Fréttablaðið - 08.06.2007, Blaðsíða 27

Út er komin bókin Með veislu í farangrinum
- Matreiðslukver ferðamannsins. Þema bók-
arinnar er hvernig hægt er að nota það sem
fyrirfinnst í náttúru Íslands í matargerð. Bókin
inniheldur fjölmargar uppskriftir.
Fæstir gera sér grein fyrir öllum þeim mat- og
kryddjurtum sem vaxa hér á Íslandi. Kunnáttan
byrjar og endar með blóðbergstei en fæstum dett-
ur í hug að hafa fífla, njóla og hundasúru í matinn.
Allar þessar plöntur eru hinsvegar fyrirtaks hráefni
sem auðvelt er að finna í útilegunni.
Þær Ingibjörg Guðrún Guðjónsdóttir og Ragn-
heiður Ingunn Ágústsdóttir eru báðar leiðsögukon-
ur og hafa þær um árabil nýtt hráefnið sem land-
ið hefur upp á að bjóða. „Það gleymist oft eitthvað
þegar farið er á fjöll og þá þarf maður að redda sér
með því sem hendi er næst,“ segir Ingibjörg. „Maður
verður að prófa sig áfram og það er mikilvægast að
vera bara hugaður og þora að prófa nýja hluti.“
Ragnheiður tekur í sama streng. „Ef plantan
bragðast vel má nota hana í salat og ef hún lyktar
vel gæti hún nýst sem krydd,“ segir Ragnheiður
sem oftar en ekki hefur þurft að galdra fram stór-
máltíðir úr litlum efnum við erfiðar aðstæður.
Ingibjörg og Ragnheiður hafa nú sett saman mat-
reiðslubók þar sem íslenskt hráefni úr jurta- og
dýraríkinu fær að njóta sín. Bókin heitir Með veislu
í farangrinum - matreiðslukver ferðamannsins og
þar er haft að leiðarljósi að hægt sé að elda matinn á
fjöllum við oft frumstæðar aðstæður. Í bókinni eru
bæði forréttir, aðalréttir og eftirréttir enda mark-
miðið að hægt sé að galdra fram veislu á alíslenskan
hátt í fjallasal. -Sjá næstu síðu
Matarveisla í fjallasal
t
o
S