Fréttablaðið - 08.06.2007, Blaðsíða 13

Það er auðvelt að finna ljúffengt,
fitulétt SS álegg í verslunum því
umbúðirnar eru nú sérstaklega
auðkenndar á áberandi hátt með
áletruninni LÉTT ÁLEGG.
Tegundirnar eru mun fleiri en hér
eru sýndar og þeim á eftir að fjölga
enn frekar. Líttu eftir ljúffenga SS
létt álegginu í næstu verslun – og
taktu lífinu létt.
Kjúklingaálegg
Sumir vilja bara þetta
álegg og ekkert annað.
Það er ástæða fyrir því!
Skinka
Möguleikarnir eru
endalausir. Prófaðu
eitthvað nýtt daglega.
Létt og gott
– ný létt áleggslína í SS fjallahringinn
www.ss.is
Fjöldi mannréttinda-
hreyfinga hefur krafist þess að
Bandaríkin geri grein fyrir 39
grunuðum hryðjuverkamönnum
sem talið er að séu fangar í leyni-
legum fangelsum. Nöfn þeirra
voru birt í skýrslu sem kom út
fyrir viku.
Amnesty, Mannréttindavaktin
og fjórar aðrar stofnanir hafa
tekið saman lista yfir nöfn þess-
ara 39 einstaklinga sem hand-
teknir hafa verið í „stríðinu gegn
hryðjuverkum“.
George Bush Bandaríkjaforseti
viðurkenndi tilvist leynifangelsa í
september síðastliðnum, en sagði
þau ekki vera lengur í notkun.
Fjórtán grunaðir hryðjuverka-
menn hafi verið fluttir úr þeim til
Guantanamo fangabúðanna á
Kúbu, þar á meðal höfuðpaur árás-
anna 11. september 2001.
Mannréttindasamtökin grunar
hins vegar að fangelsin séu enn í
notkun. „Við vildum birta nöfn
fanganna opinberlega, því fólk
heldur að þessu sé lokið og að
stjórnvöld beiti ekki þessum
aðferðum lengur,“ segir Anne
Fitzgerald, starfsmaður Amnesty.
39 í leynifangelsum
Nafnið Muhammad, og
allir ólíkir rithættir þess, er nú
orðið annað vinsælasta drengja-
nafn í Bretlandi. Rétt tæplega sex
þúsund drengir voru skýrðir
nafninu í fyrra. Aðeins Jack var
vinsælla.
Prófessor Muhammad Anwar
við Warwick-háskóla segir
ástæðuna líklega vera þá að
múslimar vilji heiðra trú sína
með nafngiftinni. Fjöldinn vekur
þó furðu þar sem einungis þrjú
prósent Breta eru múslimar.
Thomas var þriðja vinsælast og
önnur algeng nöfn voru Joshua,
Oliver, Harry og James.
Bretar ánægðir
með Múhameð
Viðtal við Aðalheiði
Huldu Jónsdóttur, eiginkonu Kalla
Bjarna, í Séð og Heyrt er uppspuni
að hennar sögn. Hún segist ekkert
hafa sagt við blaðamann þegar
hann talaði við hana en samt sem
áður hafi birst viðtal við hana í
nýjasta tölublaði tímaritsins.
Í viðtalinu, sem Eiríkur Jónsson
blaðamaður tók, lýsir Aðalheiður
atburðarásinni þegar eiginmaður
hennar var handtekinn, og við-
brögðum hennar í kjölfarið. „Hann
hlýtur að hafa verið burðardýr
fyrir aðra því ég vissi alls ekki til
þess að hann væri í dópinu. Ég
hefði átt að taka eftir því eftir öll
þessi ár sem við höfum búið
saman,“ er meðal þess sem haft er
eftir henni.
Aðalheiður segir þetta allt saman
uppspuna. „Ég sagði orðrétt við
hann: „Í guðanna bænum farið ekki
að birta grein í Séð og Heyrt, það
er nóg álag á fjölskyldunni samt.“
Annað sem stendur í viðtalinu
sagði ég ekki,“ segir hún.
Mikael Torfason, ritstjóri Séð
og Heyrt, segir viðtalið vissulega
hafa átt sér stað. „Nei, viðtalið er
ekki uppspuni. Blaðamaður tók
það í viðurvist tveggja vitna, og
Aðalheiður talaði við hann af
fúsum og frjálsum vilja.“
Kalli Bjarni, sem vann fyrstu
Idol-söngkeppnina fyrir nokkrum
árum, var handtekinn með tvö kíló
af kókaíni á leið til landsins í síð-
ustu viku.