Fréttablaðið - 13.10.2007, Page 76
Skórnir á tískuvikunni í París vöktu jafn mikla athygli og fatnaðurinn en
það virðist sem hönnuðir séu að fara í mjög „kínkí“-áttir í skótaui. Af
einskærri tilviljun á sér stað ljósmyndasýning í litlu galleríi í París um
þessar mundir titluð „Fetish“ en þar hefur meistari David Lynch myndað
konur annaðhvort á hnjánum eða liggjandi, klæddar aðeins í skó eftir
Christian Louboutin. Er skóblæti sem sé það sem koma skal? Hönnuðir
eins og Nicolas Ghésquiere hjá Balenciaga og
Stefano Pilati hjá Yves Saint-Laurent sýndu afar
dömuleg föt fyrir vor og sumar 2008, en í hrópandi
mótsögn við öll settlegheitin klæddust fyrirsæturnar
skóm sem komu svo sannarlega úr „fetish“ heimin-
um. Ghésquiere klæddi fyrirsæturnar í háar
leðurreimar sem hringuðust um fótleggina og Pilati
setti þær á himinháa pinnahæla með aðeins einu
mjóu bandi milli tánna sem hélt fótunum í skónum.
Áhorfendur göptu af aðdáun og væntanlega líka af
hræðslu, því að stúlkurnar litu út fyrir að vera í
bráðri lífshættu á pallinum. Hjá Chloé voru hælarnir
mótaðir í eins konar þríhyrning, og hjá Ninu Ricci
beygðust hælarnir inn, eins og risavaxnar klær á
bjarndýri. Alexander McQueen sýndi eflaust
brjálæðislegustu skóna af öllum en þeir voru innblásnir af japönskum
geisjum. Hvernig fyrirsæturnar fóru að því að ganga á þeim hef ég ekki
hugmynd um. Háir hælar og spengilegir leggir eru langt frá því sjokker-
andi í dag en skóblæti er þó „synd“ sem blómstrar víða. Hver man ekki
eftir þættinum í Sex and the City þegar skókaupmaður gaf Charlotte
endalaus pör af rándýrum skóm bara til þess að fá að horfa á hana máta
þá? Þetta eðalsamband þeirra brást svo þegar maðurinn gat ekki hamið
fullnægingu sína í fullri búð af kúnnum. Sitt sýnist þó væntanlega
hverjum um skó og ég er ekki viss um að karlmenn myndu sérstaklega
heillast af „Pagoda“-skóm McQueens enda væri kærastan örugglega
fótbrotin eða í fatla eftir eitt kvöld í því skótaui. Persónulega finnst mér
YSL-skórnir langmest sexí þar sem það er eitthvað skemmtilega synd-
samlegt við örmjóa pinnahæla með málmbandi á milli tánna. Erótísk
táknfræði? Ekki spyrja mig.
Kinkí tásur
Hönnuðurinn Marc Jacobs vakti óneitanlega athygli fyrir sumarlínu
sína hjá tískuhúsinu virðulega, Louis Vuitton. Sýning hans átti
sér stað á tískuvikunni í París í Versailles-höllinni og þar gaf
að líta ofurbomburnar Evu Herzigova, Stephanie Seymour
og Naomi Campbell í gegnsæjum hjúkkubúningum með
svartar blúndugrímur yfir andlitinu. „Þetta er allt vegna
samstarfs míns við listamanninn Richard Prince,“ útskýrði
Jacobs, en teikningar Prince (sem gerði líka frægt umslag
fyrir hljómsveitina Sonic Youth) verður að finna á tösk-
um og fylgihlutum frá Vuitton í vor. En hvert skyldi Jac-
obs hafa sótt hið glaðlega litaspjald sem einkenndi lín-
una? „Ég elska Svamp Sveinsson og mér sýnist Rei
Kawakubo gera það líka, við notuðum sömu litina!“ sagði
Jacobs glaðhlakkalega. Tískusýningin var sannarlega
umdeild, enda um mjög sérkennilegar samsetningar að
ræða. Brjálaðir litir eins og gult, skærbleikt, fjólublátt og
grænt og blanda af siffoni, tvídefnum, peysum úr gervi-
efnum og regnfrökkum úr næloni voru greinilega leið
Jacobs til að sýna fram á fullt listrænt frelsi innan
hátískuhússins.
4months
3weeks&
2days
BESTA MYNDIN
GULLPÁLMINN CANNES 2007
KLIPPIÐ HÉR!
- Ekkert hlé á góðum myndum
Ekkert hlé Minna af auglýsingum Engin truflun321
2 fyrir 1 allar frumsýningarhelgar gegn framvísun þessarar úrklippu.
FRUMSÝND 12 . OKTÓBER SÝND Í REGNBOGANUM
4 MÁNUÐIR, 3 VIKUR & 2 DAGAR | 4 LUNI, 3 SAPTAMANI SI 2 ZILE
www.graenaljosid.is - Skráning í Bíóklúbb Græna ljóssins margborgar sig
„Ekki eintóna hrollvekja heldur rómmikill
lofsöngur til dýrðar hugrekki og vináttu,
listarinnar að komast af við ómennskar
aðstæður.“
- Sæbjörn Valdimarsson, Morgunblaðið