Fréttablaðið - 26.10.2007, Page 40

26. OKTÓBER 2007 FÖSTUDAGUR2 fréttablaðið heilsa og hreyfing
Tvisvar í viku hittast nokkrir krakkar
í Æfingastöð Styrktarfélags lamaðra
og fatlaðra til að hreyfa sig, leika og
skemmta sér.
„Það er stórkostleg mæting hjá okkur og
krakkarnir eru mjög spenntir að koma enda
er þetta hápunktur vikunnar hjá mörgum
þeirra,“ segir Harpa Ýr Erlendsdóttir, iðju-
þjálfi hjá Æfingastöð Styrktarfélags lam-
aðra og fatlaðra, en hún sér um marga af
þeim hópum sem koma á Æfingastöðina til
að hreyfa sig og leika. Þegar Fréttablaðið
bar að garði var hópur krakka úr öðrum og
þriðja bekk að gera ýmsar æfingar í köðlum
og fimiæfingar á dýnum og skemmti sér hið
besta. „Þessi hópur er íþróttahópur þar sem
lögð er áhersla grófhreyfingar og félags-
færni,“ segir Harpa Ýr en krakkarnir koma
tvisvar í viku, 40 mínútur í senn. „Í leiðinni
erum við að skapa þessum börnum tækifæri
til að efla sjálfstraust í gegnum leik og sam-
skipti og hvetja þau til aukins áhuga á hreyf-
ingu og tómstundum,“ segir Harpa Ýr og
bætir við: „Samfara grófhreyfingunni erum
við einnig að vinna með hugmyndafræði
reynslunáms þar sem hver tími er tengdur
þema og markmiði eins og trausti, virðingu,
samvinnu og hugrekki.“ solveig@frettabladid.is
Hápunktur vikunnar
Sindri Snær Sigurðsson athugar hvort bitið hafi á
meðan Einar Már Másson mundar veiðistöngina.
Tímarnir eru hápunktur vikunnar hjá mörgum krakkanna.
Helga Lára Jónsdóttir sveiflar sér í kaðlinum.
Lilja Mist Sigurðardóttir leikur listir sínar á dýnunni.
Harpa Ýr Erlendsdóttir iðjuþjálfi og Jórunn Hafsteinsdóttir sjúkraþjálfari skemmta sér ljómandi vel með krökkunum. FRÉTTABLAÐIÐ/VILHELM
Pétur Ingi Ágústsson gerir
styrkjandi æfingu.