Fréttablaðið - 08.06.2007, Blaðsíða 80

„Ég veit í alvörunni ekki
hvers konar leikur þetta var. Ég
hef séð Svíþjóð leika gegn Mold-
óvíu, Liechtenstein, Maltu og San
Marínó – en aldrei hef ég séð jafn
hrætt og skelkað lið eins og ís-
lenska landsliðið. Það mætti til
leiks eftir að hafa gert 1-1 jafn-
tefli við Liechtenstein og það var
ekki minnsti áhugi til staðar að
vinna leikinn. Allt snerist um að
tapa ekki of stórt og upplifa ekki
enn eina niðurlæginguna.“
Þannig skrifar Simon Bank, ein-
hver þekktasti íþróttablaðamað-
ur Svía, um íslenska landsliðið
í Aftonbladet í gær. Hann segir
að sænska þjóðin ráði sér vart af
kæti eftir 5-0 sigur á Íslending-
um í fyrrakvöld en fyrir vikið eru
Svíar komnir með annan fótinn
inn á EM í Austurríki og Sviss á
næsta ári.
Máli sínu til stuðnings nefnir
hann dæmi snemma úr landsleik
Svíþjóðar og Íslands í fyrrakvöld.
„Þegar Ísland fékk aukaspyrnu
á fínum stað í upphafi leiksins
fóru Ívar Ingimarsson, Brynjar
Gunnarsson og Hannes Sigurðs-
son inn í teiginn til að reyna að
skalla boltann að marki. Hinir
átta í liðinu urðu eftir heima til
að standa vörnina. Lisa Ekdahl
hefði ekki verið svo varnarsinnuð
í boxhringnum gegn Mike Tyson,“
skrifar Bank.
„Þetta var í raun enginn leik-
ur. Það var boðið upp á mikið af
mörkum, hlægileg marktækifæri
og leikmenn brostu sínu blíðasta.
Þetta var einn risastór brandari
með íslensku vörnina í aðalhlut-
verki.“
Og hann heldur áfram á svipuð-
um nótum.
„Þetta var afar merkilegur leik-
ur. Ef leikurinn gegn Dönum hefði
verið bannaður börnum var leikur-
inn við Ísland á Råsunda þannig að
það hefði mátt koma fyrir barna-
vögnum, kettlingum og öllu DVD-
safni Anders Svensson á vallar-
helmingi Svía.“
Hann vitnar svo í tvo leikmenn
Svía sem segja ansi margt um
upplifun þeirra af leiknum og ís-
lenska liðinu.
„Ég skil ekki hvað þeir voru að
gera,“ sagði Petter Hansson, varn-
armaður Svía. „Þeir vildu bara
ekki neitt,“ sagði Svensson.
Bank lýkur svo umfjöllun sinni
á þessum nótum. „5-0. Hvað er
hægt að segja við því. Ísland þorði
ekki að spila og Svíþjóð þurfti
þess ekki.“
Simon Bank er einhver þekktasti íþróttablaðamaður Svíþjóðar. Í umfjöllun
sinni um leikinn í Aftonbladet segir hann að hann hafi aldrei séð jafn skelkað
lið og Ísland. Liðið hafði engan áhuga á að sigra Svía á Råsunda í fyrrakvöld.
Birgir Leifur Hafþórs-
son lék fyrsta hringinn á aust-
urríska mótinu á Evrópumóta-
röðinni í golfi í Vín á einu höggi
undir pari í gær. Birgir fékk tvo
skolla og þrjá fugla. „Ég er ágæt-
lega sáttur við hringinn. Ég lék
nokkuð stöðugt golf. Með smá
heppni hefði ég alveg getað verið
2-3 betri en það er ekki slæmt
að vera einn undir,“ sagði Birgir
Leifur við Kylfing.is.
„Ég átti fá slæm högg og hitti
15 flatir í tilskyldum höggafjölda.
Ég var ágætur á flötunum en
hefði vissulega getað sett niður 2-
3 fleiri pútt fyrir fuglum,“ sagði
Birgir Leifur.
Átti ágætan dag í Austurríki
Eggert Magnússon,
stjórnarformaður West Ham,
ítrekar að Carlos Tevez sé ekki
á leiðinni
frá félaginu.
Helstu stór-
lið Evrópu
hafa rennt
hýru auga til
Tevez sem
gaf það til
kynna nýver-
ið að það sé
tími til kom-
inn fyrir
hann að fara
til stærra
liðs.
„Þetta er mjög einfalt, Carlos
Tevez er með samning við klúbb-
inn í þrjú ár. Hann er frábær leik-
maður og drengur góður. Allir í
kringum klúbbinn dýrka hann,“
sagði Eggert um langbesta leik-
mann Hamranna á síðasta tíma-
bili.
Tevez fer hvergi
Í kvöld hefst fimmta um-
ferð Landsbankadeildar karla með
leik Víkings og Breiðabliks í Víkinni
í kvöld. Fyrrnefnda liðið hefur komið
á óvart í vor og vann til að mynda
góðan sigur á KR, 2-1, í síðustu um-
ferð.
Blikar hafa hins vegar ekki enn
innbyrt sigur í mótinu þrátt fyrir að
hafa spilað ágætlega í sínum leikj-
um. Hjörvar Hafliðason, markvörð-
ur liðsins, á við meiðsli að stríða og
verður því ekki með liðinu í kvöld.
Ólafur Kristjánsson, þjálfari Blika,
hefur fengið danskan markvörð til
liðs við félagið en sá heitir Casper Ja-
bobsen og kemur frá Álaborg.
Leikurinn hefst klukkan 19.15.
Víkingar geta skot-
ist upp í annað sæti
Taktu þátt!
Þú sendir SMS
BT BTM á númerið 1900.
Þú færð spurningu.
Þú svarar með því að senda SMS
skeytið BT A, B eða C á númerið 1900.
hver vinnur!
10.
Aðalvinningur!
FSC Amilo
Pi Core2
Vista
fartölva
SMSLEIKUR
Geggjaðir aukavinningar! Vídeospilari, Sony
myndavél, Panasonic tökuvél, Apple iPod
Nano/blár, HP Photosmart, GSM símar,
Bíómiðar fyrir 2 á THE INVISIBLE og LAST
MIMZY,PSP tölvur,Gjafabréf á Tónlist.is,PS2
tölvur, Kippur af Gosi og enn meira af DVD,
CD´s, tölvuleikjum og fleira
*Aðalvinningar dregnir út úr öllum innsendum skeytum Vinningar verða
afhentir í BT Smáralind, Kópavogi. Með því að taka þátt ertu kominn í SMS klúbb.
99 kr/skeytið. Þú færð 5.mín til að svara spurningu.
Taktu
þátt!