Fréttablaðið - 13.10.2007, Blaðsíða 8

Viðræður rússneskra
og bandarískra ráðamanna í Moskvu
urðu ekki til þess að leysa úr ágrein-
ingi ríkjanna um fyrirhugaðar eld-
flaugavarnir Bandaríkjanna í Tékk-
landi og Póllandi.
Vladimír Pútín Rússlandsforseti
átti fund með Condoleezzu Rice
utanríkisráðherra og Robert Gates
varnarmálaráðherra, sem komu í
gærmorgun frá Bandaríkjunum.
Þau áttu einnig fund með rússnesk-
um starfsbræðrum sínum, Sergei
Lavrov utanríkisráðherra og Anat-
ólí Serdjúkov varnarmálaráðherra.
Þau Rice og Gates komu til fund-
anna með nýjar hugmyndir að lausn
á deilunni, en tókst ekki að sann-
færa Rússana um að flugskeytun-
um yrði ekki hugsanlega beint gegn
Rússum.
„Við sjáum tvö alvarleg vanda-
mál við þessar tillögur,“ sagði Lavr-
ov á blaðamannafundi eftir á. Annað
er að Bandaríkjamenn og Rússar
eru ósammála um eðli þeirrar hættu
sem Evrópuríkjum stafar af flug-
skeytum, og hitt er að Bandaríkja-
stjórn neitar að fresta framkvæmd
áformanna meðan málin eru rædd.
Embættismenn beggja ríkjanna
munu þó áfram ræða deiluna og
annar fundur ráðamanna verður
haldinn eftir hálft ár.
Ekkert samkomulag
Franskt dagblað,
sem birt hefur eina viðtalið við
eiginkonu Nicolas Sarkozy Frakk-
landsforseta frá því hann náði
kjöri í vor, fullyrti í gær að brátt
myndu þau hjón tilkynna að þau
hygðust sækja um skilnað.
Talsmenn forsetans og eigin-
konunnar neituðu að tjá sig um
málið er eftir því var innt.
Fréttina birti dagblaðið L‘Est
Republicain á fréttavef sínum í
gær, en í því blaði birtist í síðasta
mánuði eina viðtalið sem Cecilia
Sarkozy hefur veitt frá embættis-
tökunni í maí. Hjónin hafa ekki
sést saman opinberlega í margar
vikur.
Sækja um skilnað
Hringdu í síma
ef blaðið berst ekki