Fréttablaðið - 14.06.2007, Blaðsíða 8

„Það er hringt
langt fram á kvöld og allan dag-
inn,“ segir Sigrún Sigurðardóttir,
forsvarskona Vonar, sem er hópur
kvenna sem fengu lélegar sílikon-
fyllingar fyrir árið 1993.
Sigrún fundaði með bandarísk-
um lögfræðingum á þriðjudaginn
ásamt um þrjátíu konum og segir
sífellt bætast í hópinn. Hún finni
fyrir miklu þakklæti frá konum,
sem sumar vissu ekki að þær ættu
rétt á bótum vegna sílikonsins.
Ekki síst gleðst Sigrún yfir því
sem hún kallar viðhorfsbreytingu
hjá læknum, en Sigurður Þor-
valdsson lýtalæknir var einn
fundargesta. Einnig hafi hún rætt
við landlækni. „Landlæknir hefur
alltaf verið jákvæður gagnvart
okkur,“ segir hún.
Sigrún hefur áður lýst meintum
trassaskap lýtalækna; þeir hafi
ekki geymt upprunamiða sílikon-
púðanna, sem eru forsenda bóta.
Nú telur Sigrún að hægt sé að finna
þessa miða. „Þeir eru einhvers
staðar í kerfinu,“ segir hún.
Nokkrum konum með sílikon-
fyllingar var brugðið við umræðu
síðustu daga og höfðu samband við
Sigurð Þorvaldsson. „Þær konur
sem ég hef haft hjá mér fá sínar
upplýsingar,“ segir Sigurður, en
hann kannast ekki við meintan
trassaskap lýtalækna né að þeir
hafi haft „slæmt viðhorf“ gagn-
vart konunum.
Hringt langt fram á kvöld
Frumvarp ríkisstjórnar-
innar um að launatekjur sjötugra
og eldri skerði ekki greiðslur úr
almannatryggingakerfinu var sam-
þykkt á lokafundi sumarþings í
gær.
Lögin, sem taka gildi 1. júlí, kveða
á um að atvinnutekjur ellilífeyris-
þega og vistmanna sjötíu ára og
eldri hafi ekki áhrif á fjárhæð elli-
lífeyris, tekjutryggingar, vasapen-
inga og vistunarframlags frá Trygg-
ingastofnun ríkisins.
Einnig að atvinnutekjur vist-
manna sjötíu ára og eldri hafi ekki
áhrif á greiðsluþátttöku þeirra í
dvalarkostnaði á dvalar- og hjúkr-
unarheimilum.
Talsmenn stjórnarandstöðuflokk-
anna gagnrýndu frumvarpið við
lokaumræðu þess í gær og sögðu
ríkisstjórnina byrja á öfugum enda
í viðleitni sinni til að bæta kjör aldr-
aðra. Hagir þeirra sem best hefðu
það væru bættir en aðrir sætu hjá.
Steingrímur J. Sigfússon, for-
maður VG, kallaði málið frjáls-
hyggjukosningaloforð Sjálfstæðis-
flokksins og Guðjón A. Kristjánsson,
formaður Frjálslynda flokksins,
sagði aðgerðirnar ekki stórmann-
legar.
Meðal annarra mála sem sam-
þykkt voru í gær voru þrjú mál er
varða verðbréfaviðskipti, staðfest-
ing á viðaukasamningi við eigendur
álversins í Straumsvík og breyting
á skipan Stjórnarráðsins. Snýr hún
að sameiningu sjávarútvegs- og
landbúnaðarráðuneyta og flutning
tryggingaumsýslu frá heilbrigðis-
ráðuneyti til félagsmálaráðuneytis.
Þing kemur að líkindum næst
saman 1. október.
Tekjur sjötugra skerða ekki
greiðslur almannatrygginga
Hvað leggur Hafrannsókna-
stofnunin til að veiddar verði
margar langreyðar árlega?
Hvað heitir forseti Palestínu?
Með hvaða knattspyrnuliði
leikur Ármann Smári Björnsson
í Noregi?
Árásargjarn
íkorni beit á dögunum konu og
tvo menn í bænum Passau í
Þýskalandi. Íkorninn féll loks í
valinn þegar síðasta fórnarlamb-
ið leitaði hefnda og kramdi hann
með hækju.
Íkorninn stökk inn um glugga í
íbúð og sökkti tönnum sínum í
konu sem þar býr. Hún sá sitt
óvænna og flúði út á götu og náði
loks að hrista af sér dýrið.
Næst beit íkorninn nærstadd-
an iðnaðarmann og loks 72 ára
gamlan mann. Þeim síðastnefnda
tókst í kjölfarið að drepa
íkornann með því að berja hann
með hækjunni sinni.
Þrennt bitið af
óðum íkorna
Halldór Blöndal, fyrrver-
andi alþingismaður og ráðherra,
verður næsti formaður bankaráðs
Seðlabanka Íslands.
Kosið var í bankaráðið á fundi
Alþingis í gær.
Auk Halldórs
eru Erna Gísladótt-
ir, forstjóri B&L,
og Hannes
Hólmsteinn
Gissurarson
prófessor fulltrúar
Sjálfstæðisflokks í
bankaráðinu en
fyrir Samfylking-
una sitja Jón
Sigurðsson, fyrrverandi ráðherra
Alþýðuflokksins og fyrrverandi
Seðlabankastjóri, og Jón Þór
Sturluson hagfræðingur.
Jónas Hallgrímsson er fulltrúi
Framsóknarflokksins og Ragnar
Arnalds fulltrúi VG.
Halldór Blöndal
næsti formaður
Með 5 þrepa sjálfskiptingu.
H
V
ÍT
A
H
Ú
S
IÐ
/S
ÍA
-
7
4
8
0
KIA • Laugavegi 172 • Reykjavík • s ími 590 5700 • www.kia. isKIA umboðið á Ís landi er í e igu HEKLU.
NÚ ER RÉTTI TÍMINN TIL AÐ SKIPTA
Keyrðu inn í sumarið á nýjum Sorento
3.645.000 kr.
KIA Sorento – fullbúinn alvörujeppi
Sumarpakki
Dráttarbeisli, sumar- og
vetrardekk innifalin í verði
KIA Sorento með ríkulegum staðalbúnaði
• hátt og lágt drif • 5 þrepa sjálfskipting
• ESP stöðugleikastýring • öflug 170 hestafla dísilvél
• ný og glæsileg innrétting • hraðastillir (Cruise Control)*
• 16" álfelgur • þakbogar
• vindskeið og þokuljós • 3.500 kg dráttargeta