Fréttablaðið - 13.10.2007, Blaðsíða 75
Börn leika fyrir börn og ömmur og afa í gamla
Austurbæjarbíói.
Öskubuska er sem fyrr ákaflega aum lítil
stúlka sem neyðist til þess að skrúbba og skúra
frá morgni til kvölds meðan óþolandi stjúps-
ystur fetta sig og gretta og þurfa ekkert að
gera annað en klaga þá stuttu. Í þessari útgáfu
er pabbinn allt í einu sýnilegur þó hann sjálfur
sjái nú harla lítið, honum er nefnilega haldið
sofandi á lyfjum í hjólastól og það er hin
útsmogna stjúpa sem sér til þess. Öskubuska,
sem vill pabba sínum allt hið besta, er svo látin
dæla lyfjunum í hann án þess að vita sjálf að
hún er að gera hann að sjúklingi.
Ballið er á sínum stað eins og í gömlu sögunni.
Prinsinn er á sínum stað eins og í hinni hefð-
bundnu sögu en hann á aftur á móti litla kærustu
sem er, eins og Ofelía í Hamlet, ekki þessum
prinsi samboðin þannig að þess vegna verður að
blása til dansleiks þar sem kynna á kvenkostinn
í ríkinu. Þar er stúlkutetrum raðað upp og þær
kynntar ekki ósvipað og gert er í hinum for-
heimskandi fegurðarsamkeppnum samtímans.
Stjúpan heggur hælinn af annarri dótturinni og
tána af hinni en engu að síður er það hin aumk-
unarverða Öskubuska sem passar í skóinn alveg
eins og við þekkjum úr ævintýrinu gamla. Lítil
álfkona með sólgleraugu hafði hjálpað henni til
að komast af stað og auðvitað dansaði hún við
prinsinn og missti af sér skóinn eins og lög gera
ráð fyrir.
Nú hefst hin mikla leit um allt ríkið að þeirri
stúlku sem passar í skóinn og þegar Öskubuska
er komin aftur í skóinn fær prinsinn leyfi til
þess að giftast Bjönku æskukærustunni sinni
þannig að þegar brúðkaup er haldið og allir
hlæja og hoppa og leikritið er búið er Öskubuska
alveg eins umkomulaus og hún var þegar hún
var útundan heima hjá stjúpunni.
Það er ekkert sem segir að Öskubuska geti
ekki orðið hamingjusöm án þess að giftast prins-
inum. Kannski hafa höfundar hér hugsað með
sér að þetta væri rosalega sneddí því þá gæti
hún bara farið í háskóla og orðið hjúkrunarfræð-
ingur eða kvenprestur, en því miður hugsa ekki
krakkar þannig. Einhverja umbun átti Ösku-
buska að fá og til hvers var verið að leita að
stúlku sem passaði í skóinn?
Hver var markhópur sýningarinnar? Áhorf-
endahópurinn er oftast á fyrstu árum grunn-
skóla fyrir utan afana og ömmurnar og lausnir
af þessu tagi eru ekki alveg í smekk og anda
þessara áhorfenda.
Agnar Jón Egilsson er bjartsýnismaður og
einkar hugmyndaríkur og á mikið hrós skilið
fyrir að koma saman sýningu af þessari stærð-
argráðu með svo svakalega ólíkum listamönn-
um. Aldur leikaranna teygist frá 9 til 15 ára og
það er kannski það sem er erfiðast, að þroskam-
unur listamannanna er svo mikill.
Mér eru sérstaklega minnisstæðir tveir yndis-
legir þjónar sem báru glasabakka í höllu kon-
ungs, einkar ábúðarfullir, tóku starf sitt alvar-
lega og voru svo sannarlega með hugann við það
sem þeir voru að gera.
Kallari konungs var skýrmæltur mjög og fór
Malen Rún Eiríksdóttir með það hlutverk.
Öskubuska sjálf var einnig ein af þeim sem
bæði töluðu skýrt og skildu hvað þau voru að
segja. Bryndís Tatjana Dimitrisdóttir verður
sennilega oftar á fjölunum. Það er erfitt að fara
að telja upp alla leikarana en það er ekki hægt að
tala um þessa hátíð án þess að minnast á álfkon-
una litlu sem varð uppáhald áhorfenda, Snædís
Arnardóttir heitir stúlkan sú og kunni vel þá list
að stela senunni. Þessi sýning er um margt mjög
góð en lýsingin var draugsleg og á köflum eins
og ekki nægjanlega til hennar vandað. Það sem
er virðingarvert er að vera með svona marg-
breytilegan leikhóp og takast að láta alla njóta
sín því sumir fengu að stökkva inn í mörg hlut-
verk.
Afi, stattu upp úr sófanum og farðu með
barnabörnin að horfa á frábæra leikara syngja
og leika og bjóddu þeim svo á leiklistarnámskeið
á eftir! Til hamingju, krakkar!
Öskubuska fékk ekki prinsinn
Tríó Vadims Fedorovs
Tónleikar miðvikudaginn 17. október kl. 21
Frönsk sveifla í bland við heims- og jazztónlist!
Margrét Valdimarsdóttir leiðir tónleikagesti um
sýninguna Handverkshefð í hönnun kl. 20
Handverkshefð í hönnun
Sýnd eru verk 34 hönnuða, lista- og handverksfólks
Leiðsögn á hverjum sunnudegi kl. 14.
Boðið er upp á leiðsögn fyrir hópa. s. 575 7700
Úr ríki náttúrunnar
Guðmunda S. Gunnarsdóttir, alþýðulistakona,
sýnir málverk og myndverk úr rekaviði og steinum.
Listakonan tekur á móti gestum um helgina.
Vissir þú...
að í Gerðubergi er góð aðstaða fyrir ráðstefnur,
námskeið, fundi og móttökur.
Bókanir: gerduberg@reykjavik.is • sími 575 7700
Sýningar eru opnar virka daga frá 11-17
og um helgar frá 13-16. Sími 575 7700.
GERÐUBERG
www.gerduberg.is