Fréttablaðið - 24.05.2007, Blaðsíða 69

Hinn fullkomni glæpur hefur lengi
heillað framleiðendur í Hollywood
og nægir þar að nefna Dial M for
Murder eftir meistara Hitchcock.
Siðferðispostularnir sem öllu
stjórna bak við tjöldin í kvikmynda-
borginni koma þó yfirleitt í veg
fyrir að slíkt nái brautargengi enda
er það ekki kvikmyndinni til fram-
dráttar að glæpamenn komist upp
með verknað sinn.
Fracture kemst ansi nærri því að
láta formúluna virka. Myndin segir
frá verkfræðingnum Ted Craw-
ford sem kemst á snoðir um fram-
hjáhald ungrar eiginkonu sinnar
með gíslatökusamningamanninum
Rob Nunally. Crawford ákveð-
ur að launa konu sinni lambið gráa
og skýtur hana. Málið virðist borð-
leggjandi fyrir saksóknarann Willy
Beachum, sem hyggst ganga til
liðs við einkarekna lögmannastofu.
Játning liggur fyrir og verkfræð-
ingurinn hyggst verja sig sjálfur
fyrir dómi. En Crawford lumar á
nokkrum trompum uppi í erminni
sem eiga eftir að gera málarekstur-
inn ögn flóknari en Beachum hafði
gert ráð fyrir.
Leikstjórinn Gregory Hoblit
sýndi það með Primal Fear að hann
hefur hæfileikann til að stjórna
„flóknum“ söguþræði og bregst
ekki bogalistin að þessu sinni.
Fracture byggist að mestu leyti á
samskiptum Beachum og Crawford
og gengur sá hluti myndarinnar
fullkomlega upp, er bæði útsmog-
inn og hnyttinn. Aðrar persónur eru
nánast óþarfa krúsídúllur. Sumar
draga jafnvel myndina niður að
undanskildum ríkissaksóknaranum
Joe Lobruto í meðferð gæðaleikar-
ans Davids Strathairn.
Ted Crawford er sem leir í hönd-
unum á Anthony Hopkins. Þetta er
hlutverk sem hann veldur manna
best og fáir komast með tærnar þar
sem hann hefur hælana í að leika
miðaldra, sjálfsörugga en snarbil-
aða menn. Ryan Gosling virkar vel
í hlutverki hins sjálfumglaða Bea-
chum sem fær kærkomna rass-
skellingu og áttar sig á sjálfhverfu
sinni og ofuregói.
Fracture er á köflum skemmti-
lega skrifuð sakamálamynd þar
sem samleikur þeirra Hopkins og
Goslings slær allt annað út. Plottið
gengur ágætlega upp þó að hver
sem er gæti ef til vill sagt fyrir um
lokin.
Ágætis Hopkins-spennumynd