Fréttablaðið - 07.06.2007, Page 78

Akureyringurinn
Jónatan Magnússon upplifði
æskudrauminn fyrir síðasta vetur
er hann gerði atvinnumanna-
samning við franska félagið St.
Raphael. Jónatani hefur gengið
allt í mót síðan og nú ári frá því
hann skrifaði undir er alls óvíst
hvort hann leiki handknattleik á
nýjan leik. Það sem verra er þá
hafa læknar ekki hugmynd um
hvað sé að honum.
„Ég er í tómu tjóni og eigin-
lega alveg ónýtur. Þetta er alveg
ferlegt ástand. Menn geta ekkert
annað sagt við mig lengur hér en
að fara til útlanda. Það veit enginn
hvað er að mér,“ sagði Jónatan
þungur á brún enda hefur ástand-
ið eðlilega tekið sinn toll á honum
og stanslausar ferðir til lækna
sem skila engu niðurdrepandi.
„Ég er búinn að fara í allt og
reyna allt sem hægt er að reyna.
Ég er búinn að fara í segulómskoð-
un, sneiðmyndatöku, beinskanna,
hef hitt þvagfæralækna, það er
búið að athuga með krabbamein
og bara allt. Menn finna ekkert
sem getur orsakað mitt ástand.“
Þegar málið kom upp í Frakk-
landi á sínum tíma töldu þarlend-
ir læknar að Jónatan væri með
bólgur við lífbeinið þar sem hann
er með mestan sársauka. Læknar
hér heima voru á sama máli en
þegar málið var kannað nánar
kom í ljós að svo var alls ekki.
„Það er búið að prófa allan
fjandann og meðal annars bólgu-
eyðandi töflur. Það hjálpaði lítið.
Ég get voða lítið gert án þess að
verkja í kjölfarið og til að mynda
var ég handónýtur eftir að hafa
spilað nokkrar holur í golfi. Ég
er í lagi ef ég geri ekkert. Ég hef
farið á svona 8-10 æfingar frá ára-
mótum og ef ég fer á æfingu get
ég gleymt því að fara aftur næstu
vikuna,“ sagði Jónatan.
Áður en Jónatan fór utan æfði
hann mjög mikið sjálfur og var
ákveðinn að mæta til leiks í
atvinnumennskuna í sínu besta
formi. Hann hafði sjaldan eða
aldrei verið í betra formi þegar
hann fór utan en það hjálpaði
ekkert. „Svo virðist sem þetta
aukna álag og breyting á æfing-
um hafi ekki gert mér gott því
ég meiddist snemma. Ég held að
endurhæfingin í Frakklandi hafi
síðan gert illt verra því mér leið
í raun verr eftir hana,“ sagði
Jónatan sem var í endurhæfingu
með ekki ómerkari mönnum en
Djibril Cisse og Robert Pires.
Þeir fengu bót meina sinna en
það sama verður ekki sagt um
Jónatan.
Akureyri reiknaði með því
að Jónatan léki í þeirra röðum
næsta vetur en það er fátt sem
bendir til þess í dag að Jónatan
leiki handbolta næsta vetur. Þess
utan er hann enn samningsbund-
inn franska félaginu St. Raphael
sem Bjarni Fritzson samdi við á
dögunum.„Ég er að skoða næsta
skref þessa dagana. Ég er að
horfa til Þýskalands með lækna
en það er ekkert ákveðið. Svo
stend ég í þessu einn og er ekki
á vegum neins félags þannig að
þetta kostar skildinginn. Þetta er
ekki auðveld staða né skemmti-
leg fyrir 26 ára gamlan mann sem
ætti að vera að toppa núna en ekki
á góðri leið með að þurfa að leggja
skóna á hilluna,“ sagði Jónatan.
Handknattleikskappinn Jónatan Magnússon hefur verið meiddur frá því í nóvember á síðasta ári. Hann
er búinn að hitta fjölda lækna og sérfræðinga hér á landi og er nákvæmlega engu nær. Næsta skref er að
hitta erlenda lækna en það er kostnaðarsamt. Ekki víst að hann spili handbolta á nýjan leik.
Það hefur ekki gengið
þrautalaust hjá Skallagrími í
Borgarnesi að finna nýjan þjálf-
ara fyrir körfuboltaliðið sitt
en Valur Ingimundarson hefur
ákveðið að taka sér frí frá körfu-
bolta í óákveðinn tíma.
Um síðustu helgi var Banda-
ríkjamaðurinn Peter Hoffman í
heimsókn í Borgarnesi. Skallarnir
gerðu honum tilboð í kjölfarið sem
hann ætlar að svara fyrir helgi.
„Hann var mjög jákvæður og
leist vel á aðstæður. Hann er
farinn heim til að ræða málin
við fjölskylduna og við bíðum
og vonum það besta,“ sagði Haf-
steinn Þórisson, formaður körfu-
knattleiksdeildar Skallagríms, við
Fréttablaðið í gær.
Skallagrímur hefur misst báða
Makedóníumennina sína en hafa
þrátt fyrir það síður en svo lagt
árar í bát. Skallarnir segjast vera
með mjög sterka erlenda menn í
sigtinu en munu ekki semja við
einn né neinn fyrr en gengið hefur
verið frá þjálfaramálunum.
Hoffman er Bandaríkjamaður
með danskt ríkisfang enda búið
í Danmörku í fjórtán ár. Hann
er ágætur vinur Geofs Kotila,
þjálfara Snæfells, enda spilaði
Hoffman undir hans stjórn á
sínum tíma. Það gæti því hjálpað
Sköllunum að Kotila og fjölskylda
býr ekki fjarri Borgarnesi. Kotila
og Hoffman hafa meðal annars
þjálfað saman unglingalandslið
Dana.
Leikmannaferill Hoffmans
er glæsilegur en hann spilaði í
sterkum deildum á borð við þá
spænsku, frönsku og austur-
rísku þar sem hann náði góðum
árangri.
Síðustu fjögur ár hefur
Hoffman þjálfað eitt besta lið
Danmerkur, Horsens, en hann
gerði þá að meisturum fyrir rúmu
ári síðan. Þá lagði hann lið Kotila í
úrslitum um danska meistaratitil-
inn.
Svar frá Hoffman fyrir helgi
Akureyri er með ungan
leikmann frá Lettlandi til skoðun-
ar um þessar mundir. „Mér skilst
að hann sé gríðarlega efnilegur,“
sagði Hannes Karlsson, formaður
handknattleiksdeildar Akureyr-
ar við Fréttablaðið í gær. Bæði
lið erlendis og önnur lið á Íslandi
hafa verið að skoða leikmanninn.
Lettinn er tveir metrar á hæð
og spilar sem rétthent skytta.
Með liði Akureyrar í vetur léku
tveir Lettar, Aigars Lazdins og
Aleksejs Kuzmins.
Ungur Letti til
skoðunar
Handknattleiksmaður-
inn Árni Sigtryggsson hefur hafnað
tilboði sem danska úrvalsdeildarfé-
lagið Álaborg gerði honum. Frétta-
blaðið hefur þetta eftir áreiðan-
legum heimildum. Árni er á leið-
inni frá Haukum en hann er með
tilboð frá liði á Spáni sem hann er
að skoða þessa stundina.
Árni er einnig í viðræðum við
Akureyri, sameinað lið Þórs og
KA. Árni lék á árum áður með Þór
en bróðir hans Rúnar er nú annar
þjálfara Akureyrar. Árni hefur
gefið það út að leiki hann ekki er-
lendis á næsta tímabili gangi hann
í raðir Akureyrar.
Hafnaði tilboði
frá Álaborg
Fer til Svíþjóðar og Noregs á undan Bristol