Fréttablaðið - 19.05.2007, Blaðsíða 81

www.uu.is
Heillandi heimsálfa hinumegin á hnettinum
Hvítar strendur, kristaltær sjór,
falleg kóralrif, regnskógar og
ómótstæðileg náttúra er bara
brotabrot af því sem bíður þín
hinumegin á hnettinum.
Spennandi stórborgir og áhuga-
verðar byggingar í bland við
fjölbreytt mannlíf er meðal þess
sem ber að líta í ferðinni sem
hefst í Melbourne. Ferðin er
farin á góðum tíma þegar
ástralska vorið er að byrja og
allt er í blóma. Hver dagur er
ævintýri út af fyrir sig þar sem
þú upplifir alltaf eitthvað nýtt,
hvort sem það er heimsborgin
Melbourne, afskekktasti bær
veraldar Alice Spring, heilagur
staður frumbyggjanna Ayers
Rock eða hið eilífa óperuhús
í Sydney.
ÚRVAL ÚTSÝN ~ LÁGMÚLA 4 ~ 108 REYKJAVÍK ~ SÍMI 585 4000 ~ FAX 585 4065 ~ INFO@UU.IS
Ferðaskrifstofa
Leyfishafi
Ferðamálastofu
Þóra Valsteinsdóttir
er fararstjóri með áratuga
reynslu. Hún mun leiða
hópinn í gegnum ferðina
eins og henni einni er lagið.
471.200 kr.
á mann í tvíbýli
Innifalið: Flug, gisting með morgunverði,
tveir kvöldverðir, akstur, aðgangseyrir á söfn,
innanlandsfl ug í Ástralíu, fl ugvallarskattar
og íslensk fararstjórn.
30. OKTÓBER–18. NÓVEMBER 2007
Síðastliðinn sunnudag lést ein fræg-
asta tískudrottning heims, hin breska
Isabella Blow, sem hefur verið talin
ein sérvitrasta og framúrstefnu-
legasta konan innan tískuheimsins.
Það var hún sem kom til dæmis Al-
exander McQueen, Philip Treacy,
Stellu Tennant og Sophie Dahl á kort-
ið og sat fremst á öllum tískusýn-
ingum um heim allan. Isabella Blow
var aðalsborin og og flutti til New
York ung að árum. Þar byrjaði hún
að vinna hjá Guy Laroche en varð
svo aðstoðarkona Önnu Wintour, rit-
stýru bandaríska Vogue. Tíu árum
síðar flutti hún aftur til London og
varð tískuritstjóri Tatler og Sunday
Times Style blaðsins. Hún hóf far-
sælt samstarf með hattahönnuðinum
Philip Treacy og eftir sú kynni birt-
ist hún aldrei opinberlega án þess að
bera brjálæðislegan hatt á höfðinu.
Þegar hún var eitt sinn spurð í viðtali
af hverju hún væri alltaf með hatt
svaraði hún með sínum sérvitrings-
lega hætti: „ Til þess að halda fólki
í burtu frá mér. Fólk segir, „Má ég
kyssa þig?“ Og ég svara „ Nei takk
kærlega fyrir.“ Þess vegna er ég allt-
af með hatt. Bless. Mig langar ekki
til þess að allir kyssi mig. Bara fólkið
sem ég elska.“ Isabella Blow var gift
listabraskanum Dietmar Blow en þau
eignuðust aldrei börn. Hún veiktist
af krabbameini í legi fyrir rúmu ári
síðan og hafði hrakað mikið undan-
farið, en við krufningu uppgötvað-
ist að hún hafði kosið að binda enda
á þjáningar sínar með illgresiseitri.
Hennar var minnst í íburðarmikilli
jarðarför í London á fimmtudag þar
sem hún var borin í glerkistu á hest-
vagni líkt og Mjallhvít í ævintýrinu.
Mikið hefur verið fjallað um dauða
hennar í bresku pressunni og fjöldi
minningargreina hefur birst í virt-
um miðlum þar sem öllum ber saman
um að hún skilji eftir sig mikið tóma-
rúm á bresku tískusenunni. Eins og
vinur hennar Philip Treacy skrifaði
henni til minningar: „ Hún var hefð-
arborin en var pönkari í hjarta sínu.“
Ofurstílistinn Isabella Blow kveður