.2007, Blaðsíða 10

Framboðslisti Fram-
sóknarflokksins í Norðaustur-
kjördæmi hefur verið ákveðinn
og er mönnun hans í samræmi
við niðurstöður kosninga sem
haldnar voru síðastliðinn
laugardag.
Valgerður Sverrisdóttir
utanríkisráðherra verður í
fyrsta sæti, Birkir Jón Jónsson
alþingismaður í öðru sæti,
Höskuldur Þór Þórhallsson
lögmaður í því þriðja og Huld
Aðalbjarnardóttir skólastjóri
skipar fjórða sætið.
Framsóknarflokkurinn á
fjóra þingmenn í kjördæminu.
Framboðslisti
ákveðinn
Fulltrúar Spalar
ehf., sem á og rekur Hvalfjarðar-
göngin, og Vegagerðarinnar hafa
undirritað samkomulag sem líta
verður á sem fyrsta formlega
skrefið í tvöföldun þjóðvegarins
um Kjalarnes og byggingu nýrra
ganga undir Hvalfjörð.
Aðdragandi samkomulagsins
var sá að forystumenn Spalar
kynntu Sturlu Böðvarssyni sam-
gönguráðherra hugmyndir um
hvernig koma mætti undirbúningi
nýrra Hvalfjarðarganga og vega-
bótum á Kjalarnesi á dagskrá árið
2007. Samgönguráðherra fól Vega-
gerðinni að taka upp viðræður við
Spöl og er nýja samkomulagið
afrakstur þeirra viðræðna.
Gísli Gíslason, stjórnarformað-
ur Spalar, fagnar samkomulaginu
við Vegagerðina því umferð hafi
aukist stöðugt um Hvalfjarðargöng
og nauðsynlegt sé að taka tvöföld-
un ganganna á dagskrá nú þegar til
að auka afköst þeirra og tryggja
áfram öryggi vegfarenda.
„Vissulega tekur sinn tíma að
hanna ný jarðgöng, ganga frá nauð-
synlegum breytingum á skipulagi,
meta umhverfisáhrif framkvæmd-
anna, kaupa land og gera annað það
sem gera þarf. Mikilvægast er samt
að nú er ferlið formlega hafið. Tvö-
földun þjóðvegarins á Kjalarnesi
og tvöföldun Hvalfjarðarganga er
besta ráðstöfunin sem í boði er til
að tryggja öryggi vegfarenda á
sama tíma og umferð eykst þar ár
frá ári,“ segir Gísli.
Páll Pétursson, sem
gegndi starfi félagsmálaráðherra á
árunum 1999 til 2003, segir að
félagsmálayfirvöld hafi gert úttekt
á starfi Guðmundar Jónssonar í
Byrginu árið 2002. Stjórnvöld vissu
að starf Byrgisins, og framganga
Guðmundar Jónssonar, voru mjög
gagnrýniverð. Niðurstaða úttekt-
arinnar var að starfsemin hefði
verið með þeim hætti árin á undan,
að ekki væri hægt að styrkja Byrg-
ið að óbreyttu. Þess vegna taldist
nauðsynlegt að gera samning um
þjónustuna. Á grundvelli þess
samnings keypti
ríkið húsnæði að
Efri-Brú auk
þess að greiða
hluta leigu hús-
næðisins.
Inntur eftir
því hvernig á
því stæði að
ákveðið var að
kaupa sérstakt
húsnæði fyrir Byrgið þegar sýnt
var að starfsemin stóðst ekki kröf-
ur félagsmálayfirvalda segir Páll:
„Ég held að engum hafi dottið í
hug að það væri hagur að því að
loka Byrginu. Hins vegar vildu
allir hafa þetta í lagi.“ Páll telur að
eftirlit með Byrginu hafi verið í
lagi í ráðherratíð hans enda hafi
Aðalsteinn Sigfússon, félagsmála-
stjóri í Kópavogi, sem vann úttekt-
ina fyrir félagsmálayfirvöld mælt
með því að starfsemi Guðmundar
yrði styrkt og að starf Byrgisins
skilaði nokkrum árangri. Páll telur
sýnt að mun dýrara hefði verið
fyrir yfirvöld að reka meðferðar-
heimili en að styrkja Byrgið eins
og reyndin varð.
Úttekt gerð á Byrginu 2002
Styrkveitingum frá rík-
inu til Byrgisins sjálfseignarstofn-
unar hefur verið hætt. Um þetta
tók Magnús Stefánsson félags-
málaráðherra ákvörðun eftir að
Ríkisendurskoðun skilaði greinar-
gerð til ráðuneytisins sem unnin
var að beiðni frá 16. nóvember á
síðasta ári en þá fór félagsmála-
ráðherra fram á það að fjármál
Byrgisins yrðu skoðuð.
Magnús Stefánsson sagði félags-
málaráðuneytið vinna að því að
efla innra eftirlit með samstarfi
við Ríkisendurskoðun. „Við höfum
fjallað um það hér innan félags-
málaráðuneytisins að nauðsynlegt
sé að efla innra eftirlit og um það
hefur verið rætt við starfsfólk Rík-
isendurskoðunar. Ég vil ekki orða
það þannig að því sé ábótavant en
við teljum þörf að því að ramma
málin betur inn hér hjá okkur.“
Magnús segir kveikjuna að
sérstakri skoðun á fjármálum
Byrgisins hafa verið fund með
Guðmundi Jónssyni, sem nú hefur
vikið sem forstöðumaður Byrgis-
ins, í byrjun nóvember á síðasta
ári. „Á fundinum var óskað eftir
því að endurnýja samninginn um
áframhaldandi starfsemi Byrgis-
ins. Í framhaldi af því tók ég
ákvörðun um að óska eftir því að
Ríkisendurskoðun færi yfir fjár-
mál Byrgisins og sú vinna hófst
fljótt og gekk vel.“
Að tillögu Björns Bjarnasonar
dómsmálaráðherra mun hópur á
vegum dóms- og kirkjumálaráðu-
neytisins, undir forystu Stefáns
Eiríkssonar, nýskipaðs lögreglu-
stjóra höfuðborgarsvæðisins,
fjalla um málefni langt leiddra
vímuefnaneytenda. Í hópnum
verða einnig fulltrúar heilbrigð-
is- og tryggingamálaráðuneytis
og félagsmálaráðuneytis.
Magnús sagðist ekki reikna
með því að sérstök úttekt yrði
unnin á faglegu starfi Byrgisins
undanfarin ár en skoðun Ríkis-
endurskoðunar náði aðeins til
fjármálahliðar Byrgisins.
Starfsemi Byrgisins hefur farið
fram í húsnæði Fasteigna ríkissjóðs
á Efri-Brú í Grímsnesi. Tilkynnt
hefur verið um ákvörðun félags-
málaráðuneytisins til Fasteigna rík-
issjóðs og óskað eftir því að farið
verði yfir gildandi afnotasamning
stofnunarinnar við Byrgið.
Guðmundur Jónsson, sem
lengst af hefur verið forstöðumað-
ur Byrgisins, sagðist fagna því að
málið væri komið til ríkissaksókn-
ara er Fréttablaðið ræddi við hann
í gær. Hann ítrekaði einnig að það
hefði ekki verið í hans verkahring
að sjá um bókhaldið, sem gagnrýnt
er harðlega í skýrslu Ríkisendur-
skoðunar ásamt öllum öðrum þátt-
um er snúa að fjármálahlið með-
ferðarheimilisins.
Styrkveitingu hætt
vegna fjármálaóreiðu
Félagsmálaráðherra hefur ákveðið að hætta styrkveitingum til Byrgisins. Sam-
hjálp og velferðarsvið Reykjavíkurborgar taka við verkefnum Byrgisins. Tilefni
til þess að skoða faglegt starf heimila og taka innra eftirlit til endurskoðunar.
Í framhaldi að því tók
ég ákvörðun um að óska
eftir því að Ríkisendurskoðun
færi yfir fjármál Byrgisins og sú
vinna gekk fljótt og vel.