Fréttablaðið - 26.10.2007, Blaðsíða 8

Hvað heitir athafnamaður-
inn sem reynir að eignast
hálfan Hallargarðinn?
Hvað heitir höfundur bókar-
innar Játningar karlrembu?
Hvað heitir nýjasta plata
Mugisons?
Menntaskólinn í
Kópavogi hlaut viðurkenningu
Jafnréttisráðs í ár fyrir að hafa
skýra og virka jafnréttisstefnu
gagnvart bæði nemendum og
starfsfólki skólans. Jóhanna
Sigurðardóttir félagsmálaráð-
herra veitti viðurkenninguna.
Menntaskólinn hefur tekið þátt
í samevrópsku verkefni þar sem
leitast er við að gera nemendur
meðvitaða um kyn og kynímyndir
og staðið fyrir sérstakri jafnrétt-
isviku.
Jafnréttisráð vill með viður-
kenningunni hvetja aðra skóla til
líkrar starfsemi, að því er kemur
fram í tilkynningu félagsmála-
ráðuneytisins.
Viðurkenning
fyrir starf í
þágu jafnréttis
Komið og kynnið ykkur þjónustu Atlantic Airways og
Hótel Føroyar og Færeyjar sem áfangastað ferðamanna í
Kringlunni föstudaginn 26.október milli kl. 12 - 18
„Við höfum verið
að ráða um 400 starfsmenn og það
segir sig sjálft að í svona stórum
hópi er hætta á að
einhverjir falli
ekki í hópinn eða
standi ekki undir
væntingum,“
segir Erna
Indriðadóttir,
upplýsingafull-
trúi Alcoa-
Fjarðaáls.
„Við höfum
verklagsreglur
sem á að fylgja í
svona tilvikum. Við munum
kryfja þetta mál og læra af því ef
ekki var rétt að málum staðið. Við
hörmum það ef ekki hefur verið
farið vel að þessum konum en það
er fráleitt að þetta hafi verið gert
til að skapa óöryggi meðal
starfsmanna.“
Kryfjum og
lærum af þessu
Tveimur konum,
sem störfuðu hjá Alcoa-Fjarðaáli
á Reyðarfirði, var sagt upp með
„sérstaklega ógeðfelldum hætti“
hvorri sinn daginn í síðustu viku,
að sögn Sverris Albertssonar,
framkvæmdastjóra Afls starfs-
greinafélags. Önnur konan fékk
þá skýringu að hún gæti ekki lært
á tæki, hin að hún hefði ekki fallið
í hópinn. Konunum hafði ekki
verið gefin nein viðvörun.
„Í báðum tilfellum voru kon-
urnar sóttar á vaktina í viðtal,
þeim afhent uppsagnarbréf og
fyrirmæli um að kvitta fyrir mót-
töku. Önnur neitaði því. Þeim var
síðan vísað út fyrir hlið af öryggis-
vörðum og staðið yfir þeim meðan
þær tæmdu fataskápana,“ segir
Sverrir. Annarri konunni var
meinað að fara með samstarfs-
fólki sínu í rútu. Hún var send
heim í leigubíl.
„Mín upplifun er sú að þessum
aðferðum sé beitt til að skjóta
öðrum skelk í bringu og skapa
óöryggi á vinnustaðnum,“ segir
Sverrir og telur afleiðingarnar
alvarlegar. Önnur konan hafi
verið að koma út á vinnumarkað-
inn eftir fjórtán ár heima og fjöl-
skyldur beggja hafi flutt búferl-
um vegna þessarar atvinnu.
Hann kveðst hafa sett sig strax
í samband við yfirmenn eftir
fyrri uppsögnina, þeir viðurkennt
að ekki hafi verið rétt að málum
staðið og lofað bót og betrun. Dag-
inn eftir hafi seinni konunni verið
sagt upp með jafnvel harkalegri
aðferð.
„Báðar fjölskyldurnar hafa sett
sig í fjárhagsskuldbindingar
miðað við þessa atvinnu og nú
standa þær frammi fyrir tals-
verðum erfiðleikum. Þetta er
niðurlægjandi. Menn þurfa ekki
að vera sérfræðingar til að átta
sig á því að þetta hefur neikvæð
og niðurdrepandi áhrif,“ segir
Sverrir. -
Meðferðin var niðurlægjandi
Ásatrúarfélagið á ekki
heimtingu á greiðslum úr ríkissjóði
til jafns við Þjóðkirkjuna. Þetta er
niðurstaða Hæstaréttar í máli
félagsins gegn íslenska ríkinu.
Rétturinn staðfesti sýknudóm
Héraðsdóms Reykjavíkur.
Ásatrúarfélagið stefndi ríkinu
þar sem það taldi sig eiga rétt á
sömu framlögum og þjóðkirkjan
úr ríkissjóði, og vísaði sérstak-
lega til framlaga sem renna í
jöfnunarsjóð sókna og í kirkju-
málasjóð.
Á þetta féllst dómurinn ekki.
Verkefni Ásatrúarfélagsins yrðu
ekki lögð að jöfnu við lögboðnar
skyldur þjóðkirkjunnar.
Ásatrúarmenn
fá ekki búbót
Eitt flugslys verður
fyrir hver tvö milljón flugtök
flugvéla í atvinnuflugi í dag, en
voru 2,4 fyrir hver tvö milljón
flugtök árið 1996. Ellefu alvarleg
flugslys urðu hjá þotum í atvinnu-
flugi á síðasta ári en þrettán á
fyrstu níu mánuðum ársins í ár.
Þetta kemur fram í frétt sem
birt er á vef samgönguráðuneytis-
ins, og byggist á upplýsingum
sem fram komu á ráðstefnu um
flugöryggismál sem haldin var á
vegum flugöryggissamtaka, sam-
taka áætlunarflugfélaga og sam-
taka tæknimanna.
Árið 2006 var þó með óvenju
lágri slysatíðni. Á síðustu árum
hafa orðið 11-19 slys á ári hverju
þar sem þotur í atvinnuflugi eiga
í hlut. Mannskaði varð í sjö af
þrettán slysum sem orðið hafa á
árinu.
Í frétt ráðuneytisins kemur
fram að rösklega 40 þúsund þotur
og skrúfuþotur séu á skrá sem
vélar í atvinnuflugi í heiminum í
dag. Þar af eru þotur rösklega
tuttugu þúsund, skrúfuþotur ríf-
lega sex þúsund og einkaþotur
eða smáþotur tæplega fjórtán
þúsund.
Airbus og Boeing, stærstu flug-
vélafamleiðendur heims, gera
ráð fyrir því að á næstu tveimur
áratugum verði 29 þúsund flug-
vélar smíðaðar. Þær muni mæta
vaxandi þörf í heiminum, einkum
í Asíu, og leysa eldri vélar af
hólmi.
Flugslys fleiri í ár en í fyrra