Fréttablaðið - 24.05.2007, Side 56

Fyrsta tölvan sem
ég eignaði mér hét
Amstrad en hana
hafði frændi minn
fengið í fermingar-
gjöf einhvern tíma
á áttunda áratugn-
um. Henni fylgdi þykk
gormabók með forskriftum sem
fylgja mátti til að láta skjáinn
skipta um lit – og ef maður var
verulega þolinmóður gat maður
látið lítinn kall hlaupa yfir skjá-
inn með því að skrifa upp fjórar
síður af kóða. Þessi tölva kenndi
mér mikla þolinmæði og hjálpaði
mér að ná upp miklum vélritunar-
hraða sem nýtist mér enn á hverj-
um degi. Í hana var einnig hægt að
stinga kasettum (og bíða í korter)
eftir að leikir hlæðust inn á hana.
Í þeirri tölvu skaut ég niður mörg
illmenni, setti heimsmeistaramet í
sleggjukasti og tapaði oft í tvívíð-
um kappakstri.
Ég las á dögunum að helstu
sóknarfæri tölvuleikjaframleið-
enda væru hjá framtíðar eldri
borgurum. Ég verð vonandi einn
þeirra. Þó ég leiki mér ekki mikið í
tölvunni núna hlakka ég til að taka
fram stýripinnann aftur. Ég hef
reynt að ímynda mér með hvern-
ig leikjum við gamla liðið eigum
eftir að drepa tímann. Verður
rykið bara dustað af Pac-Man eða
munum við bregða okkur í hlut-
verk smekkbuxnadvergsins Super
Mario?
Eða verðum við kannski föst inn
í veruleika Eve Online sem í dag
virðist töluvert meira spennandi
en spilakvöld á Grund? Verður
kannski hægt að hekla á netinu?
Ég get ekki ímyndað mér um
hvað leikirnir munu snúast en það
verður ábyggilega heljarinnar
fjör í framtíðinni. Reyndar verð-
ur ábyggilega eftirsóknarvert að
vera gamall, fólk hlýtur brátt að
fá leiða á þessari æskudýrkun.
Ég er af mjög fjölmennri kynslóð,
fædd á ári barnsins, og þegar sú
kynslóð verður loksins komin með
eitthvert eiginlegt mótunarvald
mun hún í krafti stærðar sinnar
koma því til leiðar að það sé svalt
að eldast. Og þá verð ég vonandi
á notalegu vistheimili með Ice-T í
eyrunum að spila Tetris.
Stæsta bloggsamfélagið á Íslandi
Viltu breyt’eikkurru?
Ný útlit · Myndaalbúm · Símablogg
Ný útlit í viku
hverri!
Búðu til eigið útlit
eða veldu tilbúið!
Viltu sýn’eikkað?
Ný útlit · Myndaalbúm · Símablogg