Fréttablaðið - 07.06.2007, Blaðsíða 81

David Beckham stal
senunni í Eistlandi í gær þegar
Englendingar unnu heima-
menn 3-0. Sigurinn er mikill létt-
ir fyrir landsliðsþjálfarann Steve
McClaren sem hefur legið undir
ámæli að undanförnu. Hann lét
undan miklum þrýstingi og valdi
Beckham í fyrsta sinn í hópinn
fyrir leikinn mikilvæga í gær.
Beckham sannaði endanlega
að McClaren hefði aldrei átt að
skilja hann eftir úti í kuldanum.
Beckham átti virkilega góðan leik,
lagði upp tvö mörk og spyrnur
hans ollu Eistlendingum miklum
vandræðum.
Joe Cole skoraði fyrsta mark-
ið eftir að Peter Crouch stangaði
boltann til hans áður en Crouch
sjálfur skoraði með skalla eftir
sendingu frá Beckham. Michael
Owen skoraði svo þriðja markið
og aftur var Beckham arkitekt-
inn en markið er það fyrsta sem
Owen skorar í heilt ár fyrir lands-
liðið. Niðurstaðan 3-0 sigur fyrir
England en endurkoma Beckham
stendur upp úr.
Englendingar eru enn í fjórða
sæti riðilsins en eiga leik til góða á
Ísrael sem er í öðru sæti, þremur
stigum á undan Englandi. Á milli
þeirra eru Rússar með fimmtán
stig en á toppnum sitja Króatar
með sautján stig.
Dennis Rommendahl sá um
Letta í Riga í gær. Hann skor-
aði tvö mörk með skömmu milli-
bili í fyrri hálfleik og Danir fóru
með bæði stigin í farteskinu heim
á leið. Sigurinn var kærkominn
fyrir Dani eftir vonbrigðin gegn
Svíum á laugardaginn.
Spánverjar gerðu góða ferð til
Liechteinstein og unnu þar sigur
2-0. David Villa skoraði bæði
mörk Spánar í leiknum en brenndi
af vítaspyrnu í uppbótartíma og
missti þar með af þrennunni. Spán-
verjar voru betri á öllum sviðum
fótboltans en leikmenn Liechtein-
stein þóttu sýna af sér fína baráttu
og voru þeir óheppnir að ná ekki
að minnka muninn.
Með sigrinum á Íslandi í gær
tryggðu Svíar sér toppsætið í riðl-
inum en Spánverjar eru í öðru
sæti. Norður-Írar eru í þriðja sæti
og Danir í því fjórða. Þá koma
Íslendingar en Liecthenstein og
Lettar sitja á botninum. Næsta
umferð í riðlinum verður leikin í
september en þá koma Spánn og
Norður-Írar til Íslands.
David Beckham sannaði að
hann á heima í landsliðinu