Fréttablaðið - 14.06.2007, Síða 74

Segja má að botninum
sé náð hjá íslenska landsliðinu
í knattspyrnu sem hefur aldrei
verið neðar á styrkleikalista
FIFA. Íslenska liðið hefur hríðfall-
ið á þessu ári en í janúar var liðið
í sæti 93. Á nýjum styrkleikalista
sem FIFA kynnti í gær er Ísland
í 109. sæti ásamt Aserbaídsjan. Í
sæti 111 er Búrundi og þar á eftir
koma Rúanda, Súdan og Sýrland.
Geir Þorsteinsson, formaður
KSÍ, viðurkenndi að staða Íslands
á listanum væri slæm.
„Það mun taka okkur tíma að
vinna okkur upp þennan lista
aftur því úrslit síðustu fjögurra
ára eru reiknuð í stigagjöfinni. En
það sem er mikilvægara er hvern-
ig raðað er í styrkleikaflokka
þegar dregið er í riðla í forkeppn-
um HM og EM. Þá skipta stigin
sem við söfnum í tveimur síðustu
undankeppnum máli en ekki staða
okkar á listanum. Það er því mik-
ilvægt að ná í stig í undankeppn-
inni, sérstaklega þar sem við feng-
um ekki nema fjögur í þeirri síð-
ustu,“ sagði Geir. Ísland er með
fjögur stig eins og stendur í nú-
verandi undankeppni.
Styrkleikalistinn var fyrst sett-
ur á laggirnar árið 1993. Ísland
hefur hæst verið í 37. sæti, í sept-
ember árið 1994. Þetta er næst-
mesta fall sem liðið hefur lent í,
það mesta var þegar Ísland hrap-
aði niður um fjórtán sæti í apríl
árið 1997.
Ísland hefur spilað þrjá leiki á
þessu ári, 1-0 tap var niðurstaðan
í vináttulandsleik gegn Spánverj-
um í mars, 1-1 jafnteflið gegn Li-
echtenstein hafði sín áhrif sem og
5-0 skellurinn gegn Svíum.
Af þjóðum í Evrópu er Ísland í
43 sæti, þar á eftir koma Malta,
Kasakstan og Eistland.
Ísland aldrei neðar á listanum
Valur er aftur komið á
beinu brautina eftir góðan sigur á
Víkingi, 3-1. Tvö mörk frá Helga
Sigurðssyni í síðari hálfleik gerðu
út um leikinn. Víkingur sá aldrei
til sólar í leiknum og ógnaði lítið
sem ekkert.
Fyrri hálfleikur var eign Vals-
manna frá upphafi. Þeir stýrðu
umferðinni, spiluðu vel á miðjum
vellinum en voru í vandræðum á
síðasta þriðjungi vallarins eins
og áður í sumar og varnarmenn
Víkings voru í litlum vandræðum
með að stöðva sóknarlotur heima-
manna. Sóknarleikur gestanna var
að sama skapi steingeldur, sókn-
armennirnir komust ekki nálægt
boltanum og miðjumennirnir urðu
undir í flestum bardögum.
Það var flest sem benti til þess
að það yrði markalaust í hálf-
leik en Pálmi Rafn skallaði auka-
spyrnu Carlsen laglega í mark í
uppbótartíma.
Helgi Sigurðsson gerði svo út
um leikinn á tveggja mínútna
kafla snemma í síðari hálfleik.
Fyrst með marki úr víti og svo
með kláraði hann færi einn gegn
markverði eftir klaufaskap í vörn
Víkings.
Víkingar lögðust endanlega
niður eftir markið og veittu litla
sem enga mótspyrna en þeir voru
afspyrnuslakir nánast allan leik-
inn. Varnarleikurinn var oft á
tíðum vafasamur og sóknarleikur-
inn enginn. Nokkrir dauðakippir
komu í lok leiksins og Kekic skor-
aði úr víti sem Gunnar nældi í.
„Við vorum ekki nógu ákveðnir
og þeir komast reyndar yfir þegar
ég taldi að tíminn væri búinn.
Við vorum svo ekki klárir í upp-
hafi síðari hálfleiks og þeir klára
leikinn snemma,“ sagði Magnús
Gylfason, þjálfari Víkings. „Dóm-
gæslan var léleg í dag en við töp-
uðum ekki út af henni.“
Valur var mun betra liðið og
hafði yfirburði úti um allan völl.
Það styrkti leik liðsins að fá Haf-
þór inn loksins en nokkuð vantaði
upp á kantspilið síðast.
„Mér fannst spilamennskan góð
á köflum og mikið af færum. Ég
er sáttur þó svo að ég sé nokkuð
pirraður yfir hvað við klúðrum
af færum,“ sagði Valsarinn Helgi
Sigurðsson, sem var maður leiks-
ins. „Ég er sáttur við mína byrj-
un á mótinu en ég hefði gjarnan
viljað að við værum komnir með
fleiri stig.“
Valsmenn völtuðu yfir arfaslaka Víkinga í Laugardalnum í gær og unnu örugg-
an og sanngjarnan 3-1 sigur. Helgi Sigurðsson skoraði tvö mörk fyrir Valsmenn.