Fréttablaðið - 07.03.2007, Qupperneq 12

Erna Hauksdóttir,
framkvæmdastjóri Samtaka
ferðaþjónustunnar (SAF), segir að
„hugleiðing“ eða „skilaboð vegna
verðlagningar 2006“ sem minnst
er á í fundargerðum SAF hafi
aldrei verið send til félagsmanna í
fréttabréfi.
Þess í stað hafi verið ákveðið
að halda námskeið í tekjustýringu
og gengistryggingu fyrir hótel
innan samtakanna. „Síðan höfum
við ugglaust spjallað um þetta á
fundum, ég man þetta ekki, þetta
er fyrir svo löngu síðan,“ segir
Erna.
Í fundargerð frá apríl 2005
kemur fram að stjórnarformaður
SAF hafi haft áhyggjur af gengis-
þróun og fáum bókunum og „ræddi
hvort ekki þyrfti að senda félags-
mönnum einhver skilaboð vegna
verðlagningar 2006. Tóku stjórn-
armenn undir það. Var ákveðið að
senda hugleiðingu í fréttabréfi.“
Erna segist hafa leitað í frétta-
bréfum að téðri hugleiðingu, en
ekkert fundið. „Enda færum við
aldrei að senda eitthvað sem brýt-
ur í bága við lög, í fréttabréfi sem
fer inn á alla fjölmiðla, allar ríkis-
stofnanir, ráðuneyti og Neytenda-
samtökin.“
Húsleit Samkeppnisstofnunar
kom Ernu mjög á óvart, „því hér
erum við löghlýðin eins og félög
kappkosta að vera yfirleitt“.
Erna segir starfsemi SAF mið-
ast við að gera fyrirtækin hæfari
til að keppa á alþjóðamarkaði. Það
sé meðal annars gert með fyrr-
greindu fræðslustarfi.
Hugleiðingin var aldrei send
Endurskoðandi sem
kom að stofnun einkahlutafélags-
ins Fjárfars gagnrýndi Tryggva
Jónsson, einn ákærðu í málinu,
harðlega þegar hann bar vitni í
Baugsmálinu í gær. Hann sagði að
settur hefði verið á svið leik-
þáttur sem hann hefði ekki
ímyndað sér að hann væri
að taka þátt í.
Margt virðist á huldu
með Fjárfar, en nokkuð
rofaði til þegar fyrrum
stjórnarformaður, end-
urskoðandi og hluthaf-
ar voru leiddir fyrir Hér-
aðsdóm Reykjavíkur sem vitni í
Baugsmálinu í gær. Fjárfar kemur
við sögu í þremur ákæruliðum þar
sem Jón Ásgeir Jóhannesson er
meðal annars ákærður fyrir ólög-
mætar lánveitingar frá Baugi.
Sækjandi í málinu heldur því fram
að Jón Ásgeir hafi í raun stjórnað
Fjárfari.
„Það er eins og þetta hafi allt
verið sviðsett,“ sagði Aðalsteinn
Hákonarson, fyrrverandi endur-
skoðandi hjá KPMG. Hann kom að
stofnun Fjárfars árið 1998 að beiðni
Tryggva Jónssonar, sem var aðstoð-
arforstjóri Baugs.
Aðalsteinn sagði að hann hefði
treyst Tryggva, sem var á þeim
tíma stjórnarformaður Fjármála-
eftirlitsins, til að sjá til þess að
hlutafé í Fjárfari yrði greitt. Það
hefði ekki gengið eftir.
Spurður um eigendur fyrirtæk-
isins, sem hann hélt að væru hjónin
Eiríkur Sigurðsson og Helga Gísla-
dóttir, sagðist Aðalsteinn eingöngu
hafa verið í sambandi við Tryggva.
„Hann sagði mér að ekki þýddi að
ræða við formlega stofnendur, þeir
væru bara leppar í þessu,“ sagði
Aðalsteinn.
Helgi Jóhannesson lögmaður
var stjórnarformaður Fjárfars frá
árslokum 1999 til byrjunar árs
2002. Hann sagði í gær að í ljós
hefði komið að raunverulegur eig-
andi hluta þess hlutafjár sem Fjár-
far var skráð fyrir hefði verið Ingi-
björg Pálmadóttir, sambýliskona
Jóns Ásgeirs, og talsverð
vinna hefði farið í að aðskilja
þau bréf frá raunverulegum
eignum Fjárfars.
Fram kom í máli
Helga að öll hans sam-
skipti vegna Fjár-
fars hefðu verið við
Kristínu Jóhannes-
dóttur, fram-
kvæmdastjóra Fjárfestinga-
félagsins Gaums,
fjölskyldufyrirtækis Jóns Ásgeirs.
Hún hefði sagt sér að upplýsingar
hennar væru komnar frá Jóni
Ásgeiri, sem hefði einnig tekið
ákvarðanir fyrir félagið. Helgi
sagði að hann hefði ekki vitað
hverjir voru hluthafar í upphafi, en
það hefði komið í ljós síðar.
Í ársreikningi Fjárfars fyrir árið
1999 kemur fram að í árslok 1999
hafi eigandi yfir 90% hlutafjár í
Fjárfari verið Helga Gísladóttir,
sem átti 10-11 verslanakeðjuna til
ársins 1999 ásamt eiginmanni
sínum. Helgi sagðist hafa fengið
staðfestingu Helgu um það.
Helga og Eiríkur komu einnig
fyrir dóminn í gær. Helga sagðist
ekki skilja hvers vegna hún hefði
verið sögð eiga yfir 90% hlut í Fjár-
fari, hún hafi aldrei átt hlut í félag-
inu. Eiríkur sagði þó að í árslok
2000 hefðu þau gert Jóni Ásgeiri
þann greiða að leyfa honum að skrá
þau sem eigendur Fjárfars í um
það bil þrjár vikur, en á máli hans
mátti skilja að það hafi verið
sýndargjörningur.
Leppar stofn-
uðu Fjárfar
Settur var á svið leikþáttur við stofnun einkahluta-
félagsins Fjárfars, og eigendur þess voru aðeins
leppar, samkvæmt endurskoðanda félagsins.
BAUGS M Á L I Ð