Fréttablaðið - 16.10.2007, Síða 21

Keppendur í fitness og vaxtarrækt stofnuðu
um síðustu helgi Félag keppenda í fitness og
vaxtarrækt sem hefur það að markmiði að gæta
hagsmuna þeirra og kynna greinina betur fyrir
almenningi.
Ingunn Guðbrandsdóttir er ein þeirra sem stóðu
fyrir stofnun félagsins og var kjörin gjaldkeri þess á
stofnfundinum. „Nokkrir keppendur héldu fund
nýlega um mótin sem eru framundan, skort á upplýs-
ingum til keppenda og ákveðna óánægju sem hefur
verið í gangi meðal þeirra. Þá ræddum við hvernig
hægt væri að gæta hagsmuna þeirra keppenda sem
eru að fara að keppa á mótunum og hvernig hægt sé
að kynna sportið betur fyrir almenningi. Í framhaldi
af því ákváðum við að stofna þetta félag,“ segir Ing-
unn sem er sjálf að undirbúa sig fyrir keppni í fitn-
ess. „Margir halda að við séum allt árið í því formi
sem við erum þegar við keppum en það er alls ekki
og við erum heldur ekki svona rosalega brún allt árið
eins og við erum á sviðinu,“ segir Ingunn og hlær.
„Allir sem hafa áhuga á að keppa í vaxtarrækt eða
fitness, hvort sem það er innan Icefitness eða IFBB,
eru gjaldgengir í félagið. Það er hagur okkar allra að
það mæti sterkir keppendur til leiks þannig að flest-
ir eru tilbúnir til að miðla upplýsingum og hjálpast
að við undirbúninginn,“ segir Ingunn og bætir því
við að það sé ekkert gaman að keppa þegar einn eða
tveir standi svo mikið upp úr að það sé engin sam-
keppni.
Þá segir Ingunn það líka vera markmið að fá fleiri
keppendur og áhorfendur á mótin. „Áhuginn er
reyndar alltaf að aukast og ungt fólk að bætast í hóp-
inn sem er tilbúið að leggja þetta á sig og prófa,“
segir Ingunn og vonast eftir góðri þátttöku í félagið.
Formaður félagsins er Sunna Hlín Gunnlaugsdótt-
ir sem heldur úti vefsíðunni vodvafikn.net og á þeirri
síðu má finna allar upplýsingar um Félag fitness-
keppenda.
Félag fyrir keppendur
Umbo›s- og sölua›ili
Birkiaska ehf.
sími: 551 9239
www.birkiaska.is
Birkiaska
F
í
t
o
n
/
S
Í
A