Fréttablaðið - 14.06.2007, Page 30

Kristinn Hjálmarsson fór til
Hawaii þar sem hann nældi
sér í tvær meistaragráður.
Fimmtán mínútum munaði að
hann hefði misst af háskóla-
náminu.
Á köldum janúardegi árið 1997 var
Hawaii Pacific University með
kynningu á Grand hóteli þar sem
lokka átti íslenska nemendur til
náms í skólanum. Einn þeirra sem
mætti var Kristinn Hjálmarsson.
„Ég var frekar tvístígandi og
fannst það hæpið að skóli í Hon-
olulu væri með alvöru nám,“ segir
Kristinn. „Ég ákvað korteri fyrir
fundinn að fara og kynningin vakti
alla vega næga athygli svo ég fór
að skoða málið betur.“
Kristinn aflaði sér heimilda og
komst að því að Hawaii Pacific
University væri vel metinn skóli í
Bandaríkjunum og kennaraliðið
væri ekki af verri endanum. „Kenn-
ararnir eiga oftar en ekki farsælan
feril í viðskiptalífinu að baki en
hafa ákveðið að setjast í helgan
stein á hlýjum stað,“ segir Krist-
inn. „Bandaríkjamenn hætta fyrr
að vinna en við, upp úr fimmtugu,
en auk þess að hanga á ströndinni
kenna þeir í háskólanum.“
Úr varð að Kristinn fór með fjöl-
skyldu sinni til Honolulu þar sem
hann náði sér í tvöfalda meistara-
gráðu, en áður hafði hann klárað
BA í heimspeki hér heima. „Þetta
var árið 1998 og þarna vorum við í
tvö ár, komum svo heim en fórum
út aftur í ágúst 2005 og vorum í eitt
ár,“ segir Kristinn. „Fyrst lærði ég
„Organizational chance“, en þar er
fengist við þróun fyrirtækja og
stofnana, innleiðingar breytinga á
verklagi og vinnu og samræmingu
verklags til dæmis þegar fyrirtæki
renna saman, svo eitthvað sé
nefnt.“
Hin meistaragráðan er MBA-
nám í viðskiptafræði. „Ég er reynd-
ar ekki alveg búinn, á ritgerðina
eftir en hún kemur,“ segir Kristinn
og hlær.
Eins og gefur að skilja eru Ísland
og Hawaii gerólíkir staðir, þó um
eyjur lengst út í reginhafi sé að
ræða í báðum tilvikum. „Munurinn
er kannski ekki svo mikill menn-
ingarlega en Íslendingar eru búnir
að ferðast svo mikið að þeir eru
flestu vanir,“ segir Kristinn og
bætir við hlæjandi: „Helsta menn-
ingarsjokkið fólst í því hvað þetta
var ekkert örðuvísi.“
Ef Kristinn þarf að benda á eitt-
hvað sem skilur þjóðirnar tvær að,
fyrir utan 20 gráðu hitamun, væri
það hraði samfélagsins. „Allt er
tekið á „aloha spirit“ − í rólegheit-
unum,“ segir Kristinn. „Alls staðar
er stoppað og staldrað við og þeir
sem fara sér of hratt fá vingjarn-
lega aloha-handarhreyfingu og eru
vinsamlegast beðnir um að slappa
af.“
Samfélag á
aloha-hraða
Siglinganámskeið verða haldin
hjá Brokey í sumar.
Siglingar eiga auknu fylgi að
fagna hjá Íslendingum. Ýmis sigl-
ingafélög standa fyrir námskeið-
um á sumrin og eitt þeirra er
Siglingafélag Reykjavíkur,
Brokey.
Námskeiðin eru bæði fyrir börn
og fullorðna en námskeiðin í
sumar eru í samstarfi við Sigl-
ingafélagið Ými, Kópavogi.
Fimm daga siglinganámskeið fyrir
krakka á aldrinum 10 til 14 ára
verða haldin í Nauthólsvík í sumar.
Farið verður í helstu atriði hvað
varðar siglingar, öryggisatriði og
almenna sjómennsku.
Siglinganámskeið fyrir fullorðna
er haldið virka daga frá 19 til 21
við Ingólfsgarð, Reykjavíkurhöfn.
Kennt er eftir kerfi RYA Compet-
ent Crew, fyrsta stigi. Eftir nám-
skeiðið eiga þátttakendur að geta
siglt á seglbát í vindstyrk allt að
10 metrum á sekúndu, sem áhafn-
armeðlimir. Mikil áhersla er lögð
á sjóhæfni, vinnu um borð, tækni-
lega hlið siglingaíþróttarinnar,
öryggisatriði og almenna sjó-
mennsku.
Kappróðrarnámskeið fyrir alla
aldurshópa verða haldin í Naut-
hólsvík. Kennd verða undirstöðu-
atriði í kappróðri. Farið verður
yfir helstu fræðin á bak við íþrótt-
ina ásamt tæknilegri hlið hennar.
Námskeiðin eru fyrir byrjendur
jafnt sem lengra komna.
Nánari upplýsingar um námskeið-
in eru á www.brokey.is
Námskeið í siglingum
Myndlistarskólinn í Reykjavík
er með ýmiss konar sumar-
námskeið fyrir börn.
Margs konar vikulöng sumarnám-
skeið eru í boði fyrir börn hjá Mynd-
listarskólanum í Reykjavík. Má
nefna námskeið fyrir sex til níu ára
börn sem heitir Flygildi-Vængir og
verður m.a. kennt vikuna 18. til 22.
júní frá klukkan 9 til 12. Í vikunni
þar á eftir verður svo í boði annað
námskeið fyrir börn á sama aldri
sem heitir Hvað býr í skugganum og
er það haldið á sama tíma.
Myndlist í
sumarsól