Fréttablaðið - 08.06.2007, Blaðsíða 68
Kl. 20.30
IsNord tónlistarhátíðin í Borgar-
firði. Hátíðin hefst með tónleikum á
Indriðastöðum í Skorradal með tón-
list eftir Kjartan Ragnarsson leik-
ara. Flutt verða lög sem ekki hafa
heyrst mikið áður, en einnig lög úr
Saumastofunni sem urðu þjóðþekkt
á sínum tíma. Meðal flytjenda eru
Kjartan Ragnarsson, Jóhann Sig-
urðarson, Halldóra Friðjónsdótt-
ir, Íris Björg Guðbjartsdóttir og
Kammerkór Vesturlands.
Fleiri Yfirvofandi sýningar
Hollvinir Héraðsskólans á Laug-
arvatni efna á laugardag til há-
tíðar á Laugarvatni sem helg-
uð er Jónasi Jónssyni frá Hriflu,
menntafrömuði, ráðherra og
stjórnmálaskörungi. Verður á
Jónasarvöku einkum beint sjón-
um að þætti Jónasar í stofnun
Héraðsskólans á Laugarvatni og
verða kallaðir til sérfræðingar
á nokkrum sviðum til að greina
framlag Jónasar og hvernig skól-
inn þar eystra er sem kviksjá
fyrir skoðanir hans og störf.
Samkomuhaldið hefst með
fánahyllingu en þar verður dreg-
inn að húni Hvítbláinn sem Jónas
vildi að yrði þjóðfáni Íslands.
Verður síðan gengið um staðinn
og litið til hvernig skólasetrið þar
byggðist upp. Eftir hádegi verður
þingað: sex frummælendur rekja
ýmsa þætti í sögu Jónasar: Ívar
Jónsson prófessor skoðar Jónas
í samtímanum og samtímann í
Jónasi, Helgi Skúli Kjartansson
prófessor fjallar um skólafröm-
uðinn Jónas, Guðjón Friðriksson
sagnfræðingur kallar erindi sitt
Laugarvatn - borgarvirki stjórn-
málastarfs Jónasar, Pétur Ár-
mannsson fjallar um á teikniborði
Guðjóns Samúelssonar, Gerður
Steinþórsdóttir segir frá tengsl-
um afa síns við staðinn. Loks mun
Kristinn Kristmundsson fyrrum
skólameistari Menntaskólans tala
um skólasetrið þar í tímans rás í
tengslum við hugmyndir Jónasar.
Á laugardagskvöld munu ráð-
stefnugestir gleðjast yfir kvöld-
verði og dagskrá sem helguð er
„þjóðlegum anda“.
Mikilvægi Jónasar í sögu síð-
ustu aldar verður seint metið.
‚ítarleg ævisaga hans kom út
fyrir fáum árum og er á þrotum
. Heildarsafn skrifa hans er ekki
til og harla erfitt að ná saman
heillegu yfirliti um margvíslegt
framlag hans til opinbers lífs á
liðinni öld.
Vaka Hriflu -Jónasar
Átján smámyndir eftir Svavar
Guðnason (1909-1988) voru boðn-
ar upp á vegum uppboðshússins
Bruun Rasmussen í Breiðgötu í
Kaupmannahöfn á miðvikudag.
Allar myndirnar fóru á langt
yfir matsverði uppboðshaldarans.
Þær voru allar úr eigu Roberts
Dahlman-Jensen arkitekts sem
var vinur Svavars og vann með
Asger Jorn að útgáfu Helhesten
og síðar útgáfu CoBrA-tímarits-
ins í Danmörku.
Myndirnar voru frá ýmsum
tímabilum; þær elstu frá 1937
og 1939: sú eldri, pastelmyndin
Kjarr (20x25) seldist á 125 þús-
und, vatnslitamyndin Bátar í
firði (20x23) seldist á 193 þús-
und. Myndirnar átján gáfu gott
yfirlit um stílþróun Svavars: sú
yngsta var gerð 1982. Regnveð-
urspastel (30x19) frá 1941 fór á
160 þúsund. Þarna voru myndir
frá 1946, 1952, 1957, 1961, 1963
og 1980 auk fyrrgreindra.
Hæsta verðið fékkst fyrir verk
frá 1957 ( 40x30) 340 þúsund. Í
flestum tilvikum þrefaldaðist
verðið frá mati.
Bruun tekur gjald af hverju
verki sem selt er - 500 kr. dansk-
ar og kaupandi þarf að greiða
ofan á verðið 16% þóknun til upp-
boðshússins.
Verkin á uppboðinu njóta
þess að þau koma frá tryggum
og kunnum eiganda. Líklegt er
að þau hafi í einhverjum tilvik-
um verið keypt íslenskum kaup-
um um vef en uppboðið var að-
gengilegt á vefnum. Síðar í þess-
um mánuði er verk eftir Svavar á
uppboði hjá Christies.
Málverk Svavars
hækka enn
Fyrir fimm árum réðust Leikfé-
lag Reykjavíkur og Íslenski dans-
flokkurinn í að halda samkeppni
um nýsmíði verka sem vógu salt
mill dansins og leiksins. Undirtekt-
ir voru góðar. SPRON kom þegar í
upphafi að kostun hátíðarinnar og
stóðu vonir til að Íslenski dans-
flokkurinn gæti með þessu tiltæki
bætt nýjum dansverkum á verk-
efnaskrá sína. Hefur lokakvöldið
ævinlega verið skemmtileg kvöld-
stund, þótt þess hafi oft séð merki
að keppendum gefst lítill tími til
að þróa verkin. Frá upphafi hafa
forráðamenn haldið dagskránni
úti eitt kvöld og ekki hvikað frá
því þótt oftast hafi verið fullt hús.
Hefur keppniskvöldið því oft tekið
á sig svip árshátíðar með góðri
dagskrá því jafnan er slegið upp
veislu á eftir sýninguna.
Árangur af fjórum keppnum
er sá að LR og ÍD hafa nú stofn-
að sérstakt Dansleikhús og frum-
sýnir það fyrstu afurð sína þegar
fimmta keppnin er afstaðin meðan
dómnefndin ræður ráðum sínum.
Það eru Marta Nordal leikkona og
dansari og Peter Anderson sem
hafa samið verk sem ber heit-
ið Mikil gleði. Það voru sex hug-
myndir valdar úr innsendum til-
lögum og fengu höfundar þeirra
og samstarfsmenn 25 vinnustund-
ir til að æfa verkin og máttu koma
með margháttað tillegg til vinnsl-
unnar. Fyrsta verk kvöldsins er
Án titils eftir Árna Pétur Guðjóns-
son, sama heiti ber annað verk-
ið eftir þær Ásgerði G. og Katr-
ínu Gunnarsdætur, Glæstar vonir
heitir verk Steinunnar Ketilsdótt-
ur en hún frumsýnir líka á laug-
ardag verk í Hafnarfjarðarleik-
húsinu, Brynhildur Guðjónsdóttir,
Borgar Magnason, Cameron Cor-
bett og Diederik Pters eiga verk-
ið Blink of an Eye, Andreas Con-
stantinou kallar verk sitt Mánudag
og Irma Gunnarsdóttir á verkið On
hold í keppninni.
Árni Pétur Guðjónsson kepp-
ir nú í annað sinn en hans verk
byggt á Vinnukonum Genet var
fyrir tveimur árum í öðru sæti:
„Ég vinn núna - annað kemur ekki
til greina.“ Að þessu sinni bygg-
ir hann tíu mínútna verk á Kirsu-
berjagarði Tjekovs. Hann segist
nota sígildan texta svo það sé eitt-
hvert vit í þessu. Það verða þrír
dansarar sem koma fram í verk-
inu: Lára Stefánsdóttir, Aðalbjörg
Árnadóttir og Konráð Þorláksson
en hann er nýútskrifaður í listdans-
deild Listaháskólans. Árni segist
vilja láta reyna á Láru sem leik-
konu auk þess sem hann noti nær-
mynd sem frásagnarhátt í verkinu.
Hann er nýkominn frá Salamanca
á Spáni og Amsterdam með Vest-
urporti og því nóg að gera.
Í dómnefnd er meðal annarra
dans- og leikgagnrýnandinn Ren-
ata Klett, en áhorfendur kjósa
jafnframt sitt uppáhald með að-
göngumiða sem atkvæðaseðil.
Miðasala er í Borgarleikhúsinu
og verður slegist um síðustu mið-
ana.
25 tíma dansleikhús í kvöld