Fréttablaðið - 08.06.2007, Blaðsíða 81

Theodór Elmar Bjarna-
son mun líklega framlengja samn-
ing sinn við Celtic á næstu dögum.
Ólafur Garðarsson, umboðsmaður
Theodórs, var í Englandi í gær þar
sem hann var í viðræðum við for-
ráðamenn Celtic en hann vildi ekk-
ert segja til um hvernig samninga-
viðræðurnar gengu þegar Frétta-
blaðið talaði við hann í gærkvöldi.
„Ef þeir samþykkja það sem við
höfum lagt á borðið þá framlengi
ég samninginn minn,“ sagði Theo-
dór Elmar í gær en hann fer fram
á að hækka í launum hjá félaginu.
Það verður að teljast skiljanlegt
miðað við framgöngu hans hjá fé-
laginu undanfarið en hann braut
sér leið inn í aðallið félagsins undir
lok tímabilsins í Skotlandi.
Theodór er nú staddur á Íslandi þar
sem hann er í kærkomnu fríi. „Það er
mjög gott að vera kominn heim og fá
smá tíma til að slappa af með fjöl-
skyldu og vinum,“ sagði Theodór sem
var einmitt á leið að fá sér að borða
með Kjartani Henry Finnbogasyni
sem var með honum í Celtic.
Ef samningaviðræðurnar við
Celtic ganga ekki upp á Theodór
nokkra ása uppi í erminni. „Það
eru mörg lið sem hafa sýnt mér
áhuga. Við höfum fengið tilboð frá
Danmörku og það eru nokkur lið í
Noregi sem vilja fá mig. Svo skoð-
um við okkur eflaust um á Eng-
landi líka,“ sagði Theodór um leið
og Kjartan skaut því inn í samtalið
að þeir myndu að sjálfsögðu finna
sér saman klúbb á Englandi, við
mikið hlátraskall.
Theodór Elmar ræddi við Gor-
don Strachan, stjóra Celtic, um
framtíð sína hjá félaginu áður en
hann hélt til Íslands til að spila
með landsliðinu áður en sumarfrí-
ið tók við. „Ég ræddi við Strachan
og hann lofaði því að ég fengi að
spila meira á næsta tímabili. Hann
sagði líka að það yrði mjög stórt
tímabil fyrir mig. Það er ljóst að
það eru spennandi tímar framund-
an hjá Celtic,“ sagði Theodór sem
var vongóður um að framlengja
samning sinn hjá skosku risunum.
Það eru spennandi
tímar framundan
SMÁRALIND I 522 8383
RÝMINGARSALA
stendur aðeins til 16. júní
allar vörur með
50-90%afslætti