Fréttablaðið - 08.06.2007, Blaðsíða 70

Tónlistarhátíðin Bjartar sumar-
nætur í Hveragerði hefst í dag
en hátíð þessi er nú haldin í sjö-
unda sinn. Listrænir stjórnend-
ur eru hjónin Guðný Guðmunds-
dóttir fiðluleikari og Gunnar
Kvaran sellóleikari. Þau skipa
ásamt Peter Máté píanóleik-
ara Tríó Reykjavíkur sem ásamt
öðrum tónlistarmönnum stendur
að flutningi á hátíðinni. Auk tríós-
ins koma fram mezzósópransöng-
konan Guðrún Jóhanna Ólafsdótt-
ir, píanóleikarinn Víkingur Heið-
ar Ólafsson, Greta Guðnadóttir
fiðluleikari og Guðmundur Krist-
mundsson víóluleikari, en tvö þau
síðastnefndu eru búsett í Hvera-
gerði.
Þrennir tónleikar fara fram í
Hveragerðiskirkju nú um helg-
ina og er efnisskráin fjölbreytt og
aðgengileg. Dagskráin hefst með
Beethoven-veislu í kvöld en þar
leika Víkingur Heiðar Ólafsson og
Tríó Reykjavíkur þekkt verk eftir
tónskáldið.
Á morgun verður áhersla á al-
þýðlega tónlist en þar verða
meðal annars fluttar söngperlur
tónskáldanna Sigfúsar Einarsson-
ar, Jórunnar Viðar, Jóns Nordal,
og Sigvalda Kaldalóns auk verka
eftir Ravel og Stravinsky.
Þriðju tónleikarnir á sunnu-
dagskvöldið bera yfirskriftina
„Um lífið og ástina“ en þar leit-
ar listafólkið í smiðju spænskra
tónskálda og í rómantískar tón-
smíðar Schumanns. Við píanóið
verður Víkingur Heiðar og með
honum allir strengjaleikarar há-
tíðarinnar. Í lokin verða flutt tvö
lög eftir tónskáld frá Hveragerði.
Atli Heimir Sveinsson hefur fært
lögin í hátíðarbúning. Allir flytj-
endur taka þátt en nöfn tónskáld-
anna verða ekki gerð opinber fyrr
en í hátíðarlok.
Á laugardaginn kl. 15 verður
Listasafn Árnesinga í Hveragerði
einnig opnað að nýju eftir viðgerð-
ir með sýningunni „Að flytja fjöll“
en þar gefur að líta verk eftir Ás-
grím Jónsson í samhengi við verk
yngri listamanna.
Miðasala er á bæjarskrifstof-
um, á bókasafni staðarins og við
innganginn.
Birtir til í Hveragerði
5 6 7 8 9 10 11
„ÞAÐ ELSKA ALLAR KONUR HEIMSFRÆGA MENN“
GRETTIR
Miðasala 568 8000
www.borgarleikhús.is
grettir.blog. is