Fréttablaðið - 23.01.2007, Blaðsíða 6

Grétar Mar Jónsson,
skipstjóri og varaþingmaður
Frjálslynda flokksins, vill að
nafni flokksins verði breytt í
Frjálslyndi jafnaðarmanna-
flokkurinn. Hann ætlar að bera
fram tillögu um nafnabreyting-
una á landsþingi Frjálslynda
flokksins sem haldið verður dag-
ana 26, og 27. janúar.
Grétar segir helstu ástæðuna
fyrir því að flokkurinn eigi að
breyta um nafn vera þá að hann
vilji höfða til jafnaðarmanna í
landinu, sem eigi sér ekki mál-
svara á þingi. „Samfylkingin þyk-
ist vera jafnaðarmannaflokkur
en er það ekki. Flokkurinn gætir
ekki hagsmuna almennings þegar
litið er til eignarhalds yfir fiskin-
um í sjónum. Samfylkingin sættir
sig við að fáir eigi kvótann. Jafn-
aðarmenn eiga ekki að sætta sig
við það,“ segir Grétar Mar.
Önnur ástæða sem Grétar
nefnir er að Sverrir Hermanns-
son eigi nafnið Frjálslyndi flokk-
urinn. „Menn hafa sagt að Sverrir
geti sett lögbann á notkun nafns-
ins ef það verður klofningur í
flokknum. Tillagan að nafna-
breytingunni er varúðarráðstöf-
un ef það skyldi gerast,“ segir
Grétar.
Sverrir Hermannsson, stofn-
andi og fyrrverandi formaður
Frjálslynda flokksins, segir að sé
hluti flokksmanna að hugsa um
nafnabreytingu virðist það vera
ætlun þeirra að kljúfa flokkinn.
„Þeir ætla að vera við því búnir að
stofna nýjan flokk. Svo virðist
vera sem þeir uni ekki við þá skip-
an mála sem verið hefur í flokkn-
um og að þeir vilji Margréti dóttur
mína burt,“ segir Sverrir. Hann
segir að hann hafi tryggt sér nafn
flokksins árið 1998.
Sverrir segir að ef ákveðinn
hluti meðlima Frjálslynda flokks-
ins kljúfi sig út úr flokknum muni
flokkurinn starfa áfram. „Ég
myndi þá ætla að Margrét starfi
áfram innan hans,“ segir Sverrir.
Hann telur að þeir sem vilji kljúfa
Frjálslynda flokkinn ætli sér ekki
að nota nafn hans áfram og því
komi ekki til þess að hann þurfi
að koma í veg fyrir að þeir noti
nafnið. „Ég, Margrét og okkar
fólk munum aldrei kljúfa flokk-
inn, þeir munu kannski gera það
og fá sér nýtt nafn.“
Guðjón A. Kristjánsson, for-
maður Frjálslynda flokksins,
hafði ekki heyrt af tillögu Grét-
ars Mars um nafnabreytingu
þegar Fréttablaðið talaði við hann
í gær. „Ég kem ekki að þessari til-
lögu,“ segir Guðjón. Aðspurður
segir hann að hann og hluti flokks-
manna ætli sér ekki að kljúfa
flokkinn og taka upp nýtt nafn.
Á landsþinginu mun Margrét
Sverrisdóttir annað hvort bjóða
sig fram í kosningu um embætti
varaformanns flokksins, gegn
Magnúsi Þór Hafsteinssyni, eða
formanns, gegn Guðjóni A. Kristj-
ánssyni. Guðjón hefur gefið það
út að hann styðji Magnús í kosn-
ingunni um varaformannsemb-
ættið. Margrét hefur gert upp
hug sinn en vill ekki segja frá því
hvort embættið hún ætlar að
bjóða sig fram í. Hún ætlar að til-
kynna það um miðja vikuna.
Margrét segir það fyrsta sem
hún hugsaði, þegar hún heyrði af
tillögunni um nafnabreytinguna,
hvort það væri ætlun einhverra í
flokknum að kljúfa hann.
Varúðarráðstöfun
að velja nýtt nafn
Grétar Mar Jónsson vill að Frjálslyndi flokkurinn heiti Frjálslyndi jafnaðar-
mannaflokkurinn. Sverrir Hermannson og Margrét Sverrisdóttir segja klofning
líklega fyrirhugaðan. Guðjón A. Kristjánsson segir klofning ekki á dagskránni.
Risa
útsa
la
H
im
in
n
o
g
h
af
/S
ÍA
Opið mánud.–föstud. 8–18, laugard. 10–16 og sunnud. 12–16
Eigendur hvalaskoðunar-
fyrirtækjanna Eldingar og Hafsúlunnar í
Reykjavík hafa undirritað samkomulag um
sameiningu félaganna.
Með sameiningunni verður til stærsta
hvalaskoðunarfyrirtæki á landinu en
samanlagður farþegafjöldi fyrirtækjanna
var um fimmtíu þúsund farþegar á síðasta
ári.
Einar Steinþórsson, framkvæmdastjóri
fyrirtækisins, segir nýtt fyrirtæki hafa
mikla möguleika á að efla þjónustu.
„Við munum bjóða upp á ýmiss konar
afþreyingu á sjó svo sem hvalaskoðun,
sjóstangaveiði, fuglaskoðun og fjölbreyttar
skemmtisiglingar. Það kemur sterklega til
greina að kaupa nýtt skip og við ætlum að
byggja upp fræðslu- og upplýsingasetrið
sem er í gömlu loðnuskipi við Ægisgarð. Við
ætlum okkur líka að bjóða upp á ferðir allt
árið,“ segir Einar.
Nýtt fyrirtæki hefur yfir að ráða hvala-
skoðunarskipunum Hafsúlunni og Eldingu,
ásamt Eldingu II og Gesti sem sinna
sjóstangaveiði og styttri skemmtisiglingum.
Níu af hverjum tíu viðskiptavinum
fyrirtækjanna hafa verið erlendir ferða-
menn á undanförnum árum en Íslendingum
hefur farið fjölgandi, að sögn Einars. Hann
tiltekur þar sérstaklega sjóstangaveiði og
skemmtiferðir enda hefur fyrirtækið haldið
fermingar- og brúðkaupsveislur á hafi úti.
Fyrirtækið mun sækja um fulla umhverf-
isvottun hjá Green Globe í vor og verður þá
með fyrstu hvalaskoðunarfyrirtækjunum í
heiminum til að öðlast slíka vottun.
Reikna með sextíu þúsund farþegum
Tveir helstu forvígis-
menn málfundafélagsins Nýs afls
ætla ekki að gefa kost á sér í
embætti fyrir Frjálslynda
flokkinn á komandi landsþingi.
Þeir Jón Magnús-
son, formaður Nýs
afls, og Höskuldur
Höskuldsson
varaformaður
staðfestu þetta um
helgina. „Ég hef
ekki áhuga á því,“
sagði Jón, en hann
reiknar þó með því
að einhverjir úr
Nýju afli gefi kost á sér til
trúnaðarstarfa.
Samkvæmt upplýsingum
Magnúsar Reynis Guðmundsson-
ar, framkvæmdastjóra flokksins,
hefur Sólborg Alda Pétursdóttir,
kennari í Mosfellsbæ og flokks-
maður frjálslyndra um árabil,
boðið sig fram til ritara.
Ekki í framboði
Angela Merkel, kanslari Þýskalands,
kynnti fyrir helgi formennskuáætlun Þjóðverja í
Evrópusambandinu fyrri helming ársins. Hún sagði
sambandið verða að koma sér saman um aðgerða-
áætlun um það hvernig koma megi til framkvæmda
þeirri uppfærslu á stofnsáttmála sambandsins sem
til stóð að gera með stjórnarskrársáttmálanum
svonefnda, en fullgilding hans strandaði eins og
kunnugt er þegar henni var hafnað í þjóðaratkvæða-
greiðslum í Frakklandi og Hollandi fyrir hálfu öðru
ári.
Merkel lagði enn fremur áherslu á að samningar
tækjust við Rússa um endurnýjun víðtæks við-
skipta- og samstarfssamnings ESB og Rússlands og
að viðræðum á vegum Alþjóðaviðskiptastofnunar-
innar um aukið frelsi í alþjóðaviðskiptum yrði bjarg-
að út úr því öngstræti sem þær hafa festst í til
þessa.
„Umhugsunartíminn er liðinn. Við verðum að
komast að niðurstöðu um það fyrir júnímánuð
næstkomandi hvað gera skuli við stjórnarskrársátt-
málann,“ sagði kanslarinn í fyrstu ræðu sinni fyrir
fulltrúum á Evrópuþinginu. Merkel bætti því við að
Evrópusambandið yrði að draga úr skriffinnsku og
gera ákvarðanatöku skilvirkari.
„Það er allri Evrópu í hag að ljúka þessu ferli
áður en næstu kosningar til Evrópuþingsins fara
fram árið 2009,“ sagði hún.
Viðgerð á CANTAT-3
sæstrengnum, sem gera átti við í
þessum mánuði, hefur verið
frestað.
Veður og sjólag á svæðinu
hefur verið mjög slæmt og því
ekki gefist tækifæri til að hefja
viðgerð á strengnum.
Viðgerðarskipið CS Pacific
Guardian, sem kom á bilunarstað
hinn 15. janúar, heldur nú til
heimahafnar í Bermúda. Þetta
segir í tilkynningu frá Farice.
Vegna frestunarinnar var
strengurinn gangsettur að nýju
til Evrópu hinn 18. janúar
síðastliðinn. Fjarskiptaumferð í
þá átt ætti að vera með eðlilegum
hætti þar til færi gefst á því að
gera við strenginn.
Reiknuðu margir notendur
með truflun vegna viðgerðar.
Viðgerð á sæ-
streng frestað
Hefur þú séð kynlífsmynd-
bandið með Guðmundi í
Byrginu?
Finnst þér að Árni Johnsen eigi
að vera á framboðslista Sjálf-
stæðisflokks í Suðurkjördæmi?