Fréttablaðið - 23.01.2007, Blaðsíða 22

Síðustu ár hefur sýklalyfjanotk-
un barna aukist umtalsvert,
sem getur haft mjög alvarlegar
afleiðingar í för með sér þegar
horft er til framtíðar. Vilhjálmur
Ari Arason læknir segir mikil-
vægt að snúa þróuninni við.
Vilhjálmur segir það allt of
algengt að börnum séu gefin
sýklalyf af minnsta tilefni þegar
betra væri að bíða og sjá til hvort
þau jafni sig ekki af sjálfsdáðum.
„Auðvitað er þetta í góðri trú en
afleiðingarnar geta verið mjög
alvarlegar,“ segir hann.
Alvarlegasta afleiðing ofnotk-
unar sýklalyfja er sýklalyfja-
ónæmi en einnig benda rannsókn-
ir til þess að börn sem hafa fengið
sýklalyf við sýkingum eins og
eyrnabólgu séu líklegri til þess að
fá hana aftur og aftur en börn sem
eru látin jafna sig án meðhöndlun-
ar. „Við sjáum það best með því að
mæla tíðni á röraísetningum, sem
er reyndar miklu meiri hér en
annars staðar. Það er allt upp í að
tæplega helmingur barna fái rör í
eyrun eins og í Vestmannaeyjum.
Þar sem betur hefur verið passað
upp á sýklalyfjagjöf hefur hins
vegar verið hægt að snúa þessu
við. Sýklalyfjaónæmi er líka mjög
alvarlegt vandamál þegar horft er
til framtíðar og slæmt ef við erum
að tapa því frá okkur að geta notað
sýklalyfin þegar mikið liggur
við.“
Algengt er hérlendis að sögn
Vilhjálms að börn séu komin aftur
í leikskólana um leið og þau eru
orðin hitalaus þó að þau séu ennþá
á sýklalyfjakúrum. „Eftir sýkla-
lyfjakúra blómstra ónæmar bakt-
eríur og komast frekar að slím-
húðinni og börn sem eru nýbúin
að taka sýklalyf bera þessar bakt-
eríur í ákveðinn tíma. Bakteríurn-
ar bera þau jafnvel til annarra
barna, sem hafa ekki verið á
sýklalyfjum og í leikskólum og á
öðrum stöðum þar sem börn eru
mikið saman grasserar þetta. Á
Norðurlöndunum og annars stað-
ar þekkist það ekki að börn séu
sett í leikskóla á sýklalyfjakúrum.
Þó að foreldrar haldi að það sé í
lagi að setja barn í leikskóla þegar
það er komið á sýklalyf því það sé
hætt að smita, er það ekki rétt því
þá er það bara að bera með sér
aðra og ónæmari stofna.“
Vilhjálmur telur mikilvægt að
læknar og foreldrar vinni saman
að því að minnka sýklalyfjanotk-
un barna. „Börn eru ekki þrýsti-
hópur svo foreldrarnir verða að
vera það. Ungir foreldrar eru
kannski ekki í bestu aðstöðunni til
þess að láta heyra í sér því þetta
fólk er í klemmu gagnvart vinnu-
veitendum og frítökurétturinn er
takmarkaður, þannig að það er
gífurleg pressa. Ég hugsa að það
endurspeglist svolítið í því hve
mikið álag er orðið á læknavaktir.
Veik börn koma varla á daginn
lengur heldur alltaf á kvöldin og
um helgar og eru kannski aldrei
hjá sama lækni. Oft er mikill
þrýstingur frá foreldrum á að
skrifað sé upp á sýklalyf handa
börnunum þar sem þeir eru
hræddir um að þurfa að vera
mikið frá vinnu. Áherslan ætti
náttúrlega að vera á að foreldrar
eigi greiðan aðgang að sínum
lækni á daginn og fái frí frá vinnu
til þess að fara með börnin til
læknis. Foreldrar ættu einnig að
geta verið heima hjá börnum
sínum ef þau eru veik svo að þau
fái tíma til þess að jafna sig af
sjálfsdáðum.“
Sýklalyf auka hættu á
endurteknum sýkingum
Útsala
20-50% afsláttur
Langholtsvegi 111, 104 Rvk. Sími 568 7900
Opið virka daga 11-18, laugardaga 11-16
30% afsláttur af rúmum
Nýtt kortatímabil
Baðsloppar
20% afsláttur
Handklæði
30% afsláttur
Rúmteppasett
20-40% afsláttur
Sængurfatnaður
20% afsláttur
rafstillanleg og hefðbundin.
Kínastofan • Stórhöfði 17 110 Rvk • S. 577 7007
Andlitslyfting
Nýtt
!
sem tekur
einungis 30 mín.
Verð 4.900 kr.
Tilboðsverð
2.900 kr
ef þú pantar í dag
Mælt er með
3-6 skiptum
til að ná
hámarksárangri.