Fréttablaðið - 08.06.2007, Síða 82
Það eru sjálfsagt flestir
sparkspekingar sammála því að
Ísland og Finnland ættu að eiga
svipuð sterk knattspyrnulands-
lið karla. Finnar hafa þó yfirleitt
staðið sig betur á alþjóðavettvangi
hverju sem það sætir þó svo að Ís-
land hafi á sínum stærstu stund-
um verið fyrir ofan Finna á styrk-
leikalista FIFA.
Ef nánar er rýnt í liðin kemur í
ljós að þau eiga margt sameigin-
legt. Hvorugt hefur komist á úr-
slitakeppni stórmóts og undan-
farin ár hefur það verið yfirlýst
stefna að blanda sér í hóp þeirra
landa sem berjast um sæti á stór-
móti.
Síðustu ár hefur Finnum geng-
ið mun betur í þeirri baráttu en Ís-
lendingum. Um svipað leyti, í árs-
byrjun 2006, tóku nýjir menn við
stjórnartaumunum í karlalands-
liðum landanna. Eyjólfur Sverr-
isson stýrði sínum fyrsta leik sem
þjálfari íslenska landsliðsins og
Englendingurinn Roy Hodgson
tók við Finnum.
Finnar ákváðu að liðinu væri
best borgið með erlendan þjálfara
við stjórnvölinn og náðu því hinn
mjög svo reynda Hodgson sem
gerði garðinn frægan með lands-
liði Sviss á tíunda áratugnum.
Hann kom Sviss á bæði HM 1994
og EM 1996.
Það er saman hvar niður er
komið á þessum átján mánuðum
þegar árangur liðanna er borinn
saman. Finnland hefur leikið mun
fleiri æfingaleiki, unnið fleiri
sigra, skorað fleiri mörk og fengið
á sig færri mörk. Finnar eru með
fjórtán stig í sínum riðli í undan-
keppni EM, Ísland með fjögur.
Á meðan íslenska liðið var nið-
urlægt í Stokkhólmi unnu Finnar
afar góðan sigur á Belgum, 2-0.
Timo Jarvio, íþróttablaðamaður
á Helsingin Sanomat, einu stærsta
dagblaði Finnlands, segir að það
ríki jákvætt andrúmsloft í kring-
um finnska landsliðið.
„Þetta hefur gengið upp og
ofan en í dag er stemningin afar
góð. Hodgson hefur þurft að gera
ýmsar breytingar á liðinu og komið
með mikið af yngri leikmönnum í
liðið sem hefur reynst vel. Menn
eins og Jari Litmanen er kominn
vel á aldur og er þar að auki alltaf
meiddur og því hefur hann þurft
að byggja upp nýtt lið án hans.“
Gegn Belgum vantaði marga
sterkustu leikmenn Finna. Sami
Hyypia var í banni, Litmanen
og Teemu Tainio hjá Tottenham
meiddir.
Íslendinga vantaði gegn Svíum
þá Eið Smára Guðjohnsen (í
banni), Hermann Hreiðarsson
og Gunnar Heiðar Þorvaldsson
(meiddir).
Jarvio var gáttaður þegar talið
barst að íslenska liðinu. „Mér
hefur alltaf fundist að Ísland hafi
átt betri leikmenn en við Finnar.
Samt virðist það sjaldan skila sér
í bættum árangri íslenska lands-
liðsins.“
Í ársbyrjun 2006 var skipt um landsliðsþjálfara á Íslandi og Finnlandi. Eyjólfur Sverrisson var ráðinn hér en
Roy Hodgson tók við Finnum. Samanburður á gengi liðanna síðan þá er vægast sagt neikvæður fyrir Ísland.
John Fredriksen, áttundi
ríkasti maðurinn sem búsettur er
á Bretlandseyjum, vill samkvæmt
fréttum á Englandi og heimalandi
sínu Noregi, ólmur eignast Tot-
tenham Hotspur. Til þess þarf
hann að reiða fram yfir 200 millj-
ónir punda til ENIC sem á 66%
hlut í félaginu eftir að gengið var
frá kaupum á hluteign Alan Sugar
í gær.
Tor Olav Trøim, hægri hönd
Fredriksen, dró úr fregnunum
við norska fjölmiðla í gær. „Við
höfum meira en nóg með eina
fjárfestingu í knattspyrnu,” sagði
Trøim en Fredriksen á hlut í Vål-
erenga.
Gæti boðið í
Tottenham
Peter Kenyon, stjórnar-
formaður Chelsea, segir að félag-
ið ætli sér að kæra Real Madr-
id til FIFA. Aðdragandinn er sá
að Real lýsti því yfir í gær að það
hefði sett sig í samband við Arjen
Robben um að hann kæmi hugs-
anlega til Spánar í sumar.
„Við vitum að forráðamenn
Real Madrid hafa verið að tala
við Arjen. Að því gefnu munum
við skrifa FIFA og biðja það að
rannsaka ólöglegar starfsaðferð-
ir Real Madrid,“ sagði Kenyon í
gær.
Ætla að kæra
Real Madrid
Sænska pressan hefur
gert mikið grín af íslenska lands-
liðinu eftir frammistöðuna á
Råsunda-vellinum í fyrrakvöld
og á fleirum en einum stað mátti
finna umræðu um hvort að svo-
kallaðar C-þjóðir eigi að fara í sér-
staka undankeppni. Það þarf ekki
að taka það fram að þeir skella ís-
lenska knattspyrnulandsliðinu í
hóp slökustu þjóða álfunnar.
Það er kannski ekki auðvelt að
alhæfa um hvaða þjóðir teljist
vera í hópi C-þjóða en ein leiðin er
að skoða hvaða þjóðir hafa stein-
legið oftar en einu sinni í undan-
keppninni sem stendur nú yfir. Að
steinliggja í leik telst hér vera að
tapa leik með fjórum mörkum eða
meira. Eftir 0-4 tap gegn Lettum
og 0-5 tap gegn Svíum er íslenska
landsliðið í hópi með aðeins sex
öðrum þjóðum. Fjórar af þessum
þjóðum er enn stigalausar í undan-
keppninni og ein þeirra hefur ekki
náð að skora eitt einasta mark í sjö
leikjum. Þær þjóðir sem standa
best eru Ísland og Liechtenstein
sem hafa báðar hlotið fjögur stig
í 7 leikjum. Lúxemborg gæti vel
talist til þessa hóps en liðið hefur
ekki tapað með meira en þremur
mörkum þrátt fyrir að hafa tapað
öllum sjö leikjum sínum.
Sex þjóðir steinlegið
oftar en einu sinni