Fréttablaðið - 14.06.2007, Qupperneq 4

„Það er einfaldlega skelfilegt ástand
að tugir einstaklinga smitist af sjúkdómi eins og
lifrarbólgu C á ári hverju. Það er svo sannarlega full
ástæða til að íhuga það vandlega að auðvelda aðgengi
fólks að sprautum og nálum,“ segir Sigurður B. Þor-
steinsson, yfirlæknir á smitsjúkdómadeild Lands-
spítalans. 636 einstaklingar hafa smitast af lifrar-
bólgu C á síðustu tíu árum. Meirihluti þeirra eru
sprautufíklar. Smitaðir eru í margfaldri hættu á að fá
lifrarkrabbamein og lifrarbilun.
Sigurður segir sjúkdóminn orðinn mjög algengan á
meðal sprautufíkla á Íslandi. „Um sjötíu prósent
þeirra sem sprauta sig með fíkniefnum í æð eru sýkt.
Það er afar hátt hlutfall og hægt að rekja til þess að
einstaklingar eru að nota óhreinar sprautur og nálar
frá öðrum notendum.“
56 einstaklingar greindust með lifrarbólgu C árið
2006 en á síðustu tíu árum hafa rúmlega 63 greinst
árlega að meðaltali. Á síðasta áratug sýktust flestir
árið 2000, eða 87, en fæst tilfelli á tímabilinu voru 38
árið 2003.
„Sjúkdómurinn eykur líkurnar margfalt að fá
krabbamein í lifur og síðan veldur sýkingin einnig
lifrarbilun, sem þýðir mjög erfið veikindi. Stundum
er gripið til þess að græða lifur í sjúkling. Það er
nokkur árangur af því en nýja lifrin sýkist mjög oft.“
Meðferðin við sjúkdómnum er mjög erfið, að sögn
Sigurðar. „Það þola hana ekki allir og aukaverkanir
geta verið miklar.“
Í ársriti SÁÁ 2005-2006 kemur fram að á árunum
1991 til 2005 innrituðust 1.520 einstaklingar á sjúkra-
húsið á Vogi sem höfðu sprautað sig í æð. Árið 2006
var ekki talið ofmetið að um 600 virkir sprautufíklar
væru á Íslandi og að helmingur þeirra væri sýktur af
lifrarbólgu C og væri að smita sífellt fleiri. „Lifrar-
bólgan breiðist út meðal yngri og yngri einstaklinga
og árið 2005 voru sex einstaklingar 19 ára eða yngri
með lifrarbólgu C á Sjúkrahúsinu Vogi,“ segir í árs-
ritinu.
Haraldur Briem sóttvarnalæknir hefur lýst
áhyggjum sínum um að HIV-sýkingum fjölgi á meðal
sprautufíkla líkt því sem gerst hefur erlendis. Slík
sýking hefur verið fátíð meðal sprautufíkla hér á
landi hingað til en mikill fjöldi lifrarbólgu C sýkinga
veldur áhyggjum.
Sigurður tekur undir með sóttvarnalækni. „Vand-
inn með lifrarbólgu C sýkingar gerir okkur afar
hrædda um að faraldur af HIV-sýkingum geti einnig
brotist út.“
Kristín Gísladóttir sjúkraþjálfari aðstoðar við val
á réttri dýnu alla fimmtudaga á milli kl. 16 og 18.
Opið virka daga: 10-18
Reykjavík: Mörkin 4, s: 533 3500
Háskólinn í Reykjavík
fagnar fyrir sitt leyti að úttekt
hafi verið gerð á háskólastarfi en
gerir athuga-
semdir við
mælikvarða
Ríkisendur-
skoðunar.
„Akadem-
ísk staða og
gæði kennslu
eru tveir
aðskildir
þættir,“ segir
í tilkynningu.
Birtar rannsóknargreinar og hlut-
fall kennara með doktorspróf
segi ekki allt um gæði kennslu.
Þá er bent á að HR sé ungur
skóli og fræðasviðin sem mæld
voru í skýrslunni hafi verið „á
þessum tíma að stíga sín fyrstu
skref“. Lagadeild HR var til að
mynda ársgömul þegar skýrslan
var gerð. Þá er einnig efast um að
lágur kostnaður við kennslu sé
jákvæður þáttur í rekstri skóla.
Einnig segir í tilkynningunni að
sjálfsaflafé til rannsókna sé mikil-
vægur mælikvarði á akademíska
stöðu og hafi verið í upphaflegum
drögum að skýrslunni.
„Ríkisendurskoðun tók þá
ákvörðun að sleppa þessum mikil-
væga mælikvarða úr endanlegu
mati á akademískri stöðu, þvert á
ráðleggingar erlendra sérfræð-
inga. Þar með breyttist röð skól-
anna í endanlegu mati.“
Ríkisendurskoðandi segir á
móti að fallið hafi verið frá því að
nota umræddan mælikvarða því
hann hafi ekki verið talinn „gefa
rétta og sanngjarna mynd af
gæðum rannsókna vegna mis-
munandi tekjumöguleika skól-
anna.“ Því hafi HR fallið um eitt
sæti í einni grein af ellefu. Fleiri
breytingar hafi verið gerðar á
skýrslunni, sem hafi haft áhrif á
röðun skólanna.
„Ekki verður séð að það hafi
komið einum skóla betur en
öðrum.“
Efast um gæði mælikvarðanna
Lifrarbólga C orðin
stór vandi á Íslandi
636 einstaklingar hafa smitast af lifrarbólgu C á tíu árum. Talið er að 70 pró-
sent sprautufíkla séu sýkt og sífellt yngri einstaklingar greinast. Læknar vilja
að aðgengi að sprautum og nálum verði bætt. Meðferð við lifrarbólgu er erfið.
Líbanski þingmaður-
inn Walid Eido, sem var yfirlýst-
ur andstæðingur sýrlenskra
stjórnvalda, fórst ásamt níu
öðrum í gær þegar sprengja
sprakk í bifreið hans í Beirút.
Morðið er það sjöunda á síðustu
tveimur árum í röð morða á
mönnum sem eru andsnúnir
sýrlenskum stjórnvöldum í
Líbanon.
Nokkrir dagar eru síðan
líbönsk stjórnvöld hófu gerð
áætlunar um alþjóðadómstól á
vegum Sameinuðu þjóðanna þar
sem réttað verður yfir fólki sem
er grunað um aðild að fyrr-
greindum morðum.
Talið er að morðið á Eido kyndi
undir valdabaráttu líbönsku
stjórnarinnar, sem Vesturlönd
styðja, og stjórnarandstöðunnar,
sem hefur stuðning Sýrlands.
Líbanskur þing-
maður myrtur
Nicolas Burns,
aðstoðarutanríkisráðherra
Bandaríkjanna, mun í dag eiga
viðræður við forsætis- og
utanríkisráðherra í Reykjavík.
Það var Burns sem hringdi
fyrir hönd Bandaríkjastjórnar í
Geir H. Haarde, þáverandi
utanríkisráðherra, hinn 15. mars í
fyrra til að tilkynna að ákveðið
hefði verið að bandaríska herliðið
í Keflavík myndi hverfa úr landi
fyrir 1. október. Erindi hans til
Íslands nú er að ræða tvíhliða
samskipti Bandaríkjanna og
Íslands og alþjóðamál við
hérlenda ráðamenn. Hann heldur
aftur af landi brott síðdegis.
Ræðir við ís-
lenska ráðherra
Hópur bifhjóla-
manna var staðinn að ofsaakstri á
Þingvallavegi í fyrrakvöld.
Mennirnir mældust á 174
kílómetra hraða. Þeir voru á
austurleið en lögreglan hugðist
stöðva þá við afleggjarann að
Skálafelli. Um tíu bifhjólamenn,
tæplega helmingur hópsins, óku
framhjá lögreglunni og sinntu
ekki stöðvunarmerki. Hinn
helmingur hópsins sneri við og
hélt í átt til Reykjavíkur.
Lögregla segir átakanlegt að
horfa upp á slíkan akstur í ljósi
þess að fyrir nokkrum árum hafi
ökumaður bifhjóls látið lífið í
slysi á veginum.
Bifhjólamenn á
174 km hraða
Shimon Peres var í gær
kjörinn forseti Ísraels af þjóð-
þingi landsins. Stjórnmálaferill
Peres, sem er 83 ára gamall,
spannar sex áratugi og verður
hann níræður þegar kjörtímabili
hans lýkur.
Tveir keppinautar Peres drógu
framboð sín til baka fyrr um
daginn eftir að hann tók afger-
andi forystu í fyrstu umferð.
Peres var því einn í næstu umferð
og hlaut stuðning 86 þingmanna
af þeim 120 sem eiga sæti á þingi.
Peres, sem bauð sig einnig
fram árið 2000, þótti þá sigur-
stranglegur en beið lægri hlut
fyrir Moshe Katsav. Styr hefur
staðið um Katsav undanfarið
vegna ásakana um að hafa áreitt
fjórar konur kynferðislega.
Shimon Peres
forseti Ísraels