Fréttablaðið - 08.06.2007, Blaðsíða 16
Óánægja er meðal vaktavinnufólks
með vaktaálag og gildir einu um hvernig vaktir er að
ræða. Óánægjan er greinilegri þegar um vaktaálag á
hátíðar- og stórhátíðarvöktum er að ræða. Þetta er
meðal þess sem ný rannsókn Rannsóknarstofu í vinnu-
vernd sýnir.
Marktækur munur kom fram á heildarlaunum karla
og kvenna. Karlarnir voru að meðaltali með hærri
laun þótt konurnar séu fremur með háskólamenntun.
Hluti af skýringunni getur verið sá að karlar vinni
frekar en konur á helgum og hátíðisdögum. Fleiri
konur en karlar höfðu breytt um starf til að hvíla sig á
vaktavinnunni.
Rúmur þriðjungur þátttakenda sagðist ekki ætla að
vinna vaktavinnu næstu árin og gildir það fremur um
karla en konur. Það sem virðist hvað helst geta fengið
starfsfólk til að breyta þessari afstöðu er að vaktaálag
eða greiðslur verði hækkaðar og vinnutíminn styttur.
Mikil ánægja ríkir með svokallaða óskaleið en
starfsfólk, sem notar þá leið, hefur almennt meiri
möguleika á að skipuleggja vinnutíma sinn en aðrir og
draga þannig úr árekstrum vaktavinnu við fjölskyldu-
líf og vinnutíma.
Niðurstöðurnar byggja á tveimur rannsóknum sem
gerðar voru 2005-2006. Haustið 2006 var spurninga-
listi lagður fyrir 820 starfsmenn í Reykjavík og úti á
landi og voru flestir í vaktavinnu. Svarhlutfall var 80
prósent.
Tilraun til að setja
heimsmet laðaði 1.680 gítarleik-
ara til Kansasborgar í Bandaríkj-
unum á sunnudaginn, til að spila
saman hið eftirminnilega
gítarstef úr laginu „Smoke on the
Water“ með sveitinni Deep
Purple.
Útvarpsstöð í borginni stóð
fyrir viðburðinum og sagði
forsvarsmaður hennar að
fjöldinn væri meiri en nægur til
að slá gamla metið, þar sem 1.323
gítarleikarar léku í sameiningu.
Borgarstjórinn var á staðnum
og var ánægður með tiltækið.
Þetta tiltekna stef var valið
vegna þess að það er jafnan eitt
það fyrsta sem gítarleikarar
læra.
Spiluðu Smoke
on the Water
„Ég er þeirrar skoðunar
að Orkuveitan sé full bráðlát í
þessum samningi, því hann er
háður margvíslegum fyrirvör-
um,“ segir Össur Skarphéðinsson
iðnaðarráðherra um samning
Orkuveitunnar við Norðurál
vegna fyrirhugaðs álvers fyrir-
tækisins í Helguvík.
Eins og greint hefur verið frá í
Fréttablaðinu borgar Norðurál
2,1 krónu á hverja kílóvattstund
af rafmagni samkvæmt samning-
um sem nær til 25 ára. Heildar-
verðmæti Orkuveitunnar vegna
samningsins eru talin nema
rúmum 40 milljörðum króna en
kostnaður við virkjanafram-
kvæmdirnar er áætlaður tæplega
fimmtán milljarðar.
Össur segir það liggja skýrt
fyrir að hálfu ríkisstjórnarinnar
að engin ný virkjunar- eða rann-
sóknarleyfi verði veitt fyrr en
Alþingi hefur formlega samþykkt
niðurstöðu starfshóps sem fái það
verkefni að meta verndargildi
allra náttúrusvæða í landinu.
„Það eru mörg ljón í veginum.
Það þarf að gera umhverfismat á
orkuöflunarsvæðum, og það er
alveg ljóst að það verður ekki
farið inn á óspjölluð svæði nema
Alþingi samþykki það,“ segir
Össur.
Raforkuverð við opnun nor-
ræna orkumarkaðarins Nordpool
í gærmorgun var það sama og
samist hefur um milli Orkuveit-
unnar og Norðuráls, eða 2,1 króna
á kílóvattstund. Líklegt má þó
telja að orkuverðið hækki um
nærri 30 til 40 prósent á næsta ári
vegna umhverfisskatta sem fel-
ast í því að fyrirtækin borgi fyrir
að menga.
Um verðið á raforkunni, 2,1
krónu á kílóvattstund, segir Össur
að menn þurfi að meta það sjálfir
hvort það sé gott eða slæmt. „Til
að hjálpa mönnum get ég upplýst
að meðalorkuverðið til álvera í
heiminum eins og það er áætlað
milli 2005 til 2008 er 1,86 krónur
á kílóvattstund.“
Össur segir verð á raforku fara
hækkandi og vel sé hægt að skoða
kosti á nýtingu raforku sem sé
ekki mengandi. Til dæmis komi
netþjónabú og kísilflögukristalla-
framleiðsla sterklega til greina.
Steingrímur J. Sigfússon, for-
maður Vinstri grænna, segir
verðið á raforkunni vera lágt.
„Þetta staðfestir það sem hefur
verið vitað að verðið hér á landi
til stóriðju er skelfilega lágt. Það
að menn skuli stæra sig af því að
hafa náð fram góðum samningi,
og umtalsverðum hækkunum frá
fyrri samningum, þá segir það
sína sögu um þá samninga. Á
íslensku þýðir það að eldri samn-
ingar eru umtalsvert lægri en
þessir og það er slæmt.“
Árni Finnsson, formaður Nátt-
úruverndarsamtaka Íslands,
fagnar því að orkuverðið skuli
vera gefið upp með svo nákvæm-
um hætti. „Það er auðvitað gleði-
efni að verðið skuli vera opinbert,
umræðunnar vegna, en það er
full þörf á því að hugað verði
betur að umhverfisþætti þess
máls.“
Orkuveitan full
bráðlát í samningum
Iðnaðarráðherra segir Orkuveituna vera bráðláta í samningum þar sem eftir eigi
að hnýta marga lausa enda. Verð Orkuveitu Reykjavíkur staðfestir að verð til stór-
iðju hefur verið „skelfilega lágt“, segir Steingrímur J. Sigfússon.
BRJÖMS-
NJUMS-
BRRÖMS-
BRÖMS-
SNJÖMM-
… AHHH!
Á kexmáli þýðir þetta: úrvalsgott súkkulaði,
hafrar, hveilhveiti og unaðslegt bragð.
Hob-Nobs er nefnilega
eina kexið sem talar!
ÍS
L
E
N
S
K
A
/S
IA
.I
S
/N
A
T
3
76
44
0
6/
07