Fréttablaðið - 07.07.2007, Blaðsíða 62
Ég ætti að búa fjarri öllum mönn-
um. Mennirnir trufla mig. Hið
ókunna hvíslar aldrei að mér, nema
þegar ég er einn. Það hrökkva
skærastir neistar af steinun-
um, þegar þeim er slegið saman í
myrkri. Einveran er myrkrið mitt.
Hvað skiptir það vinnufólkið, að
ég vaki? Ég hef orðið þess var,
að það hatar mig. Það er vegna
þess, að ég læt mér ekki nægja
jafn smásálarlegar óskir eins og
það. Mínar óskir eru voldugar og
takmarkalausar. Og í upphafi var
óskin. Óskirnar eru sálir mann-
anna.
Jóhann Sigurjónsson:
Galdra-Loftur
Birna Karlsdóttir benti mér á fast-
eignaauglýsingu þar sem segir:
„Íbúðin er stödd á vinsælum stað
í miðborg Reykjavíkur.“ Nú hef
ég að vísu heyrt um sumarhús
sem seld eru tilbúin til flutnings,
en að íbúð sé stödd einhvers stað-
ar, það þykir mér nokkur nýlunda.
Það minnir mig á orðatiltæki sem
ég lærði í Svíþjóð, að ýmislegt fái
maður að heyra áður en eyrun
detta af manni.
Í Vestfjarðablaði sem fylgdi Mbl.
15. júní, segir í fyrirsögn: „Þuríður
sundafyllir og sonur hennar Völu-
Steinn numu land í Bolungarvík.“
Þessi sögn beygist nema-nam-
námum-numið, og því skal segja:
námu land. Þetta má sjá í Stafsetn-
ingarorðabókinni nýju, þar sem
kennimyndir sagna eru tilgreindar.
Í sama blaði segir einnig: „finndu
hrynjanda hafsins“ – og er rangt.
Hrynjandi er í rauninni tvö orð.
Annars vegar karlkynsorð í merk-
ingunni fall, hrun, en hins vegar
kvenkynsorð, eins í öllum föll-
um, og merkir þá hreimur, hljóð-
fall, kveðandi – og þannig er orðið
í þessu dæmi. Því skal segja:
Finndu hrynjandi hafsins.
Birgir Guðjónsson skrifar og
kvartar undan misnotkun orðs-
ins von: „Það er nú notað í tíma
og ótíma, og jafnvel þar sem síst
skyldi. Þannig eiga menn von á
stórviðrum og gengisfellingum,
svo að eitthvað sé nefnt. Enginn
reiknar með einhverju, býst við,
gerir ráð fyrir, telur líkur til ein-
hvers o.s.frv.“ Vitnar hann í orð
jarðfræðings í Mbl.: „Þar sem
skriðan er utan alfaraleiða og er
ekki á hættusvæði fyrir mann-
virki eða fólk á ég ekki von á því að
menn fari að taka út hættu á frek-
ari berghlaupum á þessu svæði.“
Ekki þarf miklu við þetta að bæta,
nema þá kannski að ekki þykir
mér fallegt að taka út hættu.
Þetta minnir mig þó á það
mikla uppistand sem varð þegar
ég kvartaði undan því sem for-
maður útvarpsráðs endur fyrir
löngu, að frétt af valdaráninu í
Chile 1973 skyldi hefjast á orðun-
um: Það var ekki vonum seinna.
Ég vona að menn átti sig á því að
von merkir það sem maður þráir,
óskar og væntir að verði. Þó má
ekki gleyma þeirri merkingu sem
felst í orðunum „það er von að þú
segir það.“
Hugarfar er fleyta innst
í fórum mínum
og undir ljóðaseglum sínum
siglir beint að huga þínum.
Ættarmót njóta mikilla
vinsælda meðal Íslendinga
og á hverju sumri flykkjast
hundruð landsmanna út á
land til að hitta fjarskylda
og nærskylda ættingja sína.
Í Vestmannaeyjum kemur
ein ætt saman um helgina
sem er þekkt fyrir mikið
stuð.
„Það er alltaf mikið fjör þegar
fjölskyldan kemur saman. Þú getur
rétt ímyndað þér,“ segir þingmað-
urinn Árni Johnsen en um helgina
fer fram ættarmót hjá einum legg
Johnsen-ættarinnar, þeim afkom-
endum sem tengdir eru Suðurgarði,
en þar átti einmitt afi og nafni þing-
mannsins heima.
Eins og sönnu Johnsen-fólki
sæmir verður mikið um dýrðir á
ættarmótinu og er búist við að um
150 manns muni koma saman við til-
efnið. Árni segir ættarmótin ávallt
vera hina mestu skemmtun og er
ekki ólíklegt að þingmaðurinn grípi í
gítarinn og stjórni fjöldasöng þegar
líða tekur á kvöldið. „Þetta er stór
og lífsglöð ætt og verður eflaust
stórskemmtilegt,“ segir Árni.
Mikið er um að vera í Eyjum um
helgina en þá fer fram hin svokall-
aða goslokahátíð og er búist við
talsverðum fjölda í bænum í til-
efni hennar. Félag ungra sjálfstæð-
ismanna hefur skipulagt hópferð til
Eyja þar sem búast má við því að
fólk skemmti sér fram eftir nóttu og
þá eru sex stórbrúðkaup fyrirhuguð
í bænum um helgina, með tilheyr-
andi gestafjölda og hátíðarhaldi.
Lögreglan í Eyjum er í viðbragðs-
stöðu vegna alls þessa fjölda fólks
og verður aukamaður á vakt til
vonar og vara. Lögreglan segist
þó ekki eiga von á því að þurfa að
skipta sér af ættarmótinu, enda sé
Johnsen-fólkið ljúfmenni upp til
hópa.
Johnsen-ættin gerir sér glaðan dag
Lausn krossgátunnar er birt að viku liðinni á vefnum, www.gatur.net