Fréttablaðið - 05.06.2007, Page 16

fréttir og fróðleikur
Áfengisneysla á knatt-
spyrnuleikvöngum hefur
verið til umræðu að undan-
förnu, bæði hér á landi
og erlendis. Boðið er upp
á áfengi í samkvæmissal
Laugardagsvallar er leikir
fara fram, þrátt fyrir að
opinberlega sé auglýst
að áfengisneysla sé með
öllu óheimil. Danir íhuga
strangt eftirlit.
Í kjölfar árásar 29 ára gamals karl-
manns á þýska dómarann Herbert
Fandel, undir lok leiks Dana og Svía
á Parken-leikvanginum í Kaup-
mannahöfn, hafa vaknað spurningar
um eftirlit með áfengisneyslu á
leikvöngum. Danska knattspyrnu-
sambandið hefur krafist þess að
eftirlit verði hert; áfengið skuli
víkja fyrir auknum öryggiskröfum.
Maðurinn, sem danskir fjölmiðlar
hafa forðast að nafngreina af ótta
við að hann verði fyrir aðkasti, seg-
ist ekki muna eftir atburðinum þar
sem hann hafi líklega verið búinn
að drekka fimmtán til tuttugu bjóra
þegar atvikið kom upp.
Knattspyrnusamband Evrópu,
UEFA, og Alþjóðaknattspyrnusam-
bandið, FIFA, hafa þá skýru stefnu
að banna áfengissölu og áfengis-
neyslu á leikvöngum. Reglurnar ná
til drykkja sem eru með 2,6 prósent
áfengisstyrkleika eða meira. Sér-
samböndin víðs vegar um heim,
sem gert er að fara eftir reglum
alþjóðasambandanna, fara ekki öll
eftir þessum reglum og hefur
Knattspyrnusamband Evrópu til að
mynda gert athugasemdir við að
Danir selji bjór á leikvöngum, en
ekki pilsner, eins og leyfilegt er
samkvæmt reglunum.
Vandinn á sér rætur í menningar-
legum mun milli þjóða. Danir vilja
margir hverjir horfa á boltann með
bjór í hendi, líkt og Þjóðverjar,
Bretar og ýmsir fleiri. Erfiðlega
hefur gengið að samræma þetta
stefnu alþjóðasambandanna en
mikill árangur hefur þó náðst á und-
anförnum árum.
Reglur alþjóðasambandanna
byggjast á því að áfengisneysla á
leikvöngunum geti skapað óöryggi
og jafnvel valdið uppþotum, enda
stutt í spunann hjá mörgum knatt-
spyrnuáhangendum þegar leikirnir
fara fram. Stefnan er skýr en fram-
fylgni reglnanna er um margt
óljós.
Knattspyrnuleikvangar eru oft á
tíðum gríðarlega stór mannvirki og
innan þeirra rýmast stundum ráð-
stefnusalir, veitingahús, verslanir,
hótel og þar til gerðir samkvæmis-
salir.
Þó að Laugardalsvöllur sé smár í
alþjóðlegum samanburði, með sæti
fyrir 7.000 áhorfendur, hefur nýlega
verið tekinn í notkun samkvæmis-
salur þar sem áfengi hefur verið
veitt. Fyrir þessu hafa íþróttafélögin
sem nýta Laugardalsvöll, Fram og
Valur, staðið auk þess sem Knatt-
spyrnusambandið heldur slík boð
reglulega, meðal annars þegar
landsleikir fara fram.
Þetta þýðir, þegar öllu er á botn-
inn hvolft, að áfengi er í boði á
Laugardalsvelli fyrir útvalda boðs-
gesti í samkvæmissalnum á meðan
nokkuð strangt eftirlit er með því
að almennir áhorfendur fari alls
ekki með áfengi inn á völlinn auk
þess sem óheimilt er að selja áfengi
á vellinum sjálfum. „Öll meðferð
áfengis er óheimil,“ segir meðal
annars á auglýsingum Knattspyrnu-
sambandsins fyrir landsleiki.
Formaður Knattspyrnusambands
Íslands, Geir Þorsteinsson, hefur
svarað því til að boðin séu hluti af
alþjóðlegri þróun þar sem fótbolt-
inn sé alltaf að verða fyrirferðar-
meiri í alþjóðlegu umhverfi við-
skipta. Boðin séu fylgifiskur þess
þar sem ýmsir velgerðarmenn
knattspyrnuhreyfingarinnar komi
saman til að styðja góðan málstað
og tryggja gott samband við for-
svarsmenn knattspyrnuhreyfingar-
innar.
Mál dönsku bullunnar er líklegt til
þess að hafa afgerandi áhrif á
eftirlit með áfengismálum á knatt-
spyrnuvöllum víðs vegar um heim.
Ekki síst vegna tugmilljóna króna
sekta sem knattspyrnusamböndin
þurfa að greiða komi til fyrr-
nefndra atvika. Þá vegur 3-0 tap
einnig þungt þegar knattspyrnan
er annars vegar, þó líklega sé það
enn sárara fyrir Dani að tapa leikj-
um þegar Svíar eru andstæðingur-
inn heldur en einhver annar.
„Þetta yfirbyggða rými [...] er
ekki hugsað sem áhorfendasvæði
þar sem útvaldir geta verið að
höndla með áfengi,“ lét Þórir
Hákonarson, framkvæmdastjóri
KSÍ, hafa eftir ser í Fréttablaðinu
á föstudag. Daginn eftir bauð sam-
bandið upp á áfengi fyrir útvalda
gesti í samkvæmissalnum, eins og
myndir sem Fréttablaðið hefur
birt sýna.
Hvernig sem málum verður
háttað í framtíðinni má telja lík-
legt að eftirlit með áfengisneyslu
innan vallarsvæðanna verði
strangt eftir atvikið á Parken þar
sem Knattspyrnusamband Evrópu
á eftir að senda aðildarþjóðum
sambandsins skýr fyrirmæli um
hert tök.
Drykkjan undir strangara eftirliti
Express Fer›ir, Grímsbæ, Efstalandi 26, sími 5 900 100 Fer›askrifstofa í eigu Iceland Express
FORMÚLUFERÐIR
Verð á mann í tvíbýli
98.900 kr.
Innifalið: Flug og skattar, rúta til og
frá Silverstone, gisting á St. Giles í
London í 3 nætur, morgunverður og
miði á kappaksturinn.
Nánar á www.expressferdir.is eða í síma 5 900 100
6.–9. júlí.
Þeir sem fylgjast með Formúlunni eru sammála um að Silver-
stone brautin sé ein sú skemmtilegasta í mótaröðinni. Í fyrra
sýndi Alonzo á Renault mikla yfirburði, en á Silverstone getur allt
gerst. Skelltu þér út og fylgstu með Massa, Räikkönen, heimam-
anninum Coulthard og öllum hinum reyna með sér á brautinni.
Gist verður á St. Giles sem er staðsett í miðborg London og
farið í rútu til Silverstone. Ferðalöngum gefst því líka kostur að
njóta lífsins í stórborginni London.
Silverstone
Íslendingar bíræfnir hugbúnaðarþjófar