Fréttablaðið - 07.06.2007, Síða 20

fréttir og fróðleikur
Notum meira
af hugbúnaði
Vilja fara í kapphlaupið um Hvíta húsið
Söluverð á raforku til
álfyrirtækis hefur loksins
verið gert opinbert. Guð-
mundur Þóroddsson, for-
stjóri Orkuveitunnar, stað-
festi að verðið er rétt um
tvær krónur á kílóvattstund.
Ýmsir möguleikar eru enn
ókannaðir, segir Dagur B.
Eggertsson.
Orkuveita Reykjavíkur hefur
skuldbundið sig til þess að útvega
Norðuráli 100 megavött af raforku
í 25 ár frá áramótum 2010-2011
vegna fyrirhugaðs álvers í Helgu-
vík. Þar með er búið að tryggja
næga orku fyrir álver í Helguvík
en Hitaveita Suðurnesja gekk frá
orkusölusamningi fyrr á þessu ári
sem tryggir fyrirtækinu 60 pró-
sent af orkunni en Orkuveitan
útvegar 40 prósent.
Guðmundur Þóroddsson, for-
stjóri Orkuveitunnar, lét hafa eftir
sér í Fréttablaðinu í gær að sölu-
verðmæti orkunnar á samnings-
tímanum næmi á fjórða tug millj-
arða króna. Í samtali við
Fréttablaðið í gær sagði hann rúm-
lega fjörutíu milljarða vera nær
lagi, og líklega væri 41,5 milljarð-
ur það rétta, að teknu tilliti til allra
þátta. Guðmundur staðfesti síðan
einnig að nýtingartími orkunnar,
það er hversu hátt hlutfall orkunn-
ar er í sölu á ári, væri um 95 pró-
sent en til samanburðar hefur
Landsvirkjun gefið það upp að
hlutfall hjá þeim sé um 90 prósent
í stóriðjusamningum.
Þetta gefur færi á því að reikna út
verð á raforkunni til stóriðju í
fyrsta skipti nokkuð nákvæmlega
og á þeim forsendum geta menn
séð hvort verðið er lágt eða hátt í
samanburði við kjör sem bjóðast
öðrum. Í því samhengi þarf að hafa
í huga að eðlilegt er að álfyrirtæk-
in fái magnafslátt á kaupunum,
vegna stærðar sinnar, og því hvílir
samanburður á raforkuverðinu
alltaf á þeim forsendum.
Verðið á kílóvattstund nemur
rétt rúmum tveimur krónum eða
rúmlega 2.000 krónum á megavatt-
stund. Þetta er rétt tæplega helm-
ingi lægra en grænmetisbændur
greiða fyrir orkuna að meðaltali en
með flutningskostnaði, sem einnig
er inni í orkuverði Orkuveitunnar
til Norðuráls, er verðið, sem græn-
metisbændur greiða, um fjórar
krónur á kílóvattstund.
Svandís Svavarsdóttir, fulltrúi
Vinstri grænna, í stjórn Lands-
virkjunar vék af fundi þegar verð-
ið var til umræðu og sagðist vilja
sitja við sama borð og aðrir lands-
menn, en orkuverði opinberra fyr-
irtækja til stóriðju hefur til þessa
verið haldið leyndu fyrir almenn-
ingi á grundvelli þess að um sam-
keppnisupplýsingar sé að ræða.
„Orkuveita Reykjavíkur starfar
samkvæmt hugmyndafræði sjálf-
bærrar þróunar sem kallar á heild-
stæða nálgun hvers verkefnis sem
ráðist er í. Með því er átt við að
fyrir liggi með skýrum hætti
hversu stórt álver er fyrirhugað að
reisa, á hvaða svæði nákvæmlega
er fyrirhugað að sækja orkuna,
orkuverðið sé kunnugt almenningi
og að fyrir liggi heildstæð áætlun
um verkið og áhrif þess á umhverfi,
samfélag og efnahag,“ segir í
bókun Svandísar.
Guðmundur Þóroddsson lítur
öðruvísi á málið. „Það skiptir tals-
verðu máli fyrir hagkvæmni hita-
veitunnar okkar að framleiða raf-
magn samhliða heitavatns
framleiðslunni. Með þessari sölu
tryggjum við að ný varmastöð á
Hellisheiði með tilheyrandi 30 kíló-
metra hitaveitulögn til borgarinn-
ar mun ekki kalla á hækkun á heita
vatninu.“ Guðmundur lítur því
þannig á málið að samningurinn
tryggi íbúum á höfuðborgarsvæð-
inu aðgang að heitu vatni á lægra
verði en annars hefði verið. Þessu
mati Guðmundar er Dagur B. Egg-
ertsson, fulltrúi Samfylkingarinn-
ar, ósammála. Hann segir vel vera
hægt að tryggja lágt verð á heitu
vatni öðruvísi en að semja um sölu
á raforku vegna fyrirhugaðs
álvers. Mikilvægara hefði verið að
skoða þá möguleika sem í boði eru
betur og meta stöðuna eftir það.
Fyrir liggur að stór tölvufyrirtæki
hafa sýnt því áhuga að reisa hér á
landi netþjónabú sem þurfa mikla
orku. Forsvarsmenn Microsoft
kynntu hugmyndir sínar á dögun-
um en fyrirtæki sem þurfa mikla
orku vegna starfsemi sinnar horfa
í æ ríkari mæli til vistvænna end-
urnýjanlegra orkugjafa. Í máli for-
svarsmanna Microsoft kom fram
að fyrirtækið þyrfti um 30 til 70
megavött af raforku fyrir net-
þjónabúið. Dagur segir orkusölu-
samninga, sem Orkuveitan hefur
gengið frá, ganga of nærri orku-
auðlindunum sem fyrirtækið
hyggst nýta, án þess að kanna til
hlítar þau kjör sem í boði eru. „Það
er margt sem bendir til þess að
tölvufyrirtækin séu tilbúin að
borga meira fyrir orkuna heldur
en álfyrirtækin. Þetta er umhverf-
isvæn starfsemi sem þarf að skoða
betur og mér finnst ekki ábyrgt að
ráðstafa orkunni án þess að skoða
málið almennilega.“
Samfylkingin stefndi að því fyrir
kosningar, og kynnti þá stefnu
fyrir kjósendum, að best væri að
bíða með stóriðjuframkvæmdir í
fimm ár, og nefndi sérstaklega fyr-
irhugað álver á Bakka við Húsavík
í því samhengi og álver í Helguvík.
Þó Dagur hafi verið á móti samn-
ingi Orkuveitunnar við Norðurál
þá virðist sem Samfylkingin ætli
ekki að beita sér að marki fyrir því
að álverin á þessum stöðum verði
ekki að veruleika innan fimm ára
eins og skilja mátti fyrir kosning-
ar. Það gefur vísbendingar um að
flokkarnir hafi sæst á að hægja
ekki á stefnu ríkisstjórnar Fram-
sóknarflokks og Sjálfstæðisflokks,
að minnsta kosti hvað þessa kosti
varðar.
Birting orkuverðs Orkuveitunn-
ar til Norðuráls í Fréttablaðinu í
dag gefur fólki tækifæri til að
skoða hversu mikill gróðinn er á
kostnað náttúrunnar. Loksins, loks-
ins segja eflaust einhverjir enda
hefur lengi verið deilt um það
hvers vegna leynd hvílir yfir orku-
verðinu.
Orkusöluverð loksins opinbert