Fréttablaðið - 19.05.2007, Blaðsíða 37

Belgrad er ein elsta borg Evr-
ópu. Borgin er í örum vexti og
þar er meðal annars stærsta
rétttrúnaðarkirkja heims.
Eurovision-keppni næsta árs verð-
ur haldin í Belgrad í Serbíu. Borg-
in er þekkt fyrir líflegt næturlíf
og eru margir barir opnir fram á
morgun. Borgin ætti því að henta
Eurovision-förum vel, sama hvort
þeir eru að fagna góðu gengi eða
drekkja sorgum sínum.
Belgrad var stofnuð af keltum á
þriðju öld fyrir Krist og er hún ein
elsta borg Evrópu. Síðar varð hún
að rómversku nýlendunni Singidun-
um en slavneska nafnsins Belgrad
er fyrst getið árið 878. Nafnið þýðir
hvíta borgin.
Belgrad hefur í gegnum tíðina
verið hlið milli austursins og vest-
ursins. Sem slík hefur hún oftar en
ekki lent í stríði mitt á milli stór-
velda úr austri og vestri. Tyrkir
börðu á borgarbúum á miðöldum,
Ungverjar í fyrri heimsstyrjöldinni
og bæði möndulveldin og banda-
menn í síðari heimsstyrjöldinni.
Í dag er borgin í hröðum vexti.
Eftir hörmungar borgarastríðsins á
tíunda áratug síðustu aldar er efna-
hagurinn að ná sér á strik og kemur
um þriðjungur þjóðartekna Serbíu
frá borginni.
Í Belgrad er stærsta rétttrúnað-
arkirkja heims, kirkja heilags Sava.
Safn borgarinnar hýsa muni eins
og eitt elsta handrit heims ritað á
serbnesku og brak bandarísku F-
117 stealth-þotunnar sem skotin
var niður í borgarastríðinu. Þetta
er í eina skiptið sem slíkri flugvél
hefur verið grandað.
Árlega fer fram fjöldi listahátíða
í Belgrad og er borgin óðum að ná
fyrri styrk á sviði menningar, lista
og íþrótta og mun söngvakeppnin,
hvað svo sem fólki finnst um hana,
verða enn ein skrautfjöðurin í öfl-
ugt menningarlíf.
Hvíta borgin Belgrad
MasterCard
Mundu
ferðaávísunina!