Fréttablaðið - 05.06.2007, Qupperneq 11

Slökkviliðin í landinu
hafa ýtt úr vör sérstöku forvarnar-
verkefni í samstarfi við Eignar-
haldsfélagið, Brunabótafélag
Íslands og leikskólana. Markmið
verkefnisins er að auka öryggi á
leikskólum og heimilum barnanna.
Verkefnið fer þannig fram að
slökkviliðin heimsækja leikskólana
tvisvar á ári. Gengið er úr skugga
um að eldvarnir á leikskólunum séu
eins og best verði á kosið og elstu
börnunum verður veitt fræðsla um
eldvarnir. Nýleg könnun sýnir að
eldvörnum á íslenskum heimilum
er ábótavant og í verkefninu verða
foreldrar og forráðamenn barn-
anna minntir á mikilvægi þess að
eldvarnir heimilisins séu í lagi.
Verkefnið var kynnt á leikskól-
anum Norðurbergi í Hafnarfirði í
liðinni viku og börnin þar kunnu vel
að meta heimsókn slökkviliðsmann-
anna.
Þúsundir kröfðust stjórnar-
farsbreytinga í Kína í gær við minn-
ingarathöfn til heiðurs fórnarlömb-
um ofbeldisins á Torgi hins himneska
friðar 4. júní árið 1989.
Syrgjendurnir, sem sumir voru
viðstaddir harmleikinn, minntust
þess að átján ár voru liðin frá því að
kínverski herinn bældi niður mót-
mæli námsmanna og verkafólks með
hervaldi. Mörg hundruð fórust í
átökunum.
„Hver getur ábyrgst að svona
endurtaki sig ekki?“ sagði einn af
þeim sem lifðu átökin af. Annar
benti á að minningu þessa hörmungar-
atburðar hefði ekki verið haldið
nægilega á lofti.
Átján ár liðin frá
harmleiknum