Fréttablaðið - 26.10.2007, Síða 44

26. OKTÓBER 2007 FÖSTUDAGUR6 fréttablaðið heilsa og hreyfing
Lengi býr að fyrstu gerð,
en það er einmitt hugsjón
rithöfundarins Ebbu Guðnýjar
Guðmundsdóttur sem nú hef-
ur skapað langþráð þarfaþing
fyrir foreldra ungra barna í
bókinni „Hvað á ég að gefa
barninu mínu að borða?“
„Nokkru áður en ég ól frumburð
minn hafði ég breytt mataræði
mínu því það var ýmislegt í fæðu-
valinu sem ég fann að gerði mér
illt. Árangurinn lét ekki á sér
standa svo ég fékk mikinn áhuga
á þessu og fór á stúfana að leita
að íslenskri bók um heilnæmt
mataræði barna þegar dóttir mín
fæddist,“ segir Ebba Guðný. Hún
kom að tómum kofanum í bóka-
búðum hér á landi, en fann úrvals
bækur um hollt mataræði og lífs-
hætti barna í útlöndum.
„Ég hafði mikla trú á að að
hollt mataræði mundi auka lífs-
gæði barna, ef þau væru frá byrj-
un vanin á grænmeti, ávexti og
heilt korn. Þess vegna fór ég að
prófa mig áfram og skrifa hjá
mér margt af því sniðuga sem
ég varð vísari ásamt því að búa
til uppskriftir. Fljótlega var
þetta orðinn svo mikill fróðleik-
ur og safn góðra uppskrifta að ég
ákvað að gefa út þessa bók svo að
fleiri gætu nýtt sér það sama og
ég hafði svo lengi leitað að,“ segir
Ebba Guðný, en bókin er væntan-
leg í bókabúðir í nóvember.
„Það er óskaplega einfalt að
búa til góðan og hollan barna-
mat, og alls engin geimvísindi, ef
maður hefur réttu upplýsingarn-
ar og kann til verka. Bókin er not-
endavænt uppflettirit með fróð-
leik, hagnýtum upplýsingum og
fjölda uppskrifta. Fólk hikar oft
við að matreiða úr grænmeti,
baunum, fisk og annarri hollustu
fyrir börn sín, en mikilvægt er að
hafa grænmeti og ávexti sýnilega
á heimilinu. Mín reynsla er nefni-
lega sú að börnum þykja ávext-
ir góðir og grænmeti, enda fæð-
ast þau með smekk fyrir náttúru-
legri og ferskri fæðu,“ segir Ebba
Guðný, en matseldin í bókinni er
hugsuð fyrir börn eftir sex mán-
aða aldur og upp úr.
„Í bókinni er ítarlegur listi
yfir það hvenær gefa má barni
ákveðnar fæðutegundir, ýmis-
legt um þroska og verkun ávaxta
og grænmetis, listi yfir tólin sem
gott er að eiga til matargerðarinn-
ar og fullt af góðum, einföldum
og fljótlegum uppskriftum fyrir
alla fjölskylduna. Ef við byrjum
strax að gefa börnum okkar fjöl-
breytta og holla fæðu verður eft-
irleikurinn auðveldari og maður
lendir ekki í því seinna að þurfa
að breyta mataræði allrar fjöl-
skyldunnar.“
thordis@frettabladid.is
Heimagerður barnamatur
er engin geimvísindi
Ebba Guðný Guðmundsdóttir er höfundur nýrrar bókar um mataræði barna frá því brjóstagjöfinni einni sleppir. Börn á öllum
aldri, og raunar öll fjölskyldan ,geta gert sér glaðan dag og eldað eftir uppskriftum og hollráðum bókarinnar.
FRÉTTABLAÐIÐ/VÖLUNDUR
Linandi áhrif kannabisreykinga á sársauka hafa
lengi verið þekkt og er notkun kannabisefna í
læknisfræðilegum tilgangi leyfð í Kanada og
Hollandi. Ný bandarísk rannsókn sem birt var í
tímaritinu „The Journal of Anesthesiology“ sýnir
hins vegar að of miklar kannabisreykingar geti
aukið frekar en minnkað sársauka.
Rannsakendurnir frá háskólanum í Kaliforníu
fundu að sársauka mætti lina með því að reykja
dálítið af marijúana en hins vegar hafði stór
skammtur þveröfug áhrif.
Fimmtán sjálfboðaliðar voru sprautaðir undir
húð með efninu capsaicin sem unnið er úr chili-
pipar til þess að búa til sársauka. Þeim var gefið
kannabis að reykja í misstórum skömmtum.
Eftir fimm mínútur fann enginn sjálfboðalið-
anna breytingu á sársaukanum. Þremur korter-
um síðar fundu þeir töluverðan mun sem reykt
höfðu í hófi en þeir sem höfðu reykt mikið töldu
sársaukann hafa aukist. Víman var þó mun meiri
hjá þeim síðarnefndu.
Einhverjar efasemdir eru um hvort slík rann-
sókn á annars heilbrigðu fólki geti gefið raun-
hæfar vísbendingar um áhrif kannabis á þá sem
þjást af krabbameini eða MS, en í auknum mæli
er litið á kannabisreykingar sem raunhæfan kost
til að lina sársauka. Frétt af vef BBC.
Of mikið gras eykur sársaukann
Linandi áhrif kannabisreykinga á sársauka hafa lengi verið
þekkt. Nú bendir ný rannsókn til þess að of miklar reyking-
ar hafi þveröfug áhrif.