Fréttablaðið - 05.06.2007, Síða 34

10 sport
Benedikt Guð-
mundsson fer ekki
orðið á Norður-
landamót nema að
koma með gull til
baka. Benedikt,
sem stýrði KR til Íslandsmeistara-
titils í apríl gerði 16 ára lið stráka á
Norðurlandameisturum á NM
unglinga sem fram fór í Svíþjóð á
dögunum. Þetta er annað árið í röð
og í þriðja sinn sem Benedikt gerir
íslenskt lið að Norðurlandameist-
urum.
„Þetta gekk alveg ótrúlega vel.
Það spiluðu bara allir vel og það
var nánast hægt að segja það um
hvern einasta mann að hann ætti
að hafa spilað meira því það var
alveg sama hver kom inn á, það
stóðu sig allir þvílíkt vel. Ég hefði
alveg verið til í að fara með tvö lið
á mótið,“ sagði Benedikt. „Við
gerðum út á það að láta tæknina
sem þessir strákar eru komnir með
njóta sín. Við pressuðum 95 pró-
sent tímans á mótinu. Við reyndum
að hafa leikinn á fullum velli því
við steinlágum í fráköstunum í
hverjum einasta leik og fengum
slatta af stigum á okkur inni í teig.
Þetta er allt öðruvísi lið. Í 1988-lið-
inu höfðum við miklu meiri hæð og
miklu meira kjöt undir körfunni.
Við vorum með góða breidd í mið-
herja- og framherjastöðunum en
þetta lið er nánast eingöngu skipað
bakvörðum,“ sagði Benedikt en
hann gerði 1988-liðið tvisvar að
Norðurlandameisturum, bæði sem
16 ára lið 2004 og sem 18 ára lið í
fyrra.
Strákarnir tryggðu sér gullið
með dramatískum 69-67 sigur á
Svíum en þetta var annar sigur
þeirra á sænska liðinu. Íslenska
liðið tapaði aðeins einum leik á
mótinu, 58-63, í miklum spennuleik
gegn Dönum. Íslensku strákarnir
þurftu að vinna Finna til þess að
komast í úrslitaleikinn og unnu
þann leik með 11 stigum eftir að
hafa lent mest 11 stigum undir.
„Það var erfitt að spila tvo
úrslitaleiki tvo daga í röð en ég var
ekki hræddur um mannskapinn í
svoleiðis kringumstæðum. Þegar
ég vann þetta með 1988 þá var
maður með lykilmenn sem maður
stólaði mikið á. Menn sem voru að
spila 37 mínútur í þessum leikjum
en þetta var mun jafnara lið,“ sagði
Benedikt.
„Ég held að menn séu hættir að
vera hissa og það telst ekki lengur
til stórra tíðinda meðal hinna þjóð-
anna þegar Ísland vinnur Norður-
landamótið. Menn búast alveg eins
við því að Ísland fari alla leið,“
sagði Benedikt, sem hefur spilað
stóra rullu í að koma íslenskum
yngri landsliðum á kortið. „For-
múlan mín í þessum yngri landslið-
um hefur verið að byrja með þessa
stráka snemma. Ég byrja með þá á
séræfingum nokkrum árum áður
en þeir spila á sínu fyrsta Norður-
landamóti.
Ég hef reynt eftir minni bestu
getu að búa til leikmenn og svo er
maður orðinn ágætlega sjóaður í
því að finna út og nýta styrk liðs-
ins. Maður reynir að bæta það upp
að vera með lítið lið með því að
leysa upp leikina og láta tæknina
njóta sín,“ sagði Benedikt að
lokum.
LÉTU TÆKNINA NJÓTA SÍN
Ísland eignaðist á dögunum
Norðurlandameistara í
körfubolta í fimmta sinn
á aðeins þremur árum.
BENEDIKT GUÐMUNDSSON
var að gera lið að meisturum
í þriðja sinn, þar af annað
árið í röð.
EFTIR ÓSKAR Ó. JÓNSSON
Valinn bestur Ægir Þór Steinarsson, fyrir-
liði liðsins og besti leikmaður mótsins.
FRÉTTABLAÐIÐ/SNORRI ÖRN
Ægir Þór Steinarsson leiddi liðið í
stigum, stoðsendingum og stolnum bolt-
um. Ægir var með 14,0 stig að meðaltali,
gaf 6,4 stoðsendingar og stal 3,4 boltum
að meðaltali í leik. Í úrslitaleiknum
meiddist hann illa á ökkla en kom sterk-
ur inn í lokin og skoraði eina risastóra
þriggja stiga körfu á góðum tíma.
Arnþór Guðmundsson var maður
úrslitaleiksins því ekki var nóg með að
hann skoraði 20 stig í leiknum heldur
stal hann boltanum og skoraði sigur-
körfuna fimm sekúndum fyrir leikslok.
Arnþór sýndi mikinn andlegan styrk á
mótinu og var með 13,2 stig, 4,2 fráköst
og 4,2 stoðsendingar að meðaltali í leik.
Enginn leikmaður fiskaði heldur fleiri
villur, en andstæðingar liðsins brutu að
meðaltal 4,6 sinnum á honum í leik.
Haukur Helgi Pálsson var yngsti
leikmaður liðsins en var í mikilvægu
hlutverki sjötta mannsins. Íslenska liðið
vann þær 120 mínútur sem hann spilaði
með 71 stigi og Haukur var með 7,6
stig, 5,2 fráköst og 3,2 stolna bolta að
meðaltali í leik.
Tveir aðrir leikmenn komu líka sterkir
inn af bekknum, Haukur Óskarsson var
með 12,8 stig að meðaltali á aðeins 21,4
mínútum og Tómas Tómasson skoraði
6,6 stig og gaf 2,0 stoðsendingar að
meðaltali á þeim 9,8 mínútum sem hann
spilaði. Tómas nýtti meðal annars 67%
skota sinna, þar af 4 af 7 þriggja stiga
skotum.
Landsliðsbyggðarstrákarnir Þorgrímur
Björnsson og Trausti Eiríksson fengu
það verðuga verkefni að halda aftur af
stóru strákunum í liði andstæðinganna
og skiluðu sínu með sóma. Þorgrímur
var með 6,6 stig, 8,2 fráköst og 2 stolna
bolta að meðaltali í leik en Trausti skor-
aði 5,2 stig, tók 7,2 fráköst og stal 2,0
boltum í leik.
Norðurlandameistarar 2007 16 ára lið Íslands sem vann Norðurlandamótið.
FRÉTTABLAÐIÐ/SNORRI ÖRN
fulleldað, tilbúið á 5 mín.
Heilsubuff
ÁN MSG
SMUR- BÓN OG DEKKJAÞJÓNUSTAN
SÆTÚNI 4 • SÍMI 562 6066
SUMARDEKK
HEILSÁRSDEKK
OLÍS SMURSTÖÐ
BÓN OG ÞVOTTUR
HJÓLBARÐAÞJÓNUSTA
RAGEYMAÞJÓNUSTA
BREMSUKLOSSAR
PÚSTÞJÓNUSTA