Fréttablaðið - 19.05.2007, Qupperneq 74

Öllum finnst gaman
að heyra af óförum
annarra, svo lengi
sem enginn hafi
slasast alvarlega eða
dáið. Þetta á sérstak-
lega við um ríkt fólk
sem ofmetnast hefur
vegna allra núllanna á
launamiðanum.
Þetta er algild staðreynd og þar
sem það er laugardagur og allir
ættu að vera í stuði fyrir skemmti-
legar ófarir ætla ég að segja smá
sögu. Ég þarf því miður að sleppa
nöfnum af ótta við málsóknir og
hefndaraðgerðir.
Oft vill verða að þeir sem
stofna lítil fyrirtæki sem vaxa
hratt verða hrikalega góðir með
sig og þykjast vita allt betur en
fólkið í kringum þá. Einn slík-
ur fór með starfsmenn fyrirtæk-
is síns í heimsókn í systurfyrir-
tæki. Þeir fengu leiðsögn um allt
fyrir tækið og flestir hlustuðu af
mikilli athygli á það sem fram
fór. Svo fór að styttast í annan
enda heimsóknarinnar og komið
var inn í stóran sal þar sem hlýða
átti á stuttan fyrirlestur áður en
matur yrði borinn á borð.
Forstjórinn góði tók eftir því
að einn í hópnum góndi út í loftið
og var ekkert að fylgjast með. Til
að gera langa sögu stutta brjálað-
ist forstjórinn, rauk í strákinn og
spurði af hverju hann væri ekki
að fylgjast með. Áður en strákur-
inn gat stamað upp svarinu spurði
forstjórinn hvað hann væri með í
laun á mánuði. Strákurinn svar-
aði að það væru 40 þúsund krón-
ur. Forstjórinn beið ekki boðanna
heldur reif upp veskið, tíndi til 40
þúsund krónur sem hann skellti
í lófann á stráknum og öskraði á
hann að hann væri rekinn.
Greyið hrökklaðist út og eftir
stóð forstjórinn agalega ánægð-
ur með að hafa sýnt vald sitt.
Hann tók hins vegar eftir því að
einn og einn í hópnum þurfti að
bæla niður hlátur. Hann rauk því
í næsta flissandi mann og spurði
hvað í ósköpunum væri svona
fyndið?
Hann fékk einfalt svar: Þú varst
að „reka“ pítsusendilinn.
Hvanneyri · 311 Borgarnes
Sími 433 5000 · www.lbhi.is
Í búvísindanámi við Landbúnaðarháskóla Íslands er
lögð áhersla á raunvísindagreinar, námskeið á sviði
jarðræktar og búfjárfræða og rekstrar- og tækni-
greinar. Markmiðið er að undirbúa nemendur fyrir
viðfangsefni og störf sem tengjast ræktun lands og
landbúnaðarframleiðslu ásamt því að leggja grunn að
framhaldsnámi og fræðistörfum á sviði búvísinda.
Nám til BS-prófs veitir undirbúning fyrir margvísleg
störf sem tengjast landbúnaði við ráðgjöf, kennslu og
rannsóknir. Einnig nýtist námið vel sem undirbúning-
ur fyrir rekstur búa og störf hjá fyrirtækjum sem
þjóna landbúnaði og atvinnurekstri í dreifbýli.
Tveggja ára starfsmiðað meistaranám í framhaldi af
BS- gráðu eykur hæfni fólks til starfa við leið-
beiningarþjónustu landbúnaðarins þar sem kröfur um
menntun fara vaxandi. MS-próf uppfyllir menntunar-
kröfur fyrir störf landsráðunauta.
Nánari upplýsingar er að fá á vef LbhÍ – www.lbhi.is
Umsóknarfrestur er til 4. júní.
Búvísindi