Fréttablaðið - 07.06.2007, Síða 70

Eva María Jónsdóttir, dagskrár-
gerðarkona með meiru, býður Völu
Matt í mat í Mat og lífsstíl í kvöld.
Eva bakar dýrindis sítrónu- og
möndluköku með heilsusamlegum
formerkjum. „Hún hljómar svo-
lítið heilsusamlega af því að Eva
María notar speltmjöl, síróp og
svo möndlur í staðinn fyrir hveiti,
en hún var bara eins og konfekt,“
sagði Vala og hló við.
„Svo var líka gaman að sjá hvað
Evu Maríu fannst skemmtilegt
að það skyldi ganga að stífþeyta
eggjahvíturnar með sírópinu – hún
var að prófa það í fyrsta skipti, þar
sem hún vildi hafa kökuna hveiti-
og sykurlausa,“ bætti hún við.
Ofn hitaður í 170 gráður. Möndl-
ur fínmalaðar í matvinnsluvél
eða blandara. Setjið smjörpappír
í hringform og smyrjið með smá
smjöri, hveiti dreift yfir og jafnað
í forminu. Afgangi hvolft úr.
Smjör hrært létt og ljóst ásamt
fjórðungi af sírópi. Þrjú egg að-
skilin og rauðum hrært saman
við, einni í senn. Möndlumjöl sett
í skál. Rífið sítrónubörk fínt og
blandið við ásamt helmingi af
sírópinu. Heilu eggjunum hrært
saman við hitt deigið og möndlu-
blöndu hrært saman við. Afgangs
eggjahvítur þeyttar hálfstífar, af-
ganginum af sírópinu bætt í smátt
og smátt og þeytt þar til hvíturn-
ar eru alstífar. Blandið varlega við
deigið með sleikju.
Jafnað í formið og bakað í um
hálftíma, eða þar til prjónn sem
stungið er í miðja köku kemur
hreinn út. Kakan látin kólna aðeins
í forminu, hvolfd á grind og kæld.
Kökuna má bera fram eins og hún
er eða með rjóma og berjum eða
öðrum ávöxtum.
Möndlukaka Evu Maríu
Rithöfundurinn og bók-
verkakonan Áslaug Jóns-
dóttir hefur fisk í miklum
metum. Hún metur gott
hráefni mikils og eldar eftir
eyranu.
Áslaug er lítið fyrir að fylgja upp-
skriftum. „Ég les þær hins vegar
oft. Þá reyni ég svona að finna
bragðið í munninum og sjá hverju
það myndi fara vel með,“ sagði Ás-
laug. Eldamennska hennar hefst
því oft á tíðum á því að skoða hvað
er til í ísskápnum. „Mér finnst mik-
ilvægt að vera ekki svo bundin
við uppskriftir að maður þurfi að
keyra bæinn þveran og endilang-
an til að finna eitthvert eitt krydd
sem vantar. Þá er miklu betra að
nota það sem maður á örugglega
til,“ sagði hún.
Áslaug leggur mikið upp úr því
að nota sem ferskust matvæli og
ræktar meira að segja grænmeti
í samvinnu við systur sínar þrjár.
„Það er hægt að rækta allt, ég hef
ræktað zuccini með góðum árangri,
þó ég eigi ekki gróðurhús með hita.
Og þetta krydd þrífst líka mjög vel
í þessu vota veðri sem við höfum
hér. Það gengur ekkert að rækta
það þar sem appelsínurnar vaxa,“
sagði Áslaug og hló við.
Ferskur fiskur er í hávegum hafð-
ur hjá Áslaugu, sem þykir miður að
svo sé ekki hjá stærri hópi. „Mér
finnst hafið svo spennandi. Þess
vegna fannst manni svo gaman sem
barni að sjá þessar skepnur, sem
maður sá aldrei annars. Þetta voru
bara töfrar,“ sagði Áslaug. „Nú
horfir maður bara á fiskinn í frysti-
kistum í búðum. Mér finnst svo
sorglegt að sum börn hafi hreinlega
aldrei séð spriklandi fisk. Fiskur er
villibráð, sem við erum heppin að
eiga,“ sagði hún.
Nýútkomin barnabók Áslaugar, Ég
vil fisk!, er í samræmi við þá skoð-
un hennar. „Að börnum finnist fisk-
ur ekki góður er bara della,“ sagði
Áslaug. „Ef krakkar vilja frek-
ar pítsu er það af því að við nenn-
um ekki að matreiða fisk fyrir þau
eða gerum það ekki rétt,“ bætti hún
við.
Skerið fiskinn í frekar lítil stykki
þvert á vöðvann. Blandið öllu
saman og veltið fiskinum í kryddi
og olíu. Leggið í ofnfast fat ásamt
mangói og bakið við 200°C í 10-15
mín eða þar til fiskurinn er létt soð-
inn í gegn. Saltið eftir smekk og
berið fram með hrísgrjónum og
gúrku-jógúrtsalati.
Fylgist með fiskinum í ofninum,
hann má ekki vera ofsoðinn.

Franska víngerð-
arkonan Christine
Valette stendur fyrir
Masterclass í vín-
smökkun á vegum
Vínskólans á Hótel
Holti á morgun. „Hún
er mjög þekkt og virt
í Bordeaux,“ sagði
Dominique Pléd-
el, eigandi Vínskól-
ans. Vínbúgarður
Valette, Château Tro-
plong Mondot, er einn
stærsti búgarðurinn í
St. Emilion í Bordea-
ux. „Þetta er ætta-
róðal, hún erfði vínbúgarðinn eftir
foreldra sínum,“ útskýrði Domin-
ique, sem sótti búgarðinn heim í
fyrra.
„Við komum á sunnudagsmorgni,
og á föstudeginum fyrir það kom í
fréttum að vín hennar hefðu hækk-
að um gæðaflokk.
Þar með var hún
komin í næst-
efsta flokkinn,“
sagði Dominique,
sem segir það
frábæran árang-
ur. Í heimsókn-
inni sagði Valette
það vera gamlan
draum að heim-
sækja Ísland,
og úr varð vín-
smökkun föstu-
dagsins. „Ég
myndi segja að
þetta sé flottasta
vínfólk sem hefur komið til lands-
ins hingað til,“ sagði Dominique.
Masterclassinn hefst klukkan
17 á Hótel Holti og er öllum opinn.
Hægt er að skrá sig með því að
senda póst á dominique@vinskol-
inn.is.
Virt víngerðarfólk
heldur Masterclass
Íslensk heimasíða tileinkuð hinni virtu mat-
reiðslukeppni Bocuse D‘Or var sett á laggirn-
ar á dögunum. Að síðunni stendur Bocuse d‘Or
Academie Islande, sem er skipuð mörgum helstu
matreiðslumönnum landsins. Á síðunni verður
hægt að fylgjast með fréttum af keppninni, sem
síðast fór fram í Frakklandi í janúar á þessu ári.
Þá keppti Friðgeir Ingi Eiríksson fyrir Íslands
hönd. Íslenskir matreiðslumenn hafa tekið þátt
síðan árið 1999, þegar Sturla Birgisson var full-
trúi lands og þjóðar og hreppti fimmta sætið.
Keppnin er sú virtasta í bransanum og fer
fram annað hvert ár. Hún hefur verið haldin
síðan 1987. Tuttugu og fjórar þjóðir fá keppn-
isrétt eftir að hafa unnið forkeppnir á sínum
landssvæðum, og komast færri að en vilja. Ekki
er ákveðið hver næsti fulltrúi Íslands verður.
Heimasíða tileink-
uð Bocuse D‘Or
Hvernig væri...
...að halda sushiboð í sumar? Lærðu
að gera sushi, eða fáðu gestina með
þér í lið og setjið saman matinn yfir
fordrykk. Góð kvöldstund og góður
matur. Annars má
alltaf panta sushi-
bakka.
Faldi lifur bak við gólflista